完整藏文原文 · 德格版页 当前仅加载第 63 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཇི་ལྟ་བུ་ཡིན་པ་དེ་ཁོ་ན་དེ་བཞིན་དུ་གསལ་བར་སྟོན་ཅིག །གསོལ་པ། བཅོམ་ལྡན་འདས་དཔེར་ན་ཕ་དང་མ་གཉིས་འདུས་པ་ལས་བུ་འབྱུང་བར་འགྱུར་ཏེ། དེ་ལ་མ་ནི་རྒྱུ་ལགས་སོ། །ཕ་ནི་རྐྱེན་ལགས་ཏེ། དེ་ལྟ་བས་ན་ཕ་དང་མ་གཉིས་ནི་བུའི་རྒྱུ་དང་རྐྱེན་ལགས་སོ། །དེ་བཞིན་
D222.063.0094b01.01དུ་རྒྱུ་དང་རྐྱེན་གྱིས་ཆོས་སྐྱེ་བར་འགྱུར་ཏེ། འདི་ནི་གྲུབ་པ་ཞེས་བགྱིའོ། །གྲུབ་པ་ཞེས་བྱ་བ་ཅི་ཡིན། གྲུབ་པ་ཞེས་བགྱི་བ་ནི་འཇིག་རྟེན་གྱི་གྲགས་པ་ལགས་སོ། །འཇིག་རྟེན་ཞེས་བྱ་བ་ཅི་ཡིན། འོད་སྲུང་གིས་གསོལ་པ། སེམས་ཅན་དང་ལྡན་པས་བཏགས་པ་གང་
D222.063.0094b02.01ལགས་པའོ། །སེམས་ཅན་ཞེས་བྱ་བ་ཅི་ཡིན། སེམས་ཅན་ཞེས་བགྱི་བ་ནི་ཆོས་ཀྱི་བརྡར་བཏགས་པ་ལགས་སོ། །ཆོས་ཞེས་བྱ་བ་ཅི་ཡིན། གསོལ་པ། ཆོས་མ་ལགས་པའི་ཆོས་དང་། ཆོས་ཀྱི་ཆོས་སོ། །ཆོས་དེ་དག་ཀྱང་རྣམ་པ་གཉིས་སུ་བསྟན་ཏོ། །རྣམ་
D222.063.0094b03.01པ་གཉིས་གང་ལགས་ཞེ་ན། འདུས་བྱས་དང་། འདུས་མ་བྱས་དང་། གཟུགས་ཅན་དང་། གཟུགས་ཅན་མ་ལགས་པ་སྟེ། དེ་ལས་མུ་གསུམ་པ་ནི་མ་མཆིས་པ་ལགས་སོ། །དེ་ལ་ཆོས་ཞེས་བྱ་བ་ཇི་ལྟ་བུ་ཡིན། གསོལ་པ། ཆོས་ཞེས་བགྱི་བ་ནི་གཟུགས་མ་
D222.063.0094b04.01མཆིས་པ་ལགས་སོ། །བཀའ་སྩལ་པ། ཆོས་མ་ཡིན་པ་ཇི་ལྟ་བུ་ཡིན། ཆོས་མ་ལགས་པ་ཞེས་བགྱི་བ་དེ་ཡང་གཟུགས་མ་མཆིས་པ་ལགས་སོ། །བཀའ་སྩལ་པ། གལ་ཏེ་ཆོས་དང་ཆོས་མ་ཡིན་པ་གཟུགས་མེད་ཅིང་མཚན་མ་མེད་པ་ཡིན་ན་དེ་ལ་ཆོས་ནི་གང་། ཆོས་མ་
D222.063.0094b05.01ཡིན་པ་ནི་གང་། གསོལ་པ། ཆོས་ཞེས་བགྱི་བ་ནི་མྱ་ངན་ལས་འདས་པ་ཞེས་བགྱི་བ་ལགས་སོ། །ཆོས་མ་ལགས་པ་ཞེས་བགྱི་བ་ནི་སྲེད་པ་ཞེས་བགྱི་བ་ལགས་སོ། །བཀའ་སྩལ་པ། གལ་ཏེ་དེ་ལྟར་ཆོས་དང་ཆོས་མ་ཡིན་པ་གཟུགས་མེད་ཅིང་མཚན་ཉིད་མེད་པ་
D222.063.0094b06.01ཡིན་ན་སངས་རྒྱས་རྣམས་ཀྱིས་ཇི་ལྟར་ཅི་ཞིག་མཚན་མ་གང་གིས་འདི་ནི་ཆོས་ཡིན་ནོ་ཞེས་རྣམ་པར་མཁྱེན་པར་འགྱུར། གསོལ་པ། སེམས་ཅན་རྣམས་འཁོར་བར་སྐྱེས་ནས་དགེ་བའི་བསོད་ནམས་དང་། དགེ་བའི་རྩ་བ་རྣམ་པ་སྣ་ཚོགས་ལ་བསྟེན་པ་ན་དེའི་ཚུལ་འདི་དང་།
D222.063.0094b07.01