完整藏文原文 · 德格版页 当前仅加载第 63 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་ནི་དེ་བཞིན་གཤེགས་པས་འཕགས་པའི་བདེན་པ་བཞིའི་རྣམ་པར་གྲོལ་བའི་ཅོད་པན་འཆིང་བར་མཛད་དོ། །དེ་ལས་གཞན་པའི་རྒྱ་ཆེན་པོ་ལ་ལྷག་པར་མོས་པ་དེ་བཞིན་གཤེགས་པའི་སྙིང་པོའི་ཆེ་བའི་བདག་ཉིད་རྟག་པ་དང་། བརྟན་པ་དང་། ཞི་བ་དང་། ཐེར་ཟུག་པ་
D222.063.0092a01.01འདོད་པའི་སེམས་ཅན་གང་ཡིན་པ་དེ་དག་ལ་ནི་དེ་བཞིན་གཤེགས་པས་རྣམ་པ་ཐམས་ཅད་ཀྱི་མཆོག་དང་ལྡན་པ་ཐམས་ཅད་མཁྱེན་པའི་ཡེ་ཤེས་ཐེག་པ་ཆེན་པོ་དབང་བསྐུར་བའི་ཅོད་པན་འཆིང་བར་མཛད་དོ། །འོད་སྲུང་དེ་བཞིན་དུ་ཁྱོད་ཀྱང་དེ་རིང་ཐེག་པ་ཆེན་པོའི་དབང་བསྐུར་བའི་ཅོད་པན་བཅིངས་ཏེ།
D222.063.0092a02.01སངས་རྒྱས་བརྒྱ་སྟོང་ཕྲག་མང་པོའི་སྤྱན་སྔ་ནས་རྔ་བོ་ཆེ་ཆེན་པོའི་མདོ་འདི་འབྱིན་པར་འགྱུར་རོ། །དེ་ལྟ་བས་ན་འོད་སྲུང་ཁྱོད་ཀྱིས་ཀྱང་ད་ནི་ང་འདས་ནས་མདོ་འདི་འབྱུང་བའི་རིགས་སོ། །གསོལ་པ། བཅོམ་ལྡན་འདས་རེ་ཞིག་བདག་གིས་རིག་པར་ལྟ་རྔོ་མི་ཐོགས་ཀྱང་བཅོམ་ལྡན་འདས་རེ་
D222.063.0092a03.01ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་སམ་བཞུགས་ཀྱང་བདག་གིས་ཕྱུང་ནས་བསྟན་པར་བགྱི་ལགས་སོ། །བཀའ་སྩལ་པ། འོད་སྲུང་ལེགས་སོ། །ད་ནི་དེ་བཞིན་གཤེགས་པས་རྔ་བོ་ཆེ་ཆེན་པོ་ཞེས་བྱ་བའི་མདོ་ཆེན་པོ་བཤད་པ་བརྩམ་མོ། །དེ་ནས་ནམ་མཁའ་
D222.063.0092a04.01ལས་ལྷའི་ཚོགས་དང་། འབྲུག་གི་ཚོགས་ཀྱིས་ལེགས་སོ་ཞེས་བྱ་བ་བྱིན་ཏེ། འོད་སྲུང་ལེགས་སོ་ལེགས་སོ། །སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་ད་ནི་ལྷ་རྣམས་དང་། འབྲུག་གི་ཚོགས་རྣམས་ཀྱང་མེ་ཏོག་གི་ཆར་འབེབས་ཤིང་བདུད་རྩིའི་ཆུས་གང་བའི་ཕྱེ་
D222.063.0092a05.01མའི་ཆར་གྱི་རྒྱུན་ཆེན་པོ་ཡང་འབེབས་སོ། །འོད་སྲུང་ཁྱོད་བཅོམ་ལྡན་འདས་ཀྱི་ཞལ་དང་ཐུགས་ལས་སྐྱེས་པ་སྟེ་དེ་བཞིན་གཤེགས་པའི་སྲས་ཀྱི་ཐུ་བོར་འོས་སོ། །དེ་ནས་ལྷའི་ཚོགས་དང་། འབྲུག་གི་ཚོགས་ཀྱིས་སྐད་འཐུན་པར་ཚིགས་སུ་བཅད་པ་འདི་སྨྲས་སོ། །
D222.063.0092a06.01མཉན་ཡོད་གྲོང་ཁྱེར་དག་ཏུ་རྔ་ཆེན་དང་། །ཤིན་ཏུ་རྔ་ཆེན་དུང་རྣམས་སྒྲོགས་པ་ན། །མགོན་པོ་ཆོས་ཀྱི་རྗེ་ཡིས་རྒྱལ་བྱེད་ཀྱི། །ཚལ་དུ་ཆོས་ཀྱི་རྔ་ཆེན་སྒྲོགས་པར་མཛད། །འོད་སྲུང་ཁྱོད་ཀྱིས་ཆོས་རྔ་བརྡུང་བར་གྱིས། །ཆོས་ཀྱི་རྒྱལ་པོ་དག་གིས་གསུངས་པའི་མདོ། །ཞུ་
D222.063.0092a07.01