完整藏文原文 · 德格版页 当前仅加载第 45 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བའི་དོན་དང་ཕན་ཕྱིར་རྒྱལ་བ་ཡི། །སྐུ་གདུང་དག་ནི་རྣམ་པར་རྒྱས་པར་འགྱུར། །མི་ཡི་འདྲེན་པ་གཙུག་ཕུད་སྐྱེ་བ་ཡི། །ཡུལ་ནི་རིན་ཆེན་བརྩེགས་པ་ཞེས་ཀྱང་བྱ། །དེའི་རིགས་བྲམ་ཟེ་ཡིན་ཏེ་འོད་ཀྱི་ཚད། །དཔག་ཚད་བདུན་ཅུ་ཡབ་ནི་ཏོག་{བཟངས་,བཟང་}ཡིན། །སྣང་བ་སྦྱིན་ཞེས་བྱ་བ་
D94.045.0287b01.01རྒྱལ་བའི་ཡུམ། །སྲས་པོ་ལྷ་ལེགས་སྒྲ་གཅན་རིམ་གྲོ་པ། །སྤོབས་པ་དྲན་པ་བློ་གྲོས་ཅན་ཡིན་ཏེ། །རྣམ་པར་སྤྲུལ་པའི་ཏོག་ནི་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་དྲུག་ཀུན་ལའང་། །འཇིགས་པ་མེད་པའི་གནས་མཆོག་ཐོབ་པ་པོ། །བྱེ་བ་ཕྲག་ནི་བརྒྱད་ཅུ་བདུན་བདུན་
D94.045.0287b02.01ཡོད། །མི་ཚེ་ལོ་གྲངས་དག་ནི་བརྒྱད་ཁྲི་ཡིན། །རྒྱལ་བ་མྱ་ངན་འདས་ནས་དམ་ཆོས་དག །ལོ་གྲངས་བརྒྱད་ཁྲིའི་བར་དུ་གནས་པར་འགྱུར། །རྒྱལ་བ་ཐུགས་རྗེ་ཆེན་པོ་མཚུངས་མེད་པའི། །སྐུ་གདུང་དག་ནི་རྣམ་པར་རྒྱས་པར་འགྱུར། །མི་ཡི་འདྲེན་པ་སྣང་བ་མཛད་པ་ཡི། །
D94.045.0287b03.01སྐྱེ་བའི་ཡུལ་ནི་གཟི་བརྗིད་གྲགས་ཞེས་བྱ། །རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །དཔག་ཏུ་མེད་པ་ཡབ་ནི་ལེགས་མཐོང་ཡིན། །བལྟ་བར་འོས་ཞེས་བྱ་བ་རྒྱལ་བའི་ཡུམ། །སྲས་པོ་མཐུ་རྩལ་མངར་ཅན་རིམ་གྲོ་པ། །སྣང་བར་བྱེད་པ་བློ་གྲོས་ཅན་ཡིན་ཏེ། །ཆགས་མེད་
D94.045.0287b04.01གཏི་མུག་མེད་པ་རྫུ་འཕྲུལ་ཅན། །འདུས་པ་ཐུན་མོང་མ་ཡིན་དཔག་ཏུ་མེད། །མི་རྣམས་དག་གི་ཚེ་ཚད་དཔག་ཏུ་མེད། །སངས་རྒྱས་དགུ་བརྒྱ་དགུ་བཅུ་རྩ་དགུ་ཡི། །མཛད་པ་ཇི་སྙེད་པ་ཀུན་དེས་མཛད་འགྱུར། །འཇིག་རྟེན་ཕན་ཕྱིར་སེམས་ཅན་སྙིང་པོ་དག །མྱ་ངན་འདས་ནས་
D94.045.0287b05.01དམ་ཆོས་གནས་འགྱུར་བའི། །ལོ་གྲངས་སྟོང་ཕྲག་དག་ནི་མཐའ་ཡང་ཡས། །རྒྱལ་བའི་སྐུ་གདུང་དག་ནི་རྒྱས་པར་འགྱུར། །དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་མཆོག་ཏུ་དགའ་བའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D94.045.0287b06.01འདས་ལེགས་སོ་ལེགས་སོ། །བསྐལ་པ་བཟང་པོ་པའི་སངས་རྒྱས་བཅོམ་ལྡན་འདས་རྣམས་ཀྱིས་སངས་རྒྱས་བཅོམ་ལྡན་འདས་དེ་དག་གང་དང་གང་དག་ལ་དང་པོར་བྱང་ཆུབ་ཏུ་སེམས་བསྐྱེད་པ་དང་། དགེ་བའི་རྩ་བ་གང་དང་གང་དག་གིས་དེ་བཞིན་གཤེགས་པ་དེ་དག་ལ་བཀུར་སྟི་
D94.045.0287b07.01