完整藏文原文 · 德格版页 当前仅加载第 45 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། མ་འོངས་པའི་སེམས་སྦྱིན་པ་ལ་མ་ཞུགས་པ་གང་ཡིན་པ་དེ་ནི་དངོས་པོ་མེད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཟད་པས་རབ་ཏུ་ཕྱེ་བའི་སྡོམ་པ་གང་ཡིན་པ་དེ་ནི་དངོས་པོ་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་
D94.045.0041a01.01པའོ། །དགེ་བའི་འདུ་ཤེས་ཅན་དང་། མི་དགེ་བའི་འདུ་ཤེས་ཅན་དུ་སྤྲོས་པ་མེད་པ་གང་ཡིན་པ་དེ་ནི་དངོས་པོ་མེད་པའི་བཟོད་པའི་ཕ་རོལ་ཏུ་ཕྱིན་པའོ། །ལམ་ལ་རྩོལ་བ་གང་ཡིན་པ་དེ་ནི་དངོས་པོ་མེད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཁམས་གསུམ་ལ་མངོན་པར་
D94.045.0041a02.01ཞེན་པ་མེད་པའི་སེམས་གང་དུ་ཇི་ལྟ་བ་བཞིན་རྗེས་སུ་སོང་བ་གང་ཡིན་པ་དེ་ནི་དངོས་པོ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །འདི་ལ་འདུས་བྱས་ཀྱི་འདུ་ཤེས་ཅན་དང་། གང་འདུས་མ་བྱས་ཀྱི་འདུ་ཤེས་ཅན་མེད་པར་རྣམ་པར་སྤྱོད་པ་གང་ཡིན་པ་དེ་ནི་དངོས་པོ་མེད་པའི་
D94.045.0041a03.01ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་དངོས་པོ་མེད་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ཅན་དཔག་ཏུ་མེད་པའི་ཕྱིར་ཡོངས་སུ་བསྔོས་པའི་སྦྱིན་པ་གང་ཡིན་པ་དེ་ནི་རྒྱ་ཆེ་བའི་སྦྱིན་པའི་
D94.045.0041a04.01ཕ་རོལ་ཏུ་ཕྱིན་པའོ། །ཐམས་ཅད་དུ་འགྲོ་བའི་ཚུལ་ཁྲིམས་གང་ཡིན་པ་དེ་ནི་རྒྱ་ཆེ་བའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །སྦྱོར་བ་ལ་མི་ལྟོས་པའི་བཟོད་པ་གང་ཡིན་པ་དེ་ནི་རྒྱ་ཆེ་བའི་བཟོད་པའི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་ལས་བྱུང་བའི་བརྩོན་འགྲུས་
D94.045.0041a05.01གང་ཡིན་པ་དེ་ནི་རྒྱ་ཆེ་བའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་སྟོང་ཕྲག་བརྒྱད་ཅུ་སྒྲུབ་པར་བྱེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་རྒྱ་ཆེ་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་དང་
D94.045.0041a06.01རྣམ་པར་བྱང་བ་ཁོང་དུ་ཆུད་ཅིང་སྨོན་ལམ་ཁས་འཆེས་པ་གང་ཡིན་པ་དེ་ནི་རྒྱ་ཆེ་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བྱང་ཆུབ་སེམས་དཔའི་རྒྱ་ཆེ་བའི་ཕ་རོལ་ཏུ་ཕྱིན་པ་དྲུག་གོ། །དེ་ལ་རྒྱས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཕྱིར་མི་ལྡོག་པའི་ཆོས་དང་
D94.045.0041a07.01