完整藏文原文 · 德格版页 当前仅加载第 63 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ལོ་ཏོག་ཆུད་གཟོན་པར་ཞུགས་པ་རྣམས་ལ་ཐབས་ལེགས་པ་ཞིག་བསམ་པར་བྱའོ་སྙམ་ཞིང་དེ་ནས་དེས་དེ་ལྟར་བསམས་ནས། དེས་གང་ན་མོན་སྲན་ཙམ་འམ། མོན་སྲན་སྡེའུ་འམ། མོན་སྲན་གྲེའུ་འམ། རྒྱ་སྲན་ཡོད་པ་དེ་ལས་དེས་ཐོག་མར་འདྲོན་པ་རྣམས་ལ་གུས་པས་བསུ་ནས་ཕུ་ནུ་བོ་
D222.063.0105b01.01བདག་གི་འདི་སྣོམས་ཤིག་ཅེས་སྨྲ་ཞིང་སྦྱིན་པ་བྱེད་ན་དེ་ལྟར་བྱིན་ཞིང་དེ་ལྟར་སྨྲས་པས་ཞིང་དེ་ཐམས་ཅད་འགྲུབ་པར་འགྱུར་རོ། །འོད་སྲུང་ཁྱོད་ཀྱིས་ཀྱང་དེ་བཞིན་དུ་ང་འདས་པའི་འོག་ཏུ་ཐབས་དེ་ལྟ་བུ་བྱོས་ལ་མདོ་འདི་ཕྱུང་ཤིག །འོད་སྲུང་གིས་གསོལ་པ། བཅོམ་ལྡན་འདས་བདག་གིས་རྣམ་གྲངས་
D222.063.0105b02.01འདིས་སྐྱེས་བུ་ཐ་ཤལ་རྣམས་ཡང་དག་པར་གཟུང་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་བསྐལ་པ་བརྒྱ་སྟོང་དུ་རིའི་རྒྱལ་པོ་རི་རབ་ཁུར་དུ་ཐོགས་པ་ནི་མི་མངོ་ལགས་ཀྱི། སྐྱེས་བུ་ཐ་ཤལ་ཚུལ་ཁྲིམས་འཆལ་པ་དམ་པའི་ཆོས་ལ་སྐུར་པ་འདེབས་པ། དམ་པའི་
D222.063.0105b03.01ཆོས་ལ་སྨོད་པའི་སེམས་ཅན་དག་གི་ཚིག་རྩུབ་མོ་ཉན་པ་ནི་མ་ལགས་སོ། །བཅོམ་ལྡན་འདས་གཞན་གྱི་སུག་པར་མཆིས་ཏེ། དབང་དུ་བགྱིས་པ་ནི་མི་མངོ་ལགས་ཀྱི། སྐྱེས་བུ་ཐ་ཤལ་ཚུལ་ཁྲིམས་འཆལ་པ་དམ་པའི་ཆོས་ལས་ཁ་ཕྱིར་ཕྱོགས་པ། དམ་པའི་ཆོས་ལས་རིང་དུ་གྱུར་པ། དམ་
D222.063.0105b04.01པའི་ཆོས་མཉན་པ་མ་བཟུང་བས་ཉམས་པའི་རྒྱུད་ཅན་གྱི་སེམས་ཅན་དེ་དག་གི་ཚིག་རྩུབ་པོ་དང་། རང་བཞིན་ངན་པའི་ངག་དང་། ཚིག་མཉན་པ་ནི་མ་ལགས་སོ། །བཅོམ་ལྡན་འདས་ས་ཆེན་པོ་འདི་རྒྱ་མཚོ་དང་། རི་དང་བཅས་པར་བསྐལ་པ་བྱེ་བ་ས་ཡ་ཕྲག་བརྒྱ་སྟོང་མང་པོར་སྤྱི་བོར་ཐོགས་
D222.063.0105b05.01པ་ནི་མི་མངོ་ལགས་ཀྱི། སྐྱེས་བུ་ཐ་ཤལ་ཚུལ་ཁྲིམས་འཆལ་པ་བསྟན་པ་རབ་ཏུ་རྣམ་པར་འཇིག་པར་བགྱིད་པ་བདག་ལ་སྟོད་ཅིང་གཞན་ལ་སྨོད་པའི་སེམས་ཅན་དེ་དག་གི་ཚིག་རྩུབ་པོ་ཉན་པ་ནི་མ་ལགས་སོ། བཅོམ་ལྡན་འདས་འོན་པ་ཉིད་དང་། ལྐུགས་པ་ཉིད་དང་། དམུས་ལོང་ཉིད་ནི་
D222.063.0105b06.01མི་མངོ་ལགས་ཀྱི། སྐྱེས་བུ་ཐ་ཤལ་ཚུལ་ཁྲིམས་འཆལ་པ་མུ་གེའི་ཚེ་འཚོ་བའི་ཕྱིར་སྐྲ་བྲེགས་ཤིང་ངུར་སྨྲིག་བགོས་ནས་ཟས་དང་། སྐོམ་ལྷུར་བགྱིད་པའི་སེམས་ཅན་དེ་དག་གི་ཚིག་རྩུབ་པོ་ཉན་པ་ནི་མ་ལགས་སོ། །བཅོམ་ལྡན་འདས་མྱུར་དུ་ཡོངས་སུ་མྱ་ངན་ལས་འདས་པ་ནི་མི་མངོ་
D222.063.0105b07.01