完整藏文原文 · 德格版页 当前仅加载第 45 函德格 338b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དག་ཞུས་པ་དང་། བཅོམ་ལྡན་འདས་དེས་དེ་དག་གི་བསམ་པ་ཐུགས་སུ་ཆུད་ནས། ཏིང་ངེ་འཛིན་འདི་ཞག་བདུན་གྱི་བར་དུ་རྒྱ་ཆེར་ཡང་དག་པར་བསྟན་ཏོ། །དེ་དག་གིས་ཐོས་ནས་ཀྱང་། གཅིག་ལ་གཅིག་འདི་སྐད་དུ། ཀྱེ་མ་ཏིང་ངེ་འཛིན་འདི་མཐོང་བར་དཀའ་
D94.045.0338b01.01མོད་ཀྱི། འོན་ཀྱང་ཏིང་ངེ་འཛིན་འདི་ལེགས་པར་བྲིས་ཏེ་བཅང་བར་བྱའོ་ཞེས་འཛེར་ཏོ། །དེ་དག་ཐམས་ཅད་ཀྱིས་ཏིང་ངེ་འཛིན་འདི་བྲིས་ནས་ཀྱང་མཆོད་པ་བྱས་སོ། །བཟུང་ངོ་། །ལུང་ཡང་ཕོག་གོ། །དེ་ནས་དེ་དག་ཐམས་ཅད་དུས་ལས་འདས་ནས། སླར་དེ་
D94.045.0338b02.01དག་ཚོགས་པར་གྱུར་པས་སངས་རྒྱས་དྲུག་འབུམ་མཉེས་པར་བྱས་པར་གྱུར་ཏོ། །ཐམས་ཅད་དུ་ཏིང་ངེ་འཛིན་འདི་ཐོས་པར་གྱུར་ཏོ། །ཐམས་ཅད་རབ་ཏུ་བྱུང་ནས། ཏིང་ངེ་འཛིན་འདི་ཐོབ་པར་གྱུར་ཏོ། །སྨོན་ལམ་ཇི་ལྟར་བཏབ་པ་བཞིན། དགེ་བའི་རྩ་བ་འདི་ཁོ་ནས་ཐམས་ཅད་
D94.045.0338b03.01ཀྱིས་བྱང་ཆུབ་རབ་ཏུ་ཐོབ་པར་གྱུར་ཏོ། །མཆོག་ཏུ་དགའ་བའི་རྒྱལ་པོ་ཁྱོད་དེའི་ཚེ་དེའི་དུས་ན། འཁོར་ལོས་སྒྱུར་བའི་རྒྱལ་པོ་བློ་ཡངས་དེ་ཁྱོད་ཀྱིས་གཞན་ཡིན་ནོ་སྙམ་པ་དེ་ལྟར་བལྟ་བར་མི་བྱ་སྟེ། དེ་བཞིན་གཤེགས་པ་མར་མེ་མཛད་དེ། དེའི་ཚེ་དེའི་དུས་ན་འཁོར་ལོས་
D94.045.0338b04.01སྒྱུར་བའི་རྒྱལ་པོ་བློ་ཡངས་ཞེས་བྱ་བར་གྱུར་ཏོ། །དེ་བཞིན་གཤེགས་པ་རྣམ་པར་གཟིགས་དེ་ནི། དགེ་སློང་རིམ་གྲོ་པ་ཤེས་རབ་རྫོགས་ཞེས་བྱ་བར་གྱུར་ཏོ། །གང་དག་སྲས་ཁྲི་པོ་དེ་དག་ནི་བསྐལ་པ་འདི་ནས་བཟུང་སྟེ། བསྐལ་པ་དྲུག་ཅུ་རྩ་ལྔའི་བར་དུ་འཚང་རྒྱ་
D94.045.0338b05.01བར་མི་འགྱུར་རོ། །དེའི་འོག་ཏུ་བསྐལ་པ་གྲགས་པ་ཆེན་པོ་ཞེས་བྱ་བ་ཞིག་འབྱུང་བར་འགྱུར་ཏེ། བསྐལ་པ་གཅིག་པོ་དེ་ལ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །གང་དག་བློན་པོ་བརྒྱད་ཁྲི་པོ་དེ་དག་ནི། བསྐལ་པ་གྲགས་པ་ཆེན་པོ་
D94.045.0338b06.01འདས་ནས། བསྐལ་པ་བརྒྱད་ཅུའི་བར་དུ་འཚང་རྒྱ་བར་མི་འགྱུར་རོ། །དེའི་འོག་ཏུ་བསྐལ་པ་སྐར་མ་ལྟ་བུ་ཞེས་བྱ་བ་ཞིག་འབྱུང་བར་འགྱུར་ཏེ། དེ་ལ་བློན་པོ་བརྒྱད་ཁྲི་པོ་དེ་དག་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བསྐལ་པ་
D94.045.0338b07.01