完整藏文原文 · 德格版页 当前仅加载第 45 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུས་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །མངོན་པར་ཞེན་པ་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །རྗེས་སུ་བསྲུང་བ་མེད་པར་
D94.045.0035b01.01གཞན་ལ་ཕན་འདོགས་པར་འགྱུར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་བཅོས་མ་མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་བཅོས་མ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། དབུལ་
D94.045.0035b02.01པོས་གཞན་ལ་ཕན་པའི་ཕྱིར་ཡོངས་སུ་བསྔོས་ལ་བདག་ཉིད་རྣམ་པར་སྨིན་པ་བདེ་བའི་ཕྱིར་ཞུགས་པ་མ་ཡིན་པ་གང་ཡིན་པ་དེ་ནི་དབུལ་པོ་མ་ཡིན་པའི་སྦྱིན་པའི་ཕ་རོལ་ཏུ་ཕྱིན་པའོ། །བདེ་འགྲོར་ཡོངས་སུ་བསྔོ་བ་དང་བྲལ་བའི་སྡོམ་པ་གང་ཡིན་པ་དེ་ནི་དབུལ་པོ་མ་ཡིན་པའི་ཚུལ་
D94.045.0035b03.01ཁྲིམས་ཀྱི་ཕ་རོལ་ཏུ་ཕྱིན་པའོ། །ཟང་ཟིང་གི་ཕྱིར་བཟོད་པ་གང་ཡིན་པ་དེ་ནི་དབུལ་པོ་མ་ཡིན་པའི་བཟོད་པའི་ཕ་རོལ་ཏུ་ཕྱིན་པའོ། །ཟང་ཟིང་དང་འབྲེལ་པའི་ལུས་དང་སེམས་ཀྱི་རྩོལ་བ་གང་ཡིན་པ་དེ་ནི་དབུལ་པོ་མ་ཡིན་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཚངས་
D94.045.0035b04.01པར་སྐྱེ་བར་ཡོངས་སུ་བསྔོས་པའི་བསམ་གཏན་བསྐྱེད་པ་གང་ཡིན་པ་དེ་ནི་དབུལ་པོ་མ་ཡིན་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཉོན་མོངས་པ་དང་ཉེ་བར་སྤྱོད་པ་འདྲེས་པ་མང་པོ་ཐོབ་ནས་གནས་ཏེ་སྐྱོན་རྟོགས་ཀྱང་མི་སྤོང་ཞིང་སྨོད་པར་མི་བྱེད་པ་གང་ཡིན་པ་དེ་ནི་དབུལ་པོ་
D94.045.0035b05.01མ་ཡིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་དབུལ་པོ་མ་ཡིན་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཕྱིར་མི་ལྡོག་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། ཉན་ཐོས་དང་། རང་སངས་རྒྱས་ལ་མི་གནས་པའི་སྦྱིན་པའི་བྱང་ཆུབ་ལས་ཕྱིར་མི་ལྡོག་པ་གང་
D94.045.0035b06.01ཡིན་པ་དེ་ནི་ཕྱིར་མི་ལྡོག་པའི་སྦྱིན་པའི་ཕ་རོལ་ཏུ་ཕྱིན་པའོ། །བྱང་ཆུབ་ཇི་སྲིད་པའི་བར་དུ་ཚུལ་ཁྲིམས་རྒྱུན་ཆད་པ་མེད་པ་གང་ཡིན་པ་དེ་ནི་ཕྱིར་མི་ལྡོག་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །འཇིག་རྟེན་ལས་འདས་པ་ཉན་ཐོས་ཀྱི་ས་དང་། རང་སངས་རྒྱས་
D94.045.0035b07.01