完整藏文原文 · 德格版页 当前仅加载第 63 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་ཀྱི། སྐྱེས་བུ་ཐ་ཤལ་ཚུལ་ཁྲིམས་འཆལ་པ་ལུད་བོང་ལྟར་ཀུན་དུ་སྤྱོད་པ། ལུས་ཀྱི་ཚུལ་འཆོས་པ་དང་། ངག་གི་ཚུལ་འཆོས་པའི་སེམས་ཅན་དག་གི་ཚིག་རྩུབ་པོ་དང་། ངག་དང་ཚིག་ཉན་པ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་
D222.063.0106a01.01ཁྱོད་ཡོངས་སུ་མྱ་ངན་ལས་འདས་ན་ཡང་སྐྱེ་བར་མི་འགྱུར་རམ། ཡོངས་སུ་མྱ་ངན་ལས་འདས་པའི་མཐར་ཕྱིན་པ་དེ་ཡིན་ནམ། བཅོམ་ལྡན་འདས་གང་ཞིག་ཡོངས་སུ་མྱ་ངན་ལས་འདས་ན་ཡང་སྐྱེ་བར་མི་འགྱུར་ཞིང་འགུམ་པར་མི་འགྱུར་བའི་སེམས་ཅན་རྣམས་ཀྱི་ལམ་ནི་ཐེག་པ་གསུམ་
D222.063.0106a02.01ལགས་ཏེ། བཅོམ་ལྡན་འདས་ཉན་ཐོས་དང་། རང་སངས་རྒྱས་དང་། སངས་རྒྱས་བཅོམ་ལྡན་འདས་རྣམས་ཀྱི་ལགས་སོ། །འོད་སྲུང་གིས་ཡང་གསོལ་པ། བཅོམ་ལྡན་འདས་ཡོངས་སུ་མྱ་ངན་ལས་འདས་ན་ཡང་ཡོངས་སུ་མྱ་ངན་ལས་འདས་པར་མི་འགྱུར་བ་ཇི་ལྟ་བུ་ལགས།
D222.063.0106a03.01བཀའ་སྩལ་པ། འོད་སྲུང་ཉན་ཐོས་རྣམས་ཉན་ཐོས་ཀྱི་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་ན། དེ་ནི་ཡོངས་སུ་མྱ་ངན་ལས་འདས་པའི་མཐར་ཐུག་པ་མ་ཡིན་ནོ། །དེ་ཅིའི་ཕྱིར་ཞེ་ན། ཡང་རང་སངས་རྒྱས་ཉིད་དུ་འགྱུར་ལ། རང་སངས་རྒྱས་རྣམས་རང་སངས་རྒྱས་
D222.063.0106a04.01ཀྱི་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་འདས་ན་ཡང་། དེ་ནི་ཇི་སྲིད་རྣམ་པ་ཐམས་ཅད་ཀྱི་མཆོག་དང་ལྡན་པའི་ཐམས་ཅད་མཁྱེན་པའི་ཡེ་ཤེས་ཐེག་པ་ཆེན་པོའི་ཡོངས་སུ་མྱ་ངན་ལས་འདའ་བ་མཆོག་གི་མཐར་མ་ཕྱིན་གྱི་བར་དུ་ཡོངས་སུ་མྱ་ངན་ལས་འདས་པའི་མཐར་ཕྱིན་པ་
D222.063.0106a05.01མ་ཡིན་ནོ། །བཅོམ་ལྡན་འདས་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དཔེར་ན་འོ་མ་ལས་ཞོ་དང་། ཞོ་ལས་མར་སར་དང་། མར་སར་ལས་ཞུན་མར་དང་། ཞུན་མར་ལས་མར་གྱི་སྙིང་ཁུ་སྟེ། དེ་ལ་ཞུན་མར་ཇི་ལྟ་བ་དེ་ལྟར་ནི་ས་བཅུ་ཐོབ་པའི་བྱང་ཆུབ་
D222.063.0106a06.01སེམས་དཔའ་རྣམས་ཏེ། ཉོན་མོངས་པའི་ལྷག་མ་ཡོད་པས་སོ། །མར་སར་ལྟར་ནི་ཉན་ཐོས་རྣམས་སོ། །མར་སར་བསྒོངས་པ་ལྟར་ནི་རང་སངས་རྒྱས་རྣམས་སོ། །མར་གྱི་སྙིང་ཁུ་ལྟར་ནི་དེ་བཞིན་གཤེགས་པ་རྣམས་སུ་བལྟ་བར་བྱའོ། །གསོལ་པ། བཅོམ་ལྡན་འདས་དེ་བཞིན་
D222.063.0106a07.01