完整藏文原文 · 德格版页 当前仅加载第 63 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དེ་ལྟར་ཆོས་མངོན་དུ་ཡང་དག་པར་སྤྱད་པས་དགེ་བའི་མཚན་ཉིད་ཐམས་ཅད་ཀུན་དུ་སྐྱེ་བར་འགྱུར་བ་སྟེ། དེ་ལྟར་ཆོས་མངོན་དུ་ཡང་དག་པར་སྤྱོད་པ་གང་ལགས་པ་དེ་ལྟ་བུའི་སེམས་ཅན་དེ་དག་ནི་ཆོས་ལགས་སོ། །སེམས་ཅན་རྣམས་འཁོར་བར་སྐྱེས་ནས་བསོད་
D222.063.0095a01.01ནམས་མ་ལགས་པ། སྡིག་པའི་ལས་རྣམ་པ་སྣ་ཚོགས་ཀུན་དུ་སྤྱོད་ཅིང་ཆོས་མ་ལགས་པ་ཀུན་སྤྱོད་པ། དེ་ཁོ་ན་ལ་སྡིག་པ་མི་དགེ་བའི་མཚན་ཉིད་དེ་དག་ཐམས་ཅད་སྐྱེ་བར་འགྱུར་ཏེ། དེ་ལྟར་ཆོས་མ་ལགས་པ་ཀུན་དུ་སྤྱོད་པ་གང་ལགས་པ་དེ་ལྟ་བུའི་སེམས་ཅན་དེ་ནི་ཆོས་མ་
D222.063.0095a02.01ལགས་པ་ལགས་སོ། །དེ་ལ་སེམས་ཅན་ཞེས་བགྱི་བ་ནི་ནང་གི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཏེ། ཁམས་བཞིས་ཡང་དག་པར་བསྡུས་ཤིང་བཏགས་པ་དང་། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་
D222.063.0095a03.01ཀྱི་སྐྱེ་མཆེད་དྲུག་དང་། དབང་པོ་ལྔ་དང་། ཚོར་བ་དང་། འདུ་ཤེས་དང་། སེམས་པ་དང་། སེམས་དང་། ཡིད་ཀྱི་རྣམ་པར་ཤེས་པ་སྟེ། དེ་ལྟར་སྲིད་པའི་ཡན་ལག་བཅུ་གསུམ་གྱི་བར་ནི་ཆོས་ཐམས་ཅད་ཅེས་བགྱི་བ་ལགས་སོ། །བཀའ་སྩལ་པ། འོད་སྲུང་དེ་དག་
D222.063.0095a04.01ཁོ་ན་ལ་སེམས་ཅན་གྱི་ཆོས་ཞེས་བྱ་ན། དེ་ལ་སེམས་ཅན་ཞེས་བྱ་བའི་ཆོས་གང་ཡིན་ཞེ་ན། གསོལ་པ། དེ་ལ་སེམས་ཅན་ཞེས་བགྱི་བར་བཏགས་པའི་ཆོས་འགའ་ཡང་མ་མཆིས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་དཔེར་ན་ཀོ་ས་ལའི་རྒྱལ་པོ་གསལ་རྒྱལ་
D222.063.0095a05.01གྱི་རྔ་བོ་ཆེ་ཞེས་བགྱི་བ་གང་ལགས་པ་དེའི་རྔ་བོ་ཆེ་ཞེས་བགྱི་བ་དེ་གང་ལགས། བཀའ་སྩལ་པ། འོད་སྲུང་རྔ་བོ་ཆེ་གང་ཡིན་པ་དེ་ཉིད་རྔ་བོ་ཆེ་ཡིན་པར་ཤེས་པར་བྱ་སྟེ། རྔ་བོ་ཆེ་ཞེས་བྱ་བ་ནི་པགས་པ་དང་། དབྱིག་གུ་དང་། ཤིང་ལེབ་དང་། ཆོས་འདི་གསུམ་ཚོགས་པ་གང་ཡིན་
D222.063.0095a06.01པའི་ཆོས་དེ་དག་ལ་རྔ་བོ་ཆེ་ཞེས་བྱའོ། །གསོལ་པ། དེ་ལ་བརྡུང་བའི་མི་ལ་རྔ་བོ་ཆེ་ཞེས་བགྱི་བ་ལགས་སམ། བཀའ་སྩལ་པ། མི་མེད་པར་ཡང་རྔ་བོ་ཆེ་རླུང་གིས་བསྐྱོད་པ་ན་སྒྲ་འབྱུང་ངོ་། །གསོལ་པ། བཅོམ་ལྡན་འདས་ཅི་ལགས། རྔ་བོ་ཆེ་ཞེས་བགྱི་བ་ཆོས་སམ། འོན་
D222.063.0095a07.01