完整藏文原文 · 德格版页 当前仅加载第 63 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དབྱིག་གུས་ཆོས་རྔ་ཆེ་བརྡུངས་ན། །ལྷའི་ལྷས་ཆོས་མང་ཐེ་ཙོམ་གཅོད་པར་མཛད། །རྔ་བོ་ཆེ་ཆེན་པོའི་མདོ་ཆེན་པོ་ལས་འོད་སྲུང་འོངས་པ་ཞེས་བྱ་བའི་ལེའུའོ།། །།དེ་ནས་བཅོམ་ལྡན་འདས་ཀྱིས་གནས་བརྟན་འོད་སྲུང་ཆེན་པོ་ལ་འདི་སྐད་ཅེས་བཀའ་
D222.063.0092b01.01སྩལ་ཏོ། །འོད་སྲུང་ངས་སྔར་མདོ་འདི་ལས་གོང་ནས་གོང་དུ་དགེ་སློང་ཡངས་པ་ལ་དད་པའི་ཡིད་ཅན་ཞེས་བྱ་བ་ཞིག་ཡོད་ཅེས་བཤད་པ་དགེ་སློང་དེའི་མིང་། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། སེམས་ཅན་གང་དག་གིས་ཐོས་པའི་སེམས་ཅན་
D222.063.0092b02.01དེ་དག་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་དབྱུང་བར་འགྱུར་རོ། །དེ་ཅིའི་ཕྱིར་ཞེ་ན། འོད་སྲུང་འདི་ལྟ་སྟེ་དཔེར་ན། ཀོ་ས་ལའི་རྒྱལ་པོ་གསལ་རྒྱལ་ལ་འཚོ་བྱེད་ཀྱི་བུ་སྨན་མཆོག་ཅེས་བྱ་བ་ཡོད་དེ། དེ་གང་གི་ཚེ་རྒྱལ་པོ་གསལ་རྒྱལ་
D222.063.0092b03.01ཕ་རོལ་གྱི་དམག་ཚོགས་དང་ལྷན་ཅིག་གཡུལ་འགྱེད་པར་འགྱུར་ལ་དེ་ནས་རྒྱལ་པོས་གཡུལ་ཤོམ་པ་ན་སྨན་པ་སྨན་མཆོག་བཀུག་སྟེ། བཀུག་ནས་འདི་སྐད་ཅེས། ཀྱེ་སྨན་པ་སྨན་གང་གིས་སེམས་ཅན་གང་དང་གང་དག་ཟུག་རྔུས་ཟུག་པར་གྱུར་པའི་སེམས་ཅན་དེ་དང་དེ་དག་ཇི་ལྟ་
D222.063.0092b04.01ཇི་ལྟར་ཟུག་རྔུ་དབྱུང་བར་འགྱུར་བ་དེ་ལྟ་བུའི་སྨན་ད་སྦྱོར་ལ་མྱུར་དུ་ཁྱེར་ཏེ་ཤོག་ཤིག །དེ་ནས་སྨན་པ་སྨན་མཆོག་དེས་སྨན་གྱི་རྒྱལ་པོ་དུག་སྨན་རྟོལ་པ་ཞེས་བྱ་བ་ཁྱེར་ནས་རྒྱལ་པོ་ཆེན་པོ་གཡུལ་ངོར་འཇུག་པའི་རྔ་བོ་ཆེ་ལ་སྨན་དེས་བྱུགས་ཤིང་བདུགས་ཏེ་བརྡུངས་སོ། །བྱུགས་ཤིང་བདུགས་
D222.063.0092b05.01ཏེ་བརྡུངས་མ་ཐག་ཏུ་སེམས་ཅན་ཟུག་རྔུས་ཟུག་པར་གྱུར་པ་གང་དག་ཡིན་པ་དེ་དག་གིས་སྒྲ་དེ་དཔག་ཚད་དམ། དཔག་ཚད་གཉིས་སུ་ཐོས་ནས་ཐོས་པ་ཙམ་གྱིས་སེམས་ཅན་དེ་དང་དེ་དག་ཐམས་ཅད་ཀྱི་ཟུག་རྔུ་རྣམས་དབྱུང་བར་འགྱུར། ཟུག་རྔུ་རྣམས་བསལ་བར་འགྱུར་རོ། །འོད་སྲུང་དེ་
D222.063.0092b06.01བཞིན་དུ་དགེ་སློང་ཡངས་པ་ལ་དད་པའི་ཡིད་ཅན་དེའི་མིང་ཐོས་པའི་སེམས་ཅན་གང་དག་ཡིན་པ་དེ་དག་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་དབྱུང་བར་འགྱུར་རོ། །དེ་ཅིའི་ཕྱིར་ཞེ་ན། དེས་ངའི་བསྟན་པ་ལ་མདོ་འདི་ཕྱུང་ཞིང་རྒྱས་པར་བྱས་ཏེ། དེ་
D222.063.0092b07.01