完整藏文原文 · 德格版页 当前仅加载第 63 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
གུས་པར་བགྱིད་པ་དེ་ཇི་ལྟ་བུ་ལགས། བཀའ་སྩལ་པ། གང་གི་ཚེ། རུང་བ་མ་ཡིན་པ་ལ་རུང་བའི་འདུ་ཤེས་ཀྱིས་སྤྱོད་ནའོ། །གསོལ་པ། ཇི་ལྟ་བུ་ལགས། བཀའ་སྩལ་པ། དཔེར་ན། ཀོ་ས་ལའི་རྒྱལ་པོ་གསལ་རྒྱལ་འདིའི་དྲུང་དུ་གང་
D222.063.0103a01.01གི་ཚེ། རྒྱལ་པོ་འགའ་ཞིག་གི །ཕོ་ཉ་རིགས་དམའ་བ་ལས་སྐྱེས་པ་གདོལ་བ་བཀྲེན་པ་ཞིག་འོངས་པར་གྱུར་ན། དེ་ལ་རྔ་བོ་ཆེ་དང་། རོལ་མོའི་སྒྲ་མང་པོ་དང་། གླང་པོ་ཆེའི་སྟེང་ནས། སྐད་ཆེན་པོ་སྒྲོགས་ཤིང་། སྟན་ཆེན་པོ་བཏིང་ནས། རྒྱལ་པོ་ལས། དྲི་དང་།
D222.063.0103a02.01ཕྲེང་བ་དང་། བྱུག་པ་དང་། མེ་ཏོག་དང་། ཕྱེ་མ་དང་། གོས་དང་། རྒྱན་མང་དུ་འཐོབ་པར་འགྱུར་ཞིང་། རྒྱལ་པོ་རང་ཡང་གོས་བཟང་པོ་དག་བགོས་ནས། སྟན་མཐོན་པོ་ལས་བབས་ཏེ། གླང་པོ་ཆེ་དང་། རྟ་དང་། ཤིང་རྟ་དག་ཡོད་བཞིན་དུ་དེའི་མདུན་ནས་བསུ་
D222.063.0103a03.01བའི་ཕྱིར་རྐང་གིས་འགྲོ་ཞིང་སྟན་དང་གདིང་བ་ཡོད་བཞིན་དུ་དེའི་མདུན་ན་ས་ལ་འདུག་པར་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་འཇིག་རྟེན་དེ་དག་གིས་གོས་དང་རྒྱན་དུ་བཅས་པ་བྱས་པར་འགྱུར་མོད་ཀྱི། འོན་ཀྱང་དེ་རྒྱལ་པོའི་ཕོ་ཉ་ཡིན་ནོ་ཞེས་བཀུར་སྟི་བྱེད་དོ། །དེ་བཞིན་དུ་
D222.063.0103a04.01ཆོས་སྨྲ་བའི་མདུན་དུ་གཏམ་གྱི་དུས་ན་དགེ་སློང་ངམ། ཁྱིམ་པས་ཇི་ལྟར་ངའི་སྤྱན་སྔ་ན་སྟན་དམའ་བ་ལ་འདུག་ནས། ལྷའི་ཕྱེ་མ་དང་། དྲི་དང་། ཕྲེང་བ་དང་། བྱུག་པ་དང་། བདུག་པ་དང་། མེ་ཏོག་དང་། རྒྱན་རྣམས་ཀྱིས་བྱེད་པ་བཞིན་དུ་བྱའོ། །གང་ཞིག་དེ་ལྟར་
D222.063.0103a05.01སྤྱོད་པ་དེ་ལ་ཡ་མཚན་དེ་དང་དེ་དག་དེའི་དྲུང་དུ་འབྱུང་བར་འགྱུར་ཞིང་དེ་ལ་རྟག་ཏུ་ངོ་མཚར་དུ་བྱ་བ་གནོད་སྦྱིན་དང་། སྲིན་པོའི་རྒྱལ་པོ་རྣམས་ཀྱང་རིམ་གྲོ་བྱེད་པར་འགྱུར་རོ། །དཔེར་ན་བྱང་གི་སྒྲ་མི་སྙན་གྱི་གླིང་པའི་མི་རྣམས་ཀྱི་ཟས་འཕེལ་བར་འགྱུར་གྱི་འགྲིབ་པར་མི་འགྱུར་རོ། །
D222.063.0103a06.01དེ་ཅིའི་ཕྱིར་ཞེ་ན། འདི་ལྟར་དེ་དག་ཇི་སྲིད་འཚོའི་བར་དུ་ཟས་དང་སྐོམ་གྱི་འདུ་ཤེས་མེད་ཅིང་མཁྲེན་པ་དང་། ཕྲག་དོག་དང་། སེར་སྣ་མི་འབྱུང་བའི་ཕྱིར་བར་མ་དོར་འགྲིབ་པར་མི་འགྱུར་རོ། །དེ་བཞིན་དུ་འཛམ་བུའི་གླིང་འདི་ན་དགེ་སློང་དང་། དགེ་སློང་མ་དང་། དགེ་བསྙེན་
D222.063.0103a07.01