完整藏文原文 · 德格版页 当前仅加载第 63 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དེ་བཞིན་དུ་བྱའོ་ཞེས་དེ་ལ་ཁས་བླངས་སོ། །དེ་ནས་དགེ་བསྙེན་ཐབས་ལ་མཁས་པ་ཞིག་གིས་དེ་མཐོང་ནས་བསམས་པ། ཨེ་མའོ་ཀྱི་ཧུད་དགེ་སློང་ཚུལ་ཁྲིམས་དང་ལྡན་པ་འདི་ནི་ད་ནི་ཚུལ་ཁྲིམས་འཆལ་པར་གྱུར་ལ། ཉེས་ན་དགེ་སློང་འདི་ལུས་འདིས་ཤི་བ་བླའི། ཚུལ་ཁྲིམས་
D222.063.0116b01.01འཆལ་པ་ནི་མ་ཡིན་པས་དེའི་སྡིག་པ་གང་ཡིན་པ་དེ་བདག་ལ་བབ་པར་གྱུར་ཅིག་ཅེས་དེ་ནས་དེས་གཏམ་ཅི་ཞིག་བྱས་ནས་རྨོངས་པར་བྱས་ཏེ་མོད་ལ་བསད་ན། འོད་སྲུང་ཅི་མི་དེ་དམྱལ་བར་འགྱུར་རམ། འོད་སྲུང་གིས་གསོལ་པ། དེ་ནི་བཅོམ་ལྡན་འདས་ཉིད་མཁྱེན་ལགས་སོ། །
D222.063.0116b02.01བཀའ་སྩལ་པ། འོད་སྲུང་མི་དེའི་དགེ་སྦྱོང་སྲོག་དང་ཕྲལ་བའི་སྡིག་པ་གང་ཡིན་པ་དེ། དེ་ཟླ་བ་བཞིར་རིམས་ཀྱིས་ཐེབས་ནས་ལུས་དེ་ཉིད་ལ་རྣམ་པར་སྨིན་པ་དང་དེངས་པར་འགྱུར་ན། འོད་སྲུང་ཐབས་མཁས་པ་སེམས་ཅན་གྱི་དོན་དུ་ཚིག་ཙམ་དུ་སྨྲ་བས་ཉེས་པ་མེད་དེ། བདག་བདེན་
D222.063.0116b03.01པར་ཡོད་པ་ལ་བདག་མེད་དོ་ཞེས་འགོག་པའི་ཚིག་ཙམ་དུ་སྨྲ་བས་ཅིར་ཡང་མི་འགྱུར་བ་ལྟ་ཅི་སྨོས། འོད་སྲུང་གཞན་ཡང་ཁྱོད་ཀྱིས་ཀུན་དགའ་བོ་ཟིལ་གྱིས་མནན་ནས་ང་ལ་ཞུས་པ། སྲིད་པ་ཡོད་ན་བདེ་དང་སྡུག་བསྔལ་ཏེ། མེད་ན་བདེ་དང་སྡུག་བསྔལ་ག་ལ་ཡོད་ཅེས་བྱ་བ་དེའི་དོན་འོད་སྲུང་
D222.063.0116b04.01ཁྱོད་ད་ཉོན་ཅིག །འོད་སྲུང་དེ་བཞིན་གཤེགས་པ་ནི་དངོས་པོ་མེད་པ། སེམས་ཅན་མེད་པ། འཇིག་པར་འགྱུར་བ་མ་ཡིན་པའོ། །གསོལ་པ། ཇི་ལྟ་བུ་ལགས། བཀའ་སྩལ་པ། འོད་སྲུང་དཔེར་ན་རིའི་རྒྱལ་པོ་གངས་ཅན་གྱི་དྲུང་ན་ནོར་བུ་རིན་པོ་ཆེ་འོད་མཐའ་ཡས་སྣང་བ་
D222.063.0116b05.01ཞེས་བྱ་བའི་ཁམས་ཡོད་དོ། །དེ་ནས་ནོར་བུ་རིན་པོ་ཆེའི་ཁམས་དེ་ལ་ནོར་བུ་རིན་པོ་ཆེའི་ཁམས་བྱི་དོར་བྱེད་པས་བལྟས་ནས་དེས་དེ་མཐོང་སྟེ་ཤེས་ནས་དེས་དེ་བླངས་ཏེ། གསེར་གྱི་ཁ་དོག་བཞིན་དུ་ཐབས་ཀྱིས་དྲི་མ་སྦྱངས་ཏེ་བླངས་ནས་དེ་ནས་དེས་གང་གི་ཚེ་དྲི་མ་དག་པར་གྱུར་པ་དེ་ཕན་
D222.063.0116b06.01ཆད་སའམ། འདམ་རྫབ་བམ། བྱེ་མའམ། སྣོད་གང་དང་གང་དུ་མི་དེས་བཅུག་ཀྱང་དེས་དེར་ནོར་བུ་རིན་པོ་ཆེ་དེ་དེ་ལྟ་དེ་ལྟར་ཕྱི་བདར་བྱས་པས་ཇི་ལྟར་ཐོག་མའི་དྲི་མའི་སྐྱོན་དེ་ཁོ་ནས་འདྲེས་པར་མི་འགྱུར་རོ། །དེ་ཅིའི་ཕྱིར་ཞེ་ན། དཔེར་ན་གང་དང་གང་དུ་མི་སྒྲོན་མ་ཐོགས་ཏེ་
D222.063.0116b07.01