完整藏文原文 · 德格版页 当前仅加载第 63 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ན་ཆོས་དང་ལྡན་པ་མངོན་སུམ་དུ་བྱས་པ་དེའི་མཐུའོ། །འོད་སྲུང་ལྟོས། རེ་ཞིག་རྒྱལ་པོའི་རྔ་བོ་ཆེ་སེམས་མེད་པ་ཕལ་པ་དེ་ཡང་སེམས་དང་བཅས་པས་སྨན་གྱིས་བྱུགས་ཤིང་བདུགས་ཏེ་བརྡུངས་མ་ཐག་ཏུ་སེམས་ཅན་རྣམས་ལ་ཕན་པ་སྐྱེད་པར་བྱེད་ན། བྱང་ཆུབ་
D222.063.0093a01.01སེམས་དཔའ་སེམས་དཔའ་ཆེན་པོ་ཡངས་པ་ལ་དད་པའི་ཡིད་ཅན་གྱི་མིང་ཐོས་པས་སེམས་ཅན་རྣམས་ཀྱི་ཉོན་མོངས་པ་རྣམ་པ་གསུམ་འབྲལ་བར་འགྱུར་བ་ལྟ་སྨོས་ཀྱང་ཅི་དགོས། གལ་ཏེ་དེ་ལྟར་རེ་ཞིག་བྱང་ཆུབ་སེམས་དཔའི་མིང་ཐོས་པས་སེམས་ཅན་རྣམས་ཀྱི་འདོད་ཆགས་
D222.063.0093a02.01དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྲལ་བར་འགྱུར་ན། བཅོམ་ལྡན་འདས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་སངས་རྒྱས་བཅོམ་ལྡན་འདས་རྣམས་ཀྱི་མཚན་བརྗོད་པའམ། ཡོན་ཏན་ཡོངས་སུ་བསྒྲགས་པ་ལྟ་སྨོས་ཀྱང་ཅི་དགོས། གལ་ཏེ་དེ་ལྟར་བཅོམ་
D222.063.0093a03.01ལྡན་འདས་ཤཱཀྱ་ཐུབ་པའི་མཚན་ཙམ་གྱིས་སེམས་ཅན་རྣམས་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྲལ་བར་འགྱུར་ན་སེམས་ཅན་ལ་ཕན་པ་སྟོན་པ་ཞིག་གིས་རྔ་བོ་ཆེ་ཆེན་པོའི་མདོ་འདི་ལས་འགྲེས་སམ། ཚིགས་སུ་བཅད་པའམ། ཚིག་འགའ་
D222.063.0093a04.01ཙམའམ། མིང་ཙམ་བསྟན་པའམ། ལེའུ་སྟོན་ན་སེམས་ཅན་རྣམས་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྲལ་བར་འགྱུར་བ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། ངས་དགེ་སློང་དག་ཚུལ་ཁྲིམས་དང་ལྡན་པའི་སེམས་ཀྱི་སྨོན་ལམ་འགྲུབ་
D222.063.0093a05.01བོ་ཞེས་བཤད་དེ། སྔོན་སྨོན་ལམ་ལེགས་པར་སྦྱང་བ་བྱས་པའི་ཕྱིར་རོ། །འདི་ནི་སངས་རྒྱས་བཅོམ་ལྡན་འདས་ཐམས་ཅད་ཀྱི་ཆོས་ཉིད་ཡིན་ཏེ། འདི་ལྟ་སྟེ། རྔ་བོ་ཆེ་ཆེན་པོའི་མདོ་ཆེན་པོས་མ་བྱས་པ། མ་བྱུང་བ། མ་འགགས་པའོ། །འོད་སྲུང་ཁྱོད་ཀྱང་དེ་ལྟ་བས་
D222.063.0093a06.01ན་མ་འོངས་པའི་དུས་ན་ང་དང་འདྲ་བར་འགྱུར་རོ། །དེ་ཅིའི་ཕྱིར་ཞེ་ན། ཁྱོད་ཀྱི་ཡང་མིང་ཐོས་པའི་དགེ་སློང་ངམ། །དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ཡིན་པ་དེ་དག་དང་། སེམས་ཅན་དེ་དག་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་
D222.063.0093a07.01