完整藏文原文 · 德格版页 当前仅加载第 63 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
གང་དག་དེ་སྐད་དུ་སྔ་ཕྱིར་ཚིག་གཉིས་སྨྲས་ནས་ཡོངས་སུ་མྱ་ངན་ལས་འདའ་ན། དེ་ནི་ངའི་ཉན་ཐོས་མ་ཡིན་པར་བལྟའོ། །དགེ་སློང་དག་དེ་ལྟ་བས་ན་ཆོས་རྣམ་པར་འཕྲུལ་པས་ཀྱང་མ་ཡིན། འབྲས་བུ་བཞིས་ཀྱང་མ་ཡིན། བསམ་གཏན་གྱིས་ཀྱང་མ་ཡིན། མངོན་པར་ཤེས་པའི་རྩེ་བས་ཀྱང་
D222.063.0122a01.01མ་ཡིན་ཏེ། དེ་དག་ནི་དེའི་ཕྱོགས་ཡིན་པར་དེ་དག་ལ་ཡིད་ཆེས་པར་མི་བྱའོ། །གང་དག་ཇི་ལྟར་ཡང་རུང་བ་དེ་སྐད་དུ་སྔ་ཕྱིར་ཚིག་གཉིས་སྨྲས་ནས་དེའི་འོག་ཏུ་ཡོངས་སུ་མྱ་ངན་ལས་འདའ་བ་དེ་དག་ནི་བདུད་ཀྱིས་སྤྲུལ་པ་ཡིན་པར་བལྟའོ། །འོད་སྲུང་ང་ཡོངས་སུ་མྱ་ངན་ལས་འདས་ནས་ལོ་བདུན་བརྒྱའི་བར་
D222.063.0122a02.01དུ་ངའི་ཉན་ཐོས་རྣམས་ཡོངས་སུ་མྱ་ངན་ལས་འདའ་བར་འགྱུར་ཏེ་དེ་དག་ནི་འདི་ལྟ་བུའི་ཚིག་གཉིས་པོ་ཉོན་མོངས་པ་གང་ཡིན་པ་དེ་ནི་སྟོང་པའོ། །ཞི་བ་གང་ཡིན་པ་དེ་ནི་མྱ་ངན་ལས་འདས་པའོ་ཞེས་སྨྲ་ཞིང་མྱ་ངན་ལས་འདའ་བར་འགྱུར་རོ། །དེ་ཕྱིན་ཅད་ནི་ཉན་ཐོས་སམ། བྱང་ཆུབ་སེམས་དཔའ་
D222.063.0122a03.01ཡོངས་སུ་མྱ་ངན་ལས་འདའ་བར་མི་འགྱུར་ཏེ། དེ་ཅིའི་ཕྱིར་ཞེ་ན། འདི་ལྟར་སངས་རྒྱས་ཀྱིས་བྱིན་གྱིས་བརླབས་པའི་ཕྱིར་རོ། །ཡང་དེ་ཅིའི་ཕྱིར་ཞེ་ན། དེའི་ཚེ་མི་རྣམས་སྟོང་པ་ཉིད་ལ་ཆད་པ་དང་རྟག་པར་ལྟ་ཞིང་སྤྱོད་དེ། རུང་བ་མ་ཡིན་པ་དང་འདྲེན་མར་འགྱུར་རོ། །དེ་ལྟ་བས་ན་དེ་དག་སྟོང་པ་ཆེན་པོ་ཉིད་ལ་རུང་
D222.063.0122a04.01བ་མ་ཡིན་པ་ཆད་པ་དང་། རྟག་པས་འགྲིབ་པ་ཉིད་དང་། འཕེལ་བ་ཉིད་དུ་སྨྲ་ཞིང་དེ་བཞིན་གཤེགས་པའི་སྙིང་པོའི་གཏམ་བསྟན་པ་ན་སྨོད་པས་སངས་རྒྱས་རྟག་པ་ཉིད་ཀྱི་གཏམ་སྤོང་བར་འགྱུར་ཏེ། དེ་ཉིད་ཀྱིས་ཡོངས་སུ་མྱ་ངན་ལས་འདའ་བར་མི་འགྱུར་རོ། །གང་དག་འདི་ལྟར་བདུད་ཀྱི་མྱ་ངན་ལས་འདས་པའི་
D222.063.0122a05.01འབྲས་བུས་ཡོངས་སུ་མྱ་ངན་ལས་འདའ་བར་འགྱུར་བ་དེ་དག་ཐམས་ཅད་ནི་བདུད་ཀྱིས་སྤྲུལ་པ་ཡིན་པར་རིག་པར་བྱའོ། །མྱ་ངན་ལས་འདའ་བར་འགྱུར་བ་གང་དག་ཡིན་པ་དེ་དག་ཀྱང་ཕལ་ཆེར་བདུད་ཀྱིས་སྤྲུལ་པ་ཡོངས་སུ་མྱ་ངན་ལས་འདའ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་འཇིག་རྟེན་
D222.063.0122a06.01ཐམས་ཅད་ཀྱིས་མཐོང་ན་དགའ་བ་ལ་སོགས་པ་བྱང་ཆུབ་སེམས་དཔའི་ཚོགས་ལ་བཀའ་སྩལ་པ། རིགས་ཀྱི་བུ་དག་ང་ཡོངས་སུ་མྱ་ངན་ལས་འདས་ནས་ཁྱེད་ཀྱིས་ཕྱི་མའི་ཚེ་ཕྱི་མའི་དུས་ན་དམ་པའི་ཆོས་འབྱིན་པར་སུ་འགྱུར། འོད་སྲུང་ཆེན་པོ་ལེགས་སོ། །ང་འདས་ནས་དམ་པའི་ཆོས་འབྱིན་པར་འགྱུར་
D222.063.0122a07.01