完整藏文原文 · 德格版页 当前仅加载第 63 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོར་ནས་རིང་ཞིག་ལོན་པ་ལས་འདི་སླར་འཁོར་ཏེ། རང་གི་ཁྱིམ་དུ་ཞུགས་ནས་འདིས་འདི་ནི་བདག་གི་ཕའི་ཁྱིམ་ཡིན་ནོ་ཞེས་བྱ་བར་མ་ཤེས་མ་རྟོགས་ནས་དེའི་ཚེ་འདིས་ཁྱོད་ནི་བདག་གི་ཕའོ། །བདག་ནི་བུའོ་ཞེས་བྱ་བའི་མིང་ཡང་མི་འདོད་པ་ཉིད་ལས་ད་ལྟར་འདི་མོད་ལ་བུ་
D222.063.0112a01.01ཡིན་ནོ་ཞེས་ཚིག་ཏུ་སྨྲས་སོ་ཞེས་སྨྲས་པ་དེའི་ཚེ་དེ་ནས་སྐྱེ་བོ་མང་པོས་ཀྱེ་མའོ་སེམས་ཅན་རྣམས་ནི་ལས་རྣམ་པ་མང་པོ་དག་གིས་ཉོན་མོངས་པར་གྱུར་ཏོ་ཞེས་ངོ་མཚར་དུ་གྱུར་ཏོ། །འོད་སྲུང་དེ་བཞིན་དུ་ངའི་བུ་ཉན་ཐོས་ཐམས་ཅད་ཀྱང་ཕྱག་དར་གྱི་ཕུང་པོ་འཕྱག་པའི་བུ་བཞིན་དུ་གདོད་ཤེས་ནས་
D222.063.0112a02.01ཨེ་མ་ཀྱི་ཧུད་བཅོམ་ལྡན་འདས་ད་དུང་བདག་ཅག་གིས་རང་གི་ཕ་དང་འདྲ་བར་མ་འཚལ་བས་ན། ཉན་ཐོས་ཀྱི་ཐེག་པ་ནི་ང་ཐ་ཆད་ལགས་སོ་ཞེས་ཟེར་རོ། །དེ་བས་ན་འོད་སྲུང་ཁྱོད་ཀྱིས་འདི་ལྟར་བསླབ་པར་བྱ་སྟེ། གལ་ཏེ་རེ་ཞིག་ཡོངས་སུ་སྤང་བར་ནུས་ན་གཤེ་ཡང་རུང་སྤྱོས་ཀྱང་རུང་ཁྱོད་
D222.063.0112a03.01ཀྱིས་དེ་དག་གི་ཡོངས་སུ་སྨིན་པའི་དུས་ལ་བབ་པར་ཤེས་པར་བྱའོ། །འོད་སྲུང་གཞན་ཡང་འདི་ན་ཐེག་པ་ཆེན་པོ་པ་རྣམས་དང་། ཉན་ཐོས་ཀྱི་ཐེག་པ་ཅན་རྣམས་ནི་རྟག་པར་མི་འཐུན་པ་ཡིན་ཏེ། ཇི་ལྟར་འཇིག་རྟེན་པ་དང་། འཇིག་རྟེན་ལས་འདས་པ་ལྟ་བུ་དང་། མཁས་པ་དང་།
D222.063.0112a04.01ངན་པ་ལྟར་མི་འཐུན་པ་ཡིན་ནོ།། །།འཕགས་པ་རྔ་བོ་ཆེ་ཆེན་པོའི་ལེའུ་བམ་པོ་བཞི་པ། འོད་སྲུང་ཁྱོད་ཀྱིས་ཡང་མདོ་སྡེ་སྤོང་བ་དེ་དག་ཀུན་ཏུ་གཟུང་བར་བྱའོ། །དེ་ཅིའི་ཕྱིར་ཞེ་ན། གལ་ཏེ་སྤོང་བ་དེ་དག་སེམས་དེ་དང་བཅས་ཏེ་དུས་བྱེད་པར་གྱུར་ན་དེ་ཉིད་དེ་དག་གི་
D222.063.0112a05.01ཤིན་ཏུ་བརྣག་པ་ཉིད་ཀྱི་མཐར་ཕྱིན་པ་ཡིན་ནོ། །དེ་ལྟ་བས་ན་དེ་དག་ལ་སྙིང་བརྩེ་བའི་ཕྱིར་འདི་ལྟ་སྟེ། ཐེག་པ་ཆེན་པོ་ལ་སྦྱར་བའི་ཆེད་དུ་ཐབས་ཐམས་ཅད་ལ་མཁས་པར་བྱའོ། །དེ་ལ་གང་དག་མ་དད་པ་དེ་དག་ནི་དད་པར་འགྱུར་ཞིང་གང་དག་དད་པ་དེ་དག་ནི་ཡིད་ཆེས་པར་འགྱུར་ཏེ། དེ་དག་ཐམས་
D222.063.0112a06.01ཅད་བསྡུ་བའི་དངོས་པོ་རྣམས་ཀྱིས་ཀུན་ཏུ་བསྡུ་བར་བྱ་ཞིང་གཟུང་བར་བྱའོ། །འོད་སྲུང་གཞན་ཡང་འདི་ན་མི་འགའ་ཞིག་རིམས་སམ། རིམས་ནད་དྲག་པོས་ཐེབས་པ་ཁོ་ནར་གྱུར་ན། འདི་ལྟར་མི་དེ་ལ་སྨན་ཡང་མི་སྦྱིན་ཞིང་དཔྱད་ཀྱང་མི་བྱའོ། །དེ་ཅིའི་ཕྱིར་ཞེ་ན། བྱ་བའི་དུས་ལ་མ་བབ་པ་དང་།
D222.063.0112a07.01