完整藏文原文 · 德格版页 当前仅加载第 63 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཐ་མ་བཙལ་ལོ་སྙམ་ན་ཅི་རྙེད་པར་འགྱུར་རམ། གསོལ་པ། བཅོམ་ལྡན་འདས་མི་འགྱུར་ལགས་སོ། །གལ་ཏེ་ཉོན་མོངས་པ་སྦྱང་བ་བྱས་ན་དེའི་འོག་ཏུ་བདག་རྙེད་པར་འགྱུར་རོ། །བདག་དེ་ཡང་མདོ་དེ་ལྟ་བུ་དེ་དག་ཐོས་པས་རྙེད་པར་མི་འགྱུར་གྱི་ཐབས་ལ་མཁས་
D222.063.0110a01.01པས་སྐྱོ་བ་མེད་ཅིང་མ་བརྟགས་པ་བརྩོན་འགྲུས་དྲག་པོ་དང་། ལམ་རྣམས་གསུམ་གྱིས་འཐོབ་པར་འགྱུར་ཞིང་དེ་ནས་མདོ་འདི་ལྟ་བུ་འདི་དག་ལ་ཡིད་ཆེས་པར་འགྱུར་རོ། །གཞན་ཡང་འོད་སྲུང་གིས་གསོལ་པ། བཅོམ་ལྡན་འདས་གལ་ཏེ་བདག་མཆིས་ན་ཅིའི་སླད་དུ་ཉོན་མོངས་པ་བློ་བུར་
D222.063.0110a02.01བ་འདི་དག་གིས་འདི་ལྟར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ཁྱོད་ལ་དཔེ་བསྟན་ཏེ། འོད་སྲུང་དཔེར་ན་འགའ་ཞིག་གིས་ཡི་གེ་འབྲུ་ལྔ་པ་བསླབས་པ་ལས་སྐད་ཀྱི་དབྱིངས་གྲུབ་པའི་ཚིག་གམ། ཚིགས་སུ་བཅད་པའི་དོན་ཤེས་པར་བྱས་ལ་ཕྱིས་བསླབ་པོ་ཞེས་ཟེར་
D222.063.0110a03.01ན། ཅི་དེས་ཤེས་པར་འགྱུར་རམ། གལ་ཏེ་ཇེ་བསླབས་ན་དེའི་འོག་ཏུ་ཤེས་པར་འགྱུར་མོད། རྟག་ཏུ་ལེགས་པར་བསླབས་པར་གྱུར་པ་དེའི་ཚེ་ནི་དེའི་སློབ་དཔོན་གྱིས་འཁོར་དེ་ལ་སྐད་ཀྱི་དབྱིངས་ཀྱི་གྲུབ་པའི་དོན་སྨྲ་བ་ན་དེ་ལ་དཔེ་བསྟན་མི་དགོས་པར་དེས་མཉན་པར་ནུས་པར་ངེས་རང་གི་སློབ་དཔོན་
D222.063.0110a04.01གྱི་སྐད་ཀྱི་དབྱིངས་གྲུབ་པའི་ཚིག་ཇི་ལྟ་བ་བཞིན་ཡིད་ཆེས་པར་བྱས་ན་ཕྱིས་དོན་ཤེས་ཤིང་ཡིད་ཆེས་པར་འགྱུར་རོ། །དེ་བཞིན་དུ་ངས་དེ་རིང་ཉོན་མོངས་པ་བྱེ་བའི་སྦུབས་ཀྱིས་ཁེབས་པའི་སེམས་ཅན་དེ་ལྟ་བུ་དེ་ལ་རིགས་ཀྱི་བུ་དེ་བཞིན་གཤེགས་པའི་སྙིང་པོ་ཅན་ཞེས་བཤད་དོ། །དེ་ཡང་ལྟ་འདོད་
D222.063.0110a05.01པར་གྱུར་ན་ཅི་དེ་དག་གིས་མཐོང་བར་ནུས་སམ། གསོལ་པ། བཅོམ་ལྡན་འདས་རྔོ་མི་ཐོགས་ལགས་སོ། །ཇི་ལྟར་སློབ་མ་དེས་སློབ་དཔོན་ལ་ཡིད་ཆེས་ཤིང་དད་པར་བྱས་ན་ཕྱིས་དེས་སྐད་ཀྱི་དབྱིངས་ཀྱི་གྲུབ་པའི་ཚིག་གི་དོན་གྱི་གཞི་ཤེས་པར་འགྱུར་བ་དེ་བཞིན་དུ་འོད་སྲུང་ཁྱོད་ཀྱིས་ཀྱང་
D222.063.0110a06.01དེ་བཞིན་གཤེགས་པ་ནི་བདེན་པ་གསུང་བ། བདེན་པའི་ཚིག་གསུང་བར་གྱུར་པ་ཡིན་པས་སེམས་ཅན་ཡོད་པ་ཉིད་དོ་ཞེས་གསུང་ན་ཡང་རིག་པར་བྱོས་ཤིག་དང་། སློབ་མ་གྲུབ་པ་བཞིན་ཕྱིས་ཁྱོད་ཀྱིས་ཤེས་པར་འགྱུར་རོ། །འོད་སྲུང་ཡང་ཁྱོད་ལ་དཔེ་བསྟན་ཏེ། འོད་སྲུང་བཞི་པོ་འདི་
D222.063.0110a07.01