完整藏文原文 · 德格版页 当前仅加载第 63 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དང་མཉམ་པར་མི་རྩི་བས། སངས་རྒྱས་ནི་རྣམ་པར་སྨིན་པ་ལས་སྐྱེས་པའི་ཆོས་ཀྱི་རྒྱུ་འཐུན་པ་སྟེ། སངས་རྒྱས་ནི་ཡོངས་སུ་མྱ་ངན་ལས་འདས་པ་ཡིན་ལ། སེམས་ཅན་ཡང་རྣམ་པར་སྨིན་པ་ལས་སྐྱེས་པའི་ཆོས་ཀྱི་རྒྱུ་འཐུན་པ་ཡིན་ནོ། །འོད་སྲུང་གང་
D222.063.0098a01.01གི་ཚེ་སེམས་ཅན་ཐམས་ཅད་ཟད་པར་གྱུར་པ་དེའི་ཚེ། གལ་ཏེ་མེ་བྱུང་ནས་འཇིག་པའམ། འབྱུང་བར་འགྱུར་བ་དེ་སྨྲོས་ཤིག །བཅོམ་ལྡན་འདས་མ་འཚལ་ལགས་སོ། །ངས་སྔར་ཁྱོད་ཀྱིས་མི་ཤེས་སོ་ཞེས་གསུངས་སོ། །བཅོམ་ལྡན་འདས་སྐྱེ་བ་དང་། རྒ་
D222.063.0098a02.01བ་དང་། ན་བ་དང་། འཆི་བ་གང་ནས་མཆིས། གང་དུ་མཆི་ལགས། བཀའ་སྩལ་པ། རྔ་བོ་ཆེའི་སྒྲ་གང་ནས་འོངས། གང་དུ་འགྲོ། བཅོམ་ལྡན་འདས་ཚོགས་པ་ལས་ལགས་སོ། །བཀའ་སྩལ་པ། ཇི་ལྟ་བུ་ཡིན། ཇི་ལྟར་ཆོས་ཐམས་ཅད་མ་བགྱིས་པ།
D222.063.0098a03.01བྱེད་པ་པོ་མ་མཆིས་པ། བྱེད་པ་པོ་དང་བྲལ་བ་ལྟར་རྔ་བོ་ཆེའི་སྒྲ་ཡང་དེ་དང་འདྲ་ལགས་སོ། །བཀའ་སྩལ་པ། དེ་ནི་མ་ཡིན་ཏེ། རྔ་བོ་ཆེ་ལ་ནི་བྱེད་པ་པོ་ཡོད་དམ། བཅོམ་ལྡན་འདས་མ་མཆིས་ལགས་སོ། །བཀའ་སྩལ་པ། དེ་བཞིན་དུ་མྱ་ངན་ལས་འདས་
D222.063.0098a04.01པ་ཐེར་ཟུག་གི་གཞི་ཐོབ་པའི་སེམས་ཅན་དེ་དག་སུ་ཞིག་བྱེད་དེ་བྱེད་པ་པོ་མེད་དོ། །སེམས་ཅན་རྣམས་རང་གི་བདག་ཉིད་ཀྱིས་བདག་བྱེད་དེ། ཇི་ལྟ་ཞེ་ན། སེམས་ཅན་གྱིས་གལ་ཏེ་བསོད་ནམས་བྱེད་ན་ནི་སངས་རྒྱས་ཡིན་ལ། འོན་ཏེ་མི་བྱེད་ན་ནི་སེམས་ཅན་ཡིན་ནོ། །
D222.063.0098a05.01སེམས་ཅན་ཐོག་མ་སུས་བགྱིས་ལགས། བཀའ་སྩལ་པ། འདུ་ཤེས་མེད་འདུ་ཤེས་མེད་མིན་གྱི་ལྷ་ལ་སོགས་པ་གཟུགས་མེད་པའི་ལྷ་རྣམས་ཀྱང་སུས་བྱས། གསོན་པོར་ཡང་ཇི་ལྟར་གནས། བཅོམ་ལྡན་འདས་ལས་ཀྱིས་ནི་གནས་ལགས་ན་དེ་དག་གི་ལས་དང་དེ་
D222.063.0098a06.01བཞིན་དུ་ཁྱིམ་བདག་ཚོང་དཔོན་དང་ཚུལ་ཡང་འཚལ་བར་ནི་རྔོ་མི་ཐོགས་ལགས་སོ། །ཤིན་ཏུ་གནས་པ་ཉིད་དུ་སུ་ཞིག་བྱེད། གསོལ་པ། ལས་ཀྱིས་བགྱིད་དོ། །ལས་ལས་ནི་ཆོས་དུ་མ་སྐྱེ་སྟེ། དགེ་བ་ལས་ཀྱང་ཆོས་དུ་མ་སྐྱེའོ། །དེ་ལ་དགེ་བ་ལས་སྐྱེ་བའི་ཆོས་ནི་གང་
D222.063.0098a07.01