完整藏文原文 · 德格版页 当前仅加载第 45 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ལ་དམིགས་པའི་བཟོད་པ་གང་ཡིན་པ་དེ་ནི་ཆོས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །རྫུ་འཕྲུལ་གྱི་རྐང་པ་སྔོན་དུ་འགྲོ་བའི་ཕ་རོལ་གནོན་པ་གང་ཡིན་པ་དེ་ནི་ཆོས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དྲན་པ་ཉེ་བར་གཞག་པ་སྔོན་དུ་
D94.045.0033b01.01འགྲོ་བའི་བསམ་གཏན་གང་ཡིན་པ་དེ་ནི་ཆོས་ལ་དམིགས་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །སོ་སོ་ཡང་དག་པར་རིག་པ་ལས་བྱུང་བས་གཟུངས་ཇི་སྙེད་པ་དེ་དག་གི་ཡི་གེ་ལ་དཔྱོད་པར་བྱེད་ཅིང་བུལ་བ་མ་ཡིན་པས་སྒྲ་ཐམས་ཅད་ཤེས་ཤིང་སྟོན་ལ། མི་འཇིགས་
D94.045.0033b02.01པ་བཞི་ཡོངས་སུ་འཛིན་ཅིང་ཕྱིར་མི་ལྡོག་པ་སྟོན་པ་གང་ཡིན་པ་དེ་ནི་ཆོས་ལ་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། འདི་དག་ནི་ཆོས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གོ། །དེ་ལ་ཞི་གནས་ལ་དམིགས་པའི་ཕ་རོལ་ཏུ་ཕྱིན་པ་དྲུག་གང་ཞེ་ན། སེམས་ལ་འཛིན་པ་
D94.045.0033b03.01མེད་པར་འགྱུར་བའི་སྦྱིན་པའི་ཕ་རོལ་ཏུ་ཕྱིན་པ་སྟེ། སེམས་ལ་འཛིན་པ་མེད་པའི་ཕྱིར། གང་བདེན་པའི་བསམ་པས་ཡོངས་སུ་བསྔོ་བ་གང་ཡིན་པ་དེ་ནི་ཞི་གནས་ལ་དམིགས་པའི་སྦྱིན་པའི་ཕ་རོལ་ཏུ་ཕྱིན་པའོ། །སྒྲིབ་པ་ལྔ་སྤོང་བ་གང་ཡིན་པ་དེ་ནི་ཞི་གནས་ལ་དམིགས་
D94.045.0033b04.01པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །མི་རྟག་པ་དང་། སྡུག་བསྔལ་བར་རྟོགས་པའི་ཤེས་པ་ལ་བཟོད་པར་བརྗོད་པ་གང་ཡིན་པ་དེ་ནི་ཞི་གནས་ལ་དམིགས་པའི་བཟོད་པའི་ཕ་རོལ་ཏུ་ཕྱིན་པའོ། །སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་
D94.045.0033b05.01རྣམས་ཚོལ་བར་འབད་པ་གང་ཡིན་པ་དེ་ནི་ཞི་གནས་ལ་དམིགས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཏིང་ངེ་འཛིན་བྱང་ཆུབ་ཀྱི་ཡན་ལག་འདི་ཡོངས་སུ་བཟུང་བས་ཉོན་མོངས་པ་ཞི་བར་འགྱུར་བའི་བསམ་གཏན་གྱི་ཕ་རོལ་ཏུ་ཕྱིན་པ་གང་ཡིན་པ་དེ་ནི་ཞི་གནས་ལ་དམིགས་པའི་
D94.045.0033b06.01བསམ་གཏན་གྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ཞི་གནས་ལ་དགའ་བ། ཞི་གནས་ལ་དམིགས་པ། ཞི་གནས་བསྒོམ་པ། ཞི་གནས་ལ་འབབ་པ། ཞི་གནས་སྔོན་དུ་འགྲོ་ཞིང་རྣམ་པར་ཐར་པ་བརྒྱད་ཐོབ་ལ་གཞན་གྱིས་མ་བསྟན་པར་ཉན་
D94.045.0033b07.01