完整藏文原文 · 德格版页 当前仅加载第 63 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
དོག་དང་གཟུགས་འཆང་བ་དག་ཀྱང་འདུག །དགེ་བསྙེན་མ་ཡིན་པ་དགེ་བསྙེན་གྱི་གཟུགས་འཆང་བ་དག་དང་ཁ་དོག་སྣ་ཚོགས་པའི་གཟུགས་འཆང་བ་དག་དང་། ཁ་ལོགས་ཤིག་ཏུ་ཕྱོགས་པ་དང་། སྙན་དངགས་མཁན་དང་། མགྲིན་པ་སྟ་རི་ལྟ་བུ་དང་། དུད་འགྲོ་དང་། ཁ་
D222.063.0117b01.01གྱེན་དུ་ལྟ་བ་དང་། ཁ་ཐུར་དུ་ལྟ་བ་དག་འཁོད་དེ། དེ་དག་ཐམས་ཅད་ནི་བདུད་ཀྱིས་བྱིན་གྱིས་བརླབས་པ་ཡིན་ནོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཁོར་འདི་ནི་ཤིན་ཏེ་མ་མ་ལགས་པ་སྦུན་པ་དང་བྲལ་
D222.063.0117b02.01བ། ཕུབ་མ་མཆིས་པ། ཙན་དན་གྱི་སྙིང་པོ་ལྟ་བུ་སྲ་བ་བརྟན་པར་གནས་པ་ལགས་ན་འཁོར་འདི་ལྟ་བུའི་ནང་དུ་འདི་དག་ཅིའི་སླད་དུ་ཞུགས་ལགས་བཀའ་སྩལ་པ། ཀུན་དགའ་བོ་ཁྱོད་གནས་བརྟན་འོད་སྲུང་ལ་དྲིས་ཤིག །ཀུན་དགའ་བོས་ལེགས་སོ་བཀའ་བཞིན་
D222.063.0117b03.01འཚལ་ཞེས་མཉན་ནས་གནས་བརྟན་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་འདི་དག་འཁོར་གྱི་ནང་དུ་ཇི་ལྟར་ཞུགས། འོད་སྲུང་གིས་སྨྲས་པ། ཀུན་དགའ་བོ་འདི་དག་ནི་སྐྱེས་བུ་བླུན་པོ་བདུད་ཀྱི་འཁོར་ཏེ་བདུད་དང་ལྷན་ཅིག་ལྷགས་པ་ཡིན་ནོ། །ཀུན་དགའ་
D222.063.0117b04.01བོ་བདག་ནི་རྒྱུ་འདིས་འདི་སྐད་ཅེས་བཅོམ་ལྡན་འདས་བདག་ནི་ཞིང་སྲུང་བ་ཐབས་མཁས་པ་བཞིན་དུ་དེ་བཞིན་གཤེགས་པ་འདས་ནས་དམ་པའི་ཆོས་བསྲུང་བའི་རྔོ་མི་ཐོགས་ལགས་སོ་ཞེས་གསོལ་ནས་དོན་དེའི་ཕྱིར་བདག་གིས་དེའི་ཚེ་ས་ཆེན་པོ་འདི་ཁུར་དུ་ཐོགས་པ་ནི་མི་མངོ་ལགས་སོ་ཞེས་
D222.063.0117b05.01ཀྱང་གསོལ་ཏོ། །དེའི་ཚེ་བཅོམ་ལྡན་འདས་ཀྱིས་བདག་ལ་བཀའ་སྩལ་པ། འོད་སྲུང་ཁྱོད་ཀྱིས་ང་འདས་ནས་ཇི་སྲིད་བསྟན་པ་ཉམས་པར་མ་གྱུར་པ་དེ་སྲིད་དུ་འཇིག་རྟེན་དུ་དམ་པའི་ཆོས་འབྱིན་པར་ནུས་སོ་ཞེས་བདག་ལ་བཅོམ་ལྡན་འདས་ཀྱིས་སྤྲོ་བ་བསྐྱེད་དོ། །དེའི་ཚེ་
D222.063.0117b06.01བདག་གིས་བཅོམ་ལྡན་འདས་རེ་ཞིག་བདག་གིས་དགུང་ལོ་བཞི་བཅུ་ཞིག་དམ་པའི་ཆོས་དབྱུང་བར་བགྱིའོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་བདག་ལ་བཀའ་སྩལ་པ། རེ་ཞིག་དེའི་བར་དུ་ཡང་ཁྱོད་སྙོམ་ལས་སྐྱེད་དམ་ཅི། ཇི་སྲིད་བསྟན་པ་མ་ཉམས་
D222.063.0117b07.01