完整藏文原文 · 德格版页 当前仅加载第 63 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་ན་དེ་བཞིན་གཤེགས་པ་བཞུགས་པ་ལྟ་ཅི་སྨོས་ཏེ། དགེ་སློང་ཚུལ་ཁྲིམས་འཆལ་པ་དང་། ཚུལ་ཁྲིམས་དང་མི་ལྡན་པ་གང་ལགས་པ་དེ་དག་ནི་མ་མཆིས་ལགས་སོ། །བཅོམ་ལྡན་འདས་འཁོར་འདི་ཐམས་ཅད་ནི་ཚུལ་ཁྲིམས་བསྲུང་བ། ཚུལ་དང་འཐུན་པ་
D222.063.0088a01.01ལགས་ཏེ། འཁོར་གྱི་དཀྱིལ་འཁོར་ན་དེ་དག་ནི་ཙན་དན་གྱི་སྙིང་པོ་འདྲ་བ་ཤ་སྟག་ལགས་སོ། །བཀའ་སྩལ་པ། འོད་སྲུང་འཁོར་འདི་ཐམས་ཅད་ཚུལ་ཁྲིམས་བསྲུངས་པ། ཚུལ་དང་འཐུན་པ་ཡིན་ཡང་ཅི་དགོངས་པའི་ཚིག་ལ་མཁས་པ་ཡིན་ནམ། གསོལ་པ།
D222.063.0088a02.01བཅོམ་ལྡན་འདས་དགོངས་པའི་ཚིག་ཅེས་བགྱི་བ་ཅི་ལགས། བཀའ་སྩལ་པ། འོད་སྲུང་དགོངས་པའི་ཚིག་ཅེས་བྱ་བ་ནི་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ཞེས་བྱ་བ་ད་ལྟར་འདི་ལས་དེ་བཞིན་གཤེགས་པ་རྟག་པ། བརྟན་པ། ཞི་བ། ཐེར་ཟུག་པ།
D222.063.0088a03.01ཡོངས་སུ་མྱ་ངན་ལས་འདས་ཀྱང་ཉམས་པར་མི་འགྱུར་བ་ཞེས་བྱ་བ་སྟེ། མདོ་འདི་ནི་དགོངས་པའི་ཚིག་ཅེས་བྱའོ། །འོད་སྲུང་མི་འཐུན་པའི་མདོ་དག་པ་འོད་གསལ་བ་འདི་ནི་སེམས་ཅན་དམན་པ་རྣམས་ཀྱིས་རྒྱུ་དང་གཏན་ཚིགས་བརྒྱ་སྟོང་གིས་རིག་པར་བྱ་དགོས་སོ། །འོད་
D222.063.0088a04.01སྲུང་དེ་ལྟ་བས་ན་ཡང་ཁྱོད་ཀྱིས་རེ་ཞིག་འཁོར་འདི་རྟོགས་ཤིག །དེ་ནས་དེའི་ཚེ་གནས་བརྟན་འོད་སྲུང་ཆེན་པོས་སེམས་ཅན་ལྷགས་པ་འདི་དག་ཅི་འདྲ་བ་ཞིག་ཡིན་པར་བལྟས་སོ། །དེ་ནས་སྐད་ཅིག་དེ་ཉིད་ལ་རྒྱ་ཆེན་པོ་མ་ཡིན་པའི་སེམས་ཅན་རྣམས་དང་། ཉན་ཐོས་དང་།
D222.063.0088a05.01རང་སངས་རྒྱས་ཀྱི་ཐེག་པ་ཅན་རྣམས་དང་། བྱང་ཆུབ་སེམས་དཔའ་ཐེག་པ་ལ་གསར་དུ་ཞུགས་པ་གང་ཡིན་པ་དེ་དག་ཐམས་ཅད་རང་རང་ལ་སྨོད་པར་བྱེད་དེ། དཔེར་ན་གྱད་ཀྱི་ཚོགས་ཆེན་པོར་རྒྱལ་པོའི་གྱད་སྟོང་ཐུབ་པ་ཞིག་སྟན་ལས་ལངས་ཏེ། འདི་ན་ཁོ་བོ་དང་ལྷན་ཅིག་འགྱེད་པར་
D222.063.0088a06.01འོས་པའི་རྒོལ་ཕོད་པ་གང་ཡིན་པ་དེ་སུ་ཡོད་ཅེས་དྲིལ་བསྒྲགས་པ་དང་། དེ་ནས་དེ་ན་རྒོལ་བར་མ་འོས་པའི་སེམས་ཅན་གང་ཡིན་པ་དེ་དག་ཐམས་ཅད་ནི་བདག་ཅག་གསོད་པར་འགྱུར་གྱིས་འདི་དང་ལྷན་ཅིག་བདག་ཅག་འགྱེད་པར་མི་ནུས་སོ་ཞེས་རང་གིས་རང་ལ་སྨད་ནས་ཅང་མི་སྨྲ་བར་
D222.063.0088a07.01