完整藏文原文 · 德格版页 当前仅加载第 63 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལགས། མི་དགེ་བས་སྐྱེ་བ་ནི་གང་དག་ལགས། བཀའ་སྩལ་པ། ལས་ལས་ནི་སྲིད་པ་སྐྱེའོ། །དགེ་བའི་ལས་ལས་ནི་ཐར་པ་སྐྱེའོ། །གསོལ་པ། བཅོམ་ལྡན་འདས་མ་སྐྱེས་པའི་གནས་དགེ་བ་ལ་ཇི་ལྟར་སྐྱེ་བར་འགྱུར་ལགས། བཀའ་སྩལ་པ། གཞན་མ་
D222.063.0098b01.01ཡིན་པ་དེ་བཞིན་ཉིད་ལས་སོ། །གལ་ཏེ་སངས་རྒྱས་དགེ་བ་ལས་སྐྱེ་བ་ལགས་ན། མི་སྐྱེ་བའི་གནས་ཇི་ལྟར་འཐོབ་ལགས། བཀའ་སྩལ་པ། ལེགས་པར་སྤྱད་པའི་ལས་ཀྱིས་སོ། །དེ་སུས་བསླབས་ལགས། བཀའ་སྩལ་པ། ཐོག་མ་མེད་པའི་དུས་ཀྱི་
D222.063.0098b02.01སངས་རྒྱས་རྣམས་ཀྱིས་བསླབས་སོ། །ཐོག་མ་མ་མཆིས་པའི་དུས་ཐམས་ཅད་སུ་ཞིག་གིས་མངོན་པར་སྤྲུལ་ཅིང་བསླབས་ལགས། བཀའ་སྩལ་པ། ཐོག་མ་མེད་པའི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཤེས་པའམ། བསམ་པར་མི་ནུས་སོ། །
D222.063.0098b03.01གལ་ཏེ་འཇིག་རྟེན་དུ་ཤཱ་རིའི་བུ་ལྟ་བུར་མང་དུ་ཐོས་པར་གྱུར་པའི་མི་འགའ་ཞིག་བྱུང་སྟེ། དེས་འདི་ལྟར་སངས་རྒྱས་རྣམས་ཀྱི་སངས་རྒྱས་འབྱུང་བའི་དང་པོ་གང་ཡིན་ཞེས་དུས་རིང་པོ་མཐའ་ཡས་པར་རྟག་ཏུ་བསམས་ཀྱང་ཤེས་པའམ་བསམ་པར་མི་ནུས་ཀྱི་དེའི་བར་སྐབས་སུ་མྱ་ངན་
D222.063.0098b04.01ལས་འདའ་བར་འགྱུར་བ་ཁོ་ནར་ཟད་དོ། །ཡང་བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་ཆེན་པོ་ལྟ་བུ་དག་ཕྱི་མའི་མཐའ་ཡས་པར་རྟག་ཏུ་རྫུ་འཕྲུལ་གྱི་སྟོབས་ཀྱིས་སོང་ཡང་སངས་རྒྱས་རྣམས་ཀྱི་སངས་རྒྱས་འབྱུང་བ་དང་། ཞིང་བལྟ་བ་རྟོགས་པར་མི་ནུས་ཏེ། བྱང་
D222.063.0098b05.01ཆུབ་སེམས་དཔའ་བྱམས་པ་ལ་སོགས་པ་ས་བཅུ་ཐོབ་པ་རྣམས་ཀྱིས་ཀྱང་དེ་བཞིན་ནོ། །ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་དེ་བཞིན་ནོ། །ཡང་བཀའ་སྩལ་པ། སངས་རྒྱས་འབྱུང་བ་ཇི་ལྟ་བ་དེ་བཞིན་དུ་སེམས་ཅན་འབྱུང་བ་ཡང་དེ་ཁོ་ན་བཞིན་དུ་ཤེས་པར་གྱིས་
D222.063.0098b06.01ཤིག །བཅོམ་ལྡན་འདས་དེ་བཞིན་དུ་བྱེད་པ་པོ་དང་། ཚོར་བ་པོ་ཡང་མཆིས་པ་མ་ལགས་སམ། བཀའ་སྩལ་པ། འོད་སྲུང་བྱེད་པ་པོ་དང་། ཚོར་བ་པོ་ནི་རྒྱུ་ཡིན་ནོ། །གསོལ་པ། བཅོམ་ལྡན་འདས་འཇིག་རྟེན་འདི་ལ་བས་པ་མཆིས་སམ། འོན་ཏེ་མ་མཆིས།
D222.063.0098b07.01