完整藏文原文 · 德格版页 当前仅加载第 63 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱིན་པ་ན་གྲོང་ཁྱེར་དེར་བཙུད་དོ། །དེ་ནས་དེ་དག་གྲོང་ཁྱེར་དེར་ཞུགས་པ་ན་འདི་སྙམ་དུ་སེམས་ཏེ། ཅིག་གྲོང་ཁྱེར་འདིའི་ཕ་རོལ་ན་ཆེས་ཁྱད་པར་དུ་འཕགས་པའི་གྲོང་ཁྱེར་གཞན་ཡོད་དམ་སྙམ་པ་དང་དེ་ནས་སྟོན་པ་དེ་འདི་སྙམ་དུ་སེམས་ཏེ། སྐྱེ་བོ་འདི་དག་གྲོང་ཁྱེར་འདི་ཉིད་དུ་
D222.063.0107a01.01གནས་པར་འདོད་དོ་སྙམ་ནས། དེ་ནས་སྟོན་པ་དེས་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་གྲོང་ཁྱེར་འདིའི་ཕ་རོལ་ན་ཆེས་ཁྱད་པར་དུ་འཕགས་ལ་བཟང་བའི་གྲོང་ཁྱེར་ཡོད་དེ། དེ་ནི་གྲོང་ཁྱེར་ཐམས་ཅད་ཀྱི་མཐར་ཕྱིན་པ་ཡིན་པས། དེ་འདྲ་བའི་གྲོང་ཁྱེར་གཞན་མེད་དོ། །དེ་ནས་འདྲོན་
D222.063.0107a02.01པ་དེ་དག་དེད་དཔོན་དེའི་ཚིག་ལ་ཡིད་ཆེས་པར་བྱས་ན། དེ་དག་གིས་གྲོང་ཁྱེར་གྱི་ཡོན་ཏན་གྱི་ཁྱད་པར་གོང་ནས་གོང་དུ་ཐོས་ཤིང་མཐོང་བ་དང་སྟོན་པ་དེ་ལ་འདི་སྐད་ཅེས་སྨྲས་སོ། །གྲོགས་པོ་བདག་ཅག་ཐམས་ཅད་ཀྱང་ལྷན་ཅིག་ཏུ་གྲོང་ཁྱེར་ཐམས་ཅད་ཀྱི་མཐར་ཕྱིན་པའི་གྲོང་ཁྱེར་ཆེན་པོ་གང་ན་བ་དེར་
D222.063.0107a03.01དོང་ངོ་། །དེ་ནས་སྟོན་པ་དེས་དེ་དག་ལ་འདི་སྐད་ཅེས་སྨྲས་སོ། །ལེགས་སོ། །ཐམས་ཅད་དང་ལྷན་ཅིག་ཏུ་དོང་ངོ་། །དེ་ནས་སྟོན་པ་དེས་འདྲོན་པ་དེ་དག་འབྲོག་དགོན་པ་དེ་ནས་སྒྲོལ་བ་ན། སྐྱེ་བོའི་ཚོགས་ཆེན་པོ་དེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་ད་ནི་ཁྱེད་ཀྱིས་གྲོང་ཁྱེར་
D222.063.0107a04.01ཆེན་པོ་དེའི་སྔ་ལྟས་དང་། གྲོང་ཁྱེར་ཆེན་པོ་དེ་དང་། བདེ་བ་མང་པོའི་གྲོང་ཁྱེར་མཐོང་བར་འགྱུར་རོ། །དེ་ནས་སྟོན་པ་དེས་འདྲོན་པ་དེ་དག་འབྲོག་དགོན་པ་དེ་ནས་སྒྲོལ་ཞིང་དེ་དག་ལ་དབུགས་འབྱིན་པ་དང་། གྲོང་ཁྱེར་དེ་རྒྱང་རིང་པོ་ནས་བསྟན་ཏེ་འདི་སྐད་ཅེས་ཀྱང་སྨྲས་སོ། །གྲོགས་
D222.063.0107a05.01པོ་དག་གྲོང་ཁྱེར་ཆེན་པོ་དེའི་སྔ་ལྟས་ལ་ལྟོས། དེ་ནི་སྐྱེ་བོའི་ཚོགས་ཆེན་པོས་ཡུལ་དང་། ལྗོངས་དང་། གྲོང་ཁྱེར་དེ་ན་གནས་པའི་ལོངས་སྤྱོད་འབྱོར་ཅིང་རྒྱས་པ་དང་། གྲོང་ཁྱེར་ཆེན་པོ་དེ་མཐོང་ནས་ཡིད་དགའ་ཞིང་མགུ་བར་གྱུར་ཏེ། གཅིག་གི་གདོང་དུ་གཅིག་བལྟས་ནས་ཡ་མཚན་དུ་གྱུར་ཏེ།
D222.063.0107a06.01བསམས་པ་ཅི་གྲོང་ཁྱེར་ཆེན་པོའི་གྲོང་ཁྱེར་ཆེན་པོ་གསལ་བ་གཞན་འདི་ལྟ་བུ་གཞན་ན་ཡོད་དམ་སྙམ་མོ། །དེ་ནས་སྟོན་པ་དེས་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་གྲོང་ཁྱེར་ཆེན་པོ་འདི་ནི་གྲོང་ཁྱེར་ཐམས་ཅད་ལས་ཁྱད་པར་དུ་འཕགས་པ་གསལ་བ་ཡིན་ཏེ། གྲོང་ཁྱེར་ཆེན་པོའི་གྲོང་ཁྱེར་བདེ་བ་
D222.063.0107a07.01