完整藏文原文 · 德格版页 当前仅加载第 45 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །མཆོད་རྟེན་བཟང་པོས་ཁམས་གསུམ་གང་བར་འགྱུར། །དེ་བཞིན་གཤེགས་པ་མེ་ཏོག་འོད་སྐྱེ་བའི། །ཡུལ་ནི་མེ་ཏོག་དག་གིས་བརྒྱན་ཞེས་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡོན་ཏན་དབང་པོ་ཡབ། །ཡོན་ཏན་
D94.045.0271a01.01མཆོད་རྟེན་ཞེས་བྱ་རྒྱལ་བའི་ཡུམ། །སྲས་པོ་རྒྱལ་མཆོག་ཕན་འདོགས་རིམ་གྲོ་པ། །འཇིག་རྟེན་མཆོག་མ་ཞེས་བྱ་མཁས་པ་སྟེ། །མཐུ་རྩལ་རྒྱལ་པོ་ཞེས་བྱ་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང་། །ཐར་པ་གཏི་མུག་མེད་པར་གནས་གྱུར་པ། །
D94.045.0271a02.01བྱེ་བ་ཕྲག་ནི་ཁྲི་ཕྲག་གསུམ་གསུམ་ཡོད། །མི་ཚེ་ལོ་གྲངས་དག་ནི་དྲུག་ཁྲི་ཡིན། །ཆགས་པ་མེད་པར་གྱུར་པའི་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །དཔག་ཚད་དགུ་པ་ནོར་བུ་བྱེ་བས་སྤྲས། །དེ་
D94.045.0271a03.01བཞིན་གཤེགས་པ་སྨན་པའི་བདག་པོ་ཡི། །སྐྱེ་བའི་ཡུལ་ནི་མྱ་ངན་སེལ་ཅེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཚད་སྟོང་ཡོད་ཡབ་ནི་མྱ་ངན་མེད། །ཡོན་ཏན་ལྟ་ཞེས་བྱ་བ་རྒྱལ་བའི་ཡུམ། །སྲས་པོ་འཚོ་བྱེད་འཇིགས་མེད་རིམ་གྲོ་པ། །བསོད་ནམས་དགའ་
D94.045.0271a04.01ཞེས་བྱ་བ་མཁས་པ་སྟེ། །སེང་གེའི་སྒྲ་སྒྲོགས་པ་ནི་རྫུ་འཕྲུལ་ཅན། །འདུས་པ་ལན་གྲངས་མཐའ་ཡས་ཀུན་ལ་ཡང་། །ཕྱིར་མི་ལྡོག་པ་ཐམས་ཅད་གཟུངས་ཐོབ་པ། །བྱེ་བ་ཕྲག་ནི་ཁྲི་ཕྲག་བརྒྱ་བརྒྱ་ཡོད། །མི་ཚེ་ལོ་གྲངས་བྱེ་བ་ཕྲག་སྟོང་ཡིན། །བྱང་ཆུབ་ཏུ་ནི་ཡོངས་སུ་སྨིན་བྱའི་
D94.045.0271a05.01ཕྱིར། །དམ་ཆོས་ལོ་གྲངས་བྱེ་བར་གནས་པར་འགྱུར། །རྒྱལ་བའི་སྐུ་གདུང་དག་ནི་རྒྱས་འགྱུར་ལ། །རིན་ཆེན་མེ་ཏོག་སྟོང་སྙེད་དག་གིས་བརྒྱན། །དེ་བཞིན་གཤེགས་པ་མདངས་མངའ་སྐྱེ་བ་ཡི། །ཡུལ་ནི་སྡུག་པར་རྣམ་པར་ལྟ་ཞེས་བྱ། །རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །
D94.045.0271a06.01དཔག་ཚད་བྱེ་བ་ཡབ་ནི་འབྱོར་ལྡན་ཡིན། །ཡེ་ཤེས་ཅན་ཞེས་བྱ་བ་རྒྱལ་བའི་ཡུམ། །སྲས་པོ་རྣམ་གྲོལ་ཆགས་མེད་རིམ་གྲོ་པ། །འབྲུག་སྒྲ་ཞེས་ནི་བྱ་བ་མཁས་པ་སྟེ། །མདངས་སྟོབས་འགྲོས་ཞེས་བྱ་བ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །ཐེག་པ་མཆོག་
D94.045.0271a07.01