完整藏文原文 · 德格版页 当前仅加载第 45 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
ནམས་དཔལ་ཞེས་བྱའོ། །ཡུམ་ནི་མེ་ཏོག་བྱིན་ཞེས་བྱའོ། །སྲས་ནི་པད་མ་དཀར་པོ་ཞེས་བྱའོ། །རིམ་གྲོ་པ་ནི་མེ་ཏོག་ཅེས་བྱའོ། །ཤེས་རབ་ཅན་རྣམས་ཀྱི་མཆོག་ནི་གྲོགས་ཐུལ་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་གཞན་གྱིས་མི་ཐུབ་པའི་མཐུ་ཞེས་བྱའོ། །
D94.045.0179b01.01འདུས་པ་ནི་ལན་བཅུ་དྲུག་སྟེ། ཐམས་ཅད་ལ་ཡང་བྱེ་བ་ཕྲག་འབུམ་འབུམ་མོ། །སྐུ་ཚེའི་ཚད་ནི་ལོ་བདུན་ཁྲི་བདུན་སྟོང་ངོ་། །དམ་པའི་ཆོས་ནི་ལོ་སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་ཆོས་ཀྱི་བློ་གྲོས་སྐྱེ་བའི་ཡུལ་ནི་གྲོང་ཁྱེར་འདབ་
D94.045.0179b02.01{བཟངས་,བཟང་}ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བདུན་ནོ། །ཡབ་ནི་ཚངས་པ་སེམས་ཞེས་བྱའོ། །ཡུམ་ནི་བསམ་པས་བྱིན་ཞེས་བྱའོ། །སྲས་ནི་ནོར་དགའ་ཞེས་བྱའོ། །རིམ་གྲོ་པ་ནི་ཤིན་ཏུ་དགེ་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་ཟླས་བྱིན་དབྱངས་
D94.045.0179b03.01ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཞི་བས་བྱིན་ཞེས་བྱའོ། །འདུས་པ་དང་པོ་ལ་ནི་ཉན་ཐོས་ཐེར་འབུམ་མོ། །གཉིས་པ་ལ་ནི་དུང་ཕྱུར་རོ། །གསུམ་པ་ལ་ནི་དུང་ཕྱུར་ཕྲག་གསུམ་མོ། །སྐུ་ཚེའི་ཚད་ནི་ལོ་བདུན་ཁྲི་དགུ་སྟོང་ངོ་། །དམ་པའི་ཆོས་ནི་ལོ་དྲུག་ཁྲི་དགུ་
D94.045.0179b04.01སྟོང་གི་བར་དུ་གནས་སོ། །སྐུ་གདུང་ནི་རྒྱས་པར་འགྱུར་རོ། །དེ་བཞིན་གཤེགས་པ་རླུང་གི་ཤུགས་ལྟར་གཤེགས་པ་སྐྱེ་བའི་ཡུལ་ནི་ཤིན་ཏུ་གནས་ཞེས་བྱའོ། །རིགས་ནི་བྲམ་ཟེའོ། །འོད་ནི་དཔག་ཚད་བཞི་ཁྲི་ཉིས་སྟོང་ངོ་། །ཡབ་ནི་མི་འཐུན་པ་མེད་པའི་སེམས་ཞེས་བྱའོ། །
D94.045.0179b05.01ཡུམ་ནི་ཐར་པ་དད་ཅེས་བྱའོ། །སྲས་ནི་བེའུ་དགའ་ཞེས་བྱའོ། །རིམ་གྲོ་པ་ནི་མེ་ཏོག་མྱ་ངན་འཚང་ཞེས་བྱའོ། །ཤེས་རབ་ཅན་རྣམས་ཀྱི་མཆོག་ནི་མེ་ཏོག་མན་དཱ་ར་བའི་དྲི་ཞེས་བྱའོ། །རྫུ་འཕྲུལ་ཅན་རྣམས་ཀྱི་མཆོག་ནི་ཙན་དན་འོད་ཅེས་བྱའོ། །ཉན་ཐོས་འདུས་པ་ནི་ལན་དགུ་བཅུ་སྟེ། །
D94.045.0179b06.01ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །སྐུ་གདུང་ནི་རིལ་པོ་གཅིག་ཏུ་འདུག་གོ། །མཆོད་རྟེན་ཡང་གཅིག་ཏུ་ཟད་དོ། །དེ་བཞིན་གཤེགས་པ་ལེགས་བསམས་གྲགས་པ་སྐྱེ་བའི་ཡུལ་ནི་བཀོད་པ་ཆེན་པོ་ཞེས་བྱའོ། །
D94.045.0179b07.01