完整藏文原文 · 德格版页 当前仅加载第 63 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་མདོ་འདི་ནི་ཤིན་ཏུ་རྙེད་པར་དཀའ་སྟེ། ཀུན་དགའ་བོ་རྔ་བོ་ཆེ་ཆེན་པོའི་མདོ་ཆེན་པོ་འདི་ནི་འདི་ལྟ་སྟེ་དཔེར་ན། འཇིག་རྟེན་ན་མེ་ཏོག་ཨུ་དུམ་བ་ར་རྙེད་པ་བཞིན་ནོ། །གསོལ་པ། བཅོམ་ལྡན་འདས་ཅི་ལགས། འདི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཆོས་ཉིད་མ་
D222.063.0086b01.01ལགས་སམ། བཅོམ་ལྡན་འདས་ཀྱིས་བཀའ་སྩལ་པ། འདི་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡང་ཆོས་ཉིད་ཡིན་ནོ། །གསོལ་པ། གལ་ཏེ་འདི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཆོས་ཉིད་ལགས་ན་
D222.063.0086b02.01ཅིའི་སླད་དུ་སངས་རྒྱས་བཅོམ་ལྡན་འདས་དེ་དག་གིས་རང་རང་གི་སངས་རྒྱས་ཀྱི་ཞིང་དེ་དང་དེ་དག་ཏུ་མ་བཤད་ཅིང་རབ་ཏུ་མ་བསྟན་ལ། ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་མི་མཆོག་འདི་དག་འདིར་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ།
D222.063.0086b03.01ཀུན་དགའ་བོ་དཔེར་ན་འདི་ན་དགེ་སློང་དགོན་པ་པ་འགའ་ཞིག །རི་བོའམ། འབབ་ཆུའི་འགྲམ་འམ། ཕུག་ཅིག་ན་འདུག་འདུག་པ་ལས་ནམ་ནངས་ནས་གྲོང་ངམ། གྲོང་ཁྱེར་ཞིག་ཏུ་བསོད་སྙོམས་ཀྱི་ཕྱིར་སོང་ན་དེས་སྦྲུལ་ལམ། ཁྱིའམ། མི་ཤི་བའི་རོའམ། ཤི་
D222.063.0086b04.01བའི་རོ་གང་ཡང་རུང་བ་མཐོང་ངོ་། །དེས་དེ་མཐོང་ནས་ཨེ་མའོ་ཀྱི་ཧུད་ཨེ་མའོ་ཀྱི་ཧུད་བདག་ཀྱང་ཡུན་རིང་པོར་འཁོར་བར་འཁོར་བ་ན། འདི་ལྟ་བུའི་གནས་སྐབས་དག་ཉམས་སུ་མྱོང་བར་གྱུར་པས་ད་སྲིད་པ་ནི་ཐ་ཆད་ཡིན་ནོ་ཞེས་བྱ་བར་གྱུར་ཏོ། །དེ་ནས་དེ་དུས་གཞན་ཞིག་ན་སྙིང་
D222.063.0086b05.01དགའ་བར་འགྱུར་བའི་ཆོས་འགའ་ཞིག་གིས་ཡིད་བདེ་བ་དང་། དེ་ནས་ཡང་མི་སེམས་པ་ལས་ཡང་དེས་རོ་མཐོང་སྟེ། དེ་མཐོང་བ་ན་དེ་ཡིད་བྱུང་བར་གྱུར་ནས་དེ་ཕྱིར་ཞིང་གྲོང་ཁྱེར་རམ། རི་འོར་རམ། ལུང་པའི་མདོར་རྒྱུ་ཞིང་། དེ་དེ་ལྟར་རྒྱུ་བ་ན་ཤི་ནས་ཞག་གཅིག་ལོན་
D222.063.0086b06.01པའམ། ཤི་ནས་ཞག་གཉིས་ལོན་པའམ་ཞེས་བྱ་བ་ནས། མི་རོ་མཐོང་ན་ཞེས་བྱ་བའི་བར་གོང་མ་བཞིན་དུ་སྟེ། དེ་མཐོང་བ་ཁོ་ནས་འབྲས་བུའི་མཆོག་དགྲ་བཅོམ་པ་མངོན་སུམ་དུ་བྱེད་པ་དེ་བཞིན་དུ་འཇིག་རྟེན་གྱི་ཁམས་གཞན་དག་ན་སངས་རྒྱས་བཅོམ་ལྡན་འདས་རྣམས་སྡུག་
D222.063.0086b07.01