完整藏文原文 · 德格版页 当前仅加载第 63 函德格 94a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། ཐར་པ་བརྟན་པ་མིང་ཙམ་མིན། །ཡོད་དང་མེད་དང་ཐེར་ཟུག་ག་གཞི། །དེ་ལྟ་བས་ན་འདི་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡུལ་མ་ཡིན་ཞིང་སྤྱོད་ཡུལ་མ་ཡིན་ནོ། །གསོལ་པ། བཅོམ་ལྡན་འདས་ཇི་ལྟར་གཟུགས་ཀྱང་ལགས་
D222.063.0094a01.01ལ་ཐེར་ཟུག་ཀྱང་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དཔེར་ན་ལྷོ་ཕྱོགས་ཀྱི་ཡུལ་སྐྱེ་བོའི་བཅོམ་བརླག་ཅེས་བྱ་བ་ནས་སེམས་ཅན་གཞན་འགའ་ཞིག་འོངས་པར་གྱུར་ལ། མི་དེ་ལ་མི་འགའ་ཞིག་གིས་ཁྱོད་གང་ནས་འདིར་འོངས་ཞེས་དྲིས་པ་དང་། དེ་ནས་
D222.063.0094a02.01དེས་སྨྲས་པ། ཁོ་བོ་ནི་ལྷོ་ཕྱོགས་ཀྱི་བཅོམ་བརླག་ནས་འོངས་སོ། །མིས་ཡང་སྨྲས་པ། དེ་ཡུལ་གྱི་ཕྱོགས་གང་ན་ཡོད། དེ་ནས་མི་དེས་མཛུབ་མོས་ལྷོ་ཕྱོགས་ཀྱི་ལམ་གྱི་ནམ་མཁའ་བསྟན་ན། འོད་སྲུང་མི་དེས་མི་དེ་ལ་ཇི་ག་ཡིད་ཆེས་པར་འགྱུར་རམ། དེ་ཅིའི་ཕྱིར་ཞེ་
D222.063.0094a03.01ན། སོང་ན་དེ་མཐོང་བར་འགྱུར་རོ། །འོད་སྲུང་དེ་བཞིན་དུ་ཁྱོད་ཀྱིས་མ་མཐོང་བར་དད་པས་ཡིད་ཆེས་པར་གྱིས་ཤིག།། །།འཕགས་པ་རྔ་བོ་ཆེ་ཆེན་པོའི་ལེའུ་བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་བཀའ་སྩལ་ཏོ། །
D222.063.0094a04.01ཇི་ལྟར་མཁའ་ལ་མཛུབ་མོས་སྟོན་པ་ལྟར། །དེ་བཞིན་ཐར་པ་མིང་ཙམ་གྱིས་བསྟན་ཏོ། །ཇི་ལྟར་ལྷོ་ཕྱོགས་བཅོམ་བརླག་མི་བཞིན་དུ། །དེ་བཞིན་ང་ཉིད་བརྟེན་པ་མེད་ནས་བྱོན། །འོད་སྲུང་འདི་ལའང་དོན་མཐོང་ན། །རྒྱུ་ནི་དགོས་པ་ཡོད་མེད་དེ། །མངོན་སུམ་མ་གྱུར་
D222.063.0094a05.01དོན་ལ་ནི། །རྒྱུ་དང་རྐྱེན་ཀྱང་དེ་བཞིན་ནོ། །འོད་སྲུང་དེ་ལྟ་བས་ན་སངས་རྒྱས་བཅོམ་ལྡན་འདས་ཀྱིས་རྒྱུ་དུ་མས་ཐར་པའི་ཚིག་གི་དོན་ཉེ་བར་སྟོན་པར་མཛད་དོ། །བཀའ་སྩལ་པ། འོད་སྲུང་རྒྱུ་ཞེས་བྱ་བ་ཅི་ཡིན་པར་འདོད། གསོལ་པ། རྒྱུ་ནི་བྱེད་རྒྱུ་ཞེས་བགྱི་བ་ལགས་
D222.063.0094a06.01སོ། །བཅོམ་ལྡན་འདས་ཀྱིས་བཀའ་སྩལ་པ། རྐྱེན་ཅེས་བྱ་བ་གང་གི་ཚིག་{བླ་དགས་,བླ་དྭགས་}ཡིན། གསོལ་པ། བཅོམ་ལྡན་འདས་རྐྱེན་ཅེས་བགྱི་བ་དེ་ནི་རྟེན་ལགས་སོ། །བཀའ་སྩལ་པ། འོད་སྲུང་རིགས་པའི་དཔེ་དང་། རྒྱུ་དང་ཉེ་བར་སྦྱར་བ་དང་། བྱེད་རྒྱུ་རྣམས་ཀྱིས་
D222.063.0094a07.01