完整藏文原文 · 德格版页 当前仅加载第 63 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཏན་ལ་བརྟེན་པ་དག་སྟེ། ཡོན་ཏན་ལྷག་མ་ནི་བསམ་གྱིས་མི་ཁྱབ་བོ། །འོད་སྲུང་དེ་ལྟ་བས་ན་ཁྱོད་ཀྱིས་ལན་གཉིས་ལན་གསུམ་དུ་ཡང་འཁོར་སོལ་ཅིག །དེ་ནས་གནས་བརྟན་འོད་སྲུང་ཆེན་པོས་ལན་གཉིས་ལན་གསུམ་གྱི་བར་དུ་ཡང་བལྟས་ཤིང་བརྟགས་ཏེ་བསལ་
D222.063.0090a01.01ན་སྦུན་པ་ལྟ་བུའི་སྐྱེས་བུ་ལྷག་མའི་འཁོར་དག་ཡོད་པར་འགྱུར་རོ། །ཡང་ལན་གསུམ་གྱི་བར་དུ་བསལ་བས་བསལ་བ་ན་སྐྱེས་བུ་སྦུན་པ་ལྟ་བུ་མ་ཡིན་པ་ཤ་སྟག་ཏུ་གྱུར་ཏོ། །དེ་ནས་བཅོམ་ལྡན་འདས་ཀྱིས་ཡང་གནས་བརྟན་འོད་སྲུང་ཆེན་པོ་ལ་བཀའ་སྩལ་པ། འོད་སྲུང་ད་འཁོར་འདི་དག་
D222.063.0090a02.01དག་པ་སྙིང་པོར་གྱུར་པ་ཡིན་མོད། ཡང་བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་འཁོར་འདི་ལེགས་པར་སྦྱངས་པ་ལེགས་སོ་ལེགས་སོ། །གསོལ་པ། བཅོམ་ལྡན་འདས་ཇི་ལྟར་འཁོར་ཡོངས་སུ་སྦྱངས་པ་ལགས། སྟོན་ཀའི་ཟླ་བ་ཉ་བ་ལ་རྣམ་པར་དག་པ་བཞིན་ནོ། །
D222.063.0090a03.01འོད་སྲུང་འདི་ལྟ་སྟེ་དཔེར་ན། རྩིས་མཁན་ནམ། རྩིས་མཁན་གྱི་སློབ་མས། སྔོན་གྱི་སྡོམ་པས་བསྡམས་པ་ལ་འགོད་པའི་ཆས་ཕྲིན་ལྷག་མ་གང་ཡིན་པ་དེ་འདུག་པ་ཇི་ལྟ་བ་དེ་བཞིན་དུ་འཁོར་ལྷགས་པ་གང་ཡིན་པ་འདི་དག་ཐམས་ཅད་ཅེས་བྱ་བ་ནས་གྲངས་མེད་པ་དཔག་ཏུ་མེད་པ་ཞེས་
D222.063.0090a04.01བྱ་བའི་བར་སྔ་མ་བཞིན་ནོ། །འོད་སྲུང་དེ་དག་ལས་བྱེ་བ་བརྒྱ་སྟོང་གི་ཆའི་ཆ་གང་དག་ཡིན་པ་ནི་མི་མཆོག་བག་ཚ་བ་མེད་པའི་འཁོར་འདུག་པ་འདི་དག་ཡིན་གྱིས་འོད་སྲུང་ད་ཡང་ཁྱོད་ཀྱིས་འཁོར་རྣམས་ལ་གྲོགས་པོ་དག་ཅི་ཁྱེད་ཅག་རྔ་བོ་ཆེ་ཆེན་པོ་ཞེས་བྱ་བའི་མདོ་ཆེན་པོ་ཡངས་པ་ཐེག་པ་
D222.063.0090a05.01གཅིག་པ་འདི་ལྟ་སྟེ། ཐེག་པ་ཆེན་པོ་དད་པར་དཀའ་བ། ཡིད་ཆེས་པར་དཀའ་བ་འདི་མཉན་པར་ནུས་སམ་ཞེས་དྲིས་ཤིག །འོད་སྲུང་དེ་བཞིན་དུ་ཁྱོད་ཀྱིས་ལན་གཉིས་ལན་གསུམ་དུ་ཡང་འཁོར་རྣམས་ལ་དྲིས་ཤིག །བཅོམ་ལྡན་འདས་ལེགས་སོ་ཞེས་གསོལ་ནས།
D222.063.0090a06.01དེ་ནས་གནས་བརྟན་འོད་སྲུང་ཆེན་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་སྤྱི་བོས་ཕྱག་འཚལ་ནས་ལངས་ཏེ་ལན་གསུམ་དུ་བསྐོར་བ་བྱས་ནས་འཁོར་མང་པོ་དེ་ལ་སྨྲས་པ། ཤེས་ལྡན་དག་
D222.063.0090a07.01