完整藏文原文 · 德格版页 当前仅加载第 63 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་བྱུགས་པས། ས་རྒྱན་གྱིས་མཛེས་པར་བྱེད་པའི་ལེགས་པར་བྱ་བ་བྱེད་པ་ཡིན། དེས་དེར་བསོད་སྙོམས་པ་རབ་ཏུ་མང་པོ་འོངས་པར་ཤེས་ན་རང་གི་ལག་གིས་བཟའ་བ་དང་། བཏུང་བ་གྱ་ནོམ་པ་ལེགས་པར་རྒྱུན་ཏུ་སྟོབས་པར་བྱེད་ཅིང་དེ་དག་དང་བདག་གྲོང་རྡལ་ལམ། གྲོང་ཁྱེར་རམ།
D222.063.0089b01.01གྲོང་དག་ཏུ་ཡང་ཕྲད་ཅིང་འགྲོགས་པར་གྱུར་ཅིག །བདག་ནམ་ཡང་ཡུལ་མཐའ་འཁོབ་ཏུ་སྐྱེ་བ་དང་། དགེ་བའི་བཤེས་གཉེན་དང་སྐོལ་བར་དུས་སྟོན་བཞི་བྱེད་པར་མ་གྱུར་ཅིག །བདག་སྦྱིན་པ་དང་། ཚུལ་ཁྲིམས་སྤྱད་པ་དང་། ཉན་པ་དང་། བདག་ཆོས་ཀྱི་གཏམ་ལ་རྟག་ཏུ་
D222.063.0089b02.01སྤྱོད་པར་གྱུར་ཅིག་ཅེས་དེ་ལྟ་བུའི་ཡོན་ཏན་ཕུན་སུམ་ཚོགས་པའི་སྲིང་མོ་དགེ་བསྙེན་མ་ཡིད་རྣམ་པར་དག་པ་སྟེ། དེ་ལྟ་བུ་ནི་དགེ་བསྙེན་མའི་ཡོན་ཏན་དག་ཡིན་ནོ། །དེ་ལ་དགེ་སློང་དང་དགེ་སློང་མ་ཅི་འདྲ་བ་དག་ཅིག་ཅེ་ན། དུལ་བ། ཞི་བ། བག་ཚ་བ་མེད་པ། ཟག་པ་ཟད་པ།
D222.063.0089b03.01ཐ་མའི་ལུས་འཛིན་པ། ཙན་དན་གྱི་སྙིང་པོ་འདྲ་བའི་འཁོར་དག་གོ། །དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཅི་འདྲ་བ་དག་ཅིག་ཅེ་ན། ཐམས་ཅད་ཀྱང་དེ་བཞིན་གཤེགས་པའི་ཆོས་འདོད་པ། ཐམས་ཅད་ཀྱང་དེ་བཞིན་གཤེགས་པའི་སྙིང་པོའི་མདོ་སྡེ་འཛིན་པ།
D222.063.0089b04.01ཐམས་ཅད་ཀྱང་དེ་བཞིན་གཤེགས་པའི་སྙིང་པོ་ཕན་པ་སྟོན་པ། ཐམས་ཅད་ཀྱང་སངས་རྒྱས་རྟག་པ་ཉིད་འདོད་པ། ཐམས་ཅད་ཀྱང་དགོངས་པའི་ཚིག་ལ་བྱང་བ། ཐམས་ཅད་ཀྱང་ངེས་པའི་དོན་གྱི་མདོ་སྡེ་སྟོན་པ། སྲན་ཐུབ་པ། ཐམས་ཅད་ཀྱང་ཚུལ་ཁྲིམས་འཆལ་པ་རྣམས་
D222.063.0089b05.01ཚར་གཅོད་ཅིང་ཕན་འདོགས་པར་ཞུགས་པ་དེས་པ་རྣམས་ལ་མཆོག་ཏུ་གུས་པ། ཐེག་པ་ཆེན་པོ་ལ་དད་པ་ཆེན་པོ་ཐོབ་པ། ཉན་ཐོས་དང་། རང་སངས་རྒྱས་ཀྱི་ཐེག་པ་ལ་ཡ་མཚན་དུ་མི་འཛིན་པ། འདི་ལྟ་བུའི་མདོ་སྡེ་རྒྱ་ཆེན་པོ་མཆོག་བོར་ནས་མདོ་སྡེ་གཞན་མི་སྒྲོགས་པའི་ཤེས་རབ་ཅན།
D222.063.0089b06.01གང་དུ་སངས་རྒྱས་རྟག་པ་དེ་བཞིན་གཤེགས་པའི་སྙིང་པོ་ཡོད་དོ་ཞེས་བསྟན་པ་གཞན་ཡང་སྒྲོགས་ཤིང་མི་སྤོང་བ། བརྟན་པ། འཇིག་ཚོགས་ལ་ལྟ་བས་སྟོང་པ་སྟོང་པ་མ་ཡིན་གྱི། འདུས་བྱས་ཐམས་ཅད་རང་བཞིན་གྱིས་སྟོང་པ། ཐེར་ཟུག་མཆོག་གི་གཞི་དེ་འདོད་པ་དེ་ལྟ་བུ་ལ་སོགས་པའི་ཡོན་
D222.063.0089b07.01