完整藏文原文 · 德格版页 当前仅加载第 63 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་རྔ་བོ་ཆེ་ཆེན་པོ་ཞེས་བྱ་བའི་མདོ་ཉན་པའི་འོས་ཡིན་ནམ། དེ་བཞིན་གཤེགས་པའི་ཐེག་པ་ཆེན་པོ་གཅིག་པ་འདི་ལྟ་སྟེ། ཐེག་པ་ཆེན་པོ་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡུལ་ལས་འདས་པ་དེ་ཁྱོད་ལ་སྟོན་པར་འགྱུར་རོ། །དེ་བཞིན་དུ་གནས་བརྟན་འོད་སྲུང་ཆེན་
D222.063.0090b01.01པོས་ལན་གཉིས་ལན་གསུམ་དུ་ཡང་སྐུལ་བ་བསྐུལ་བ་དང་། དེ་རྣམས་ཀྱིས་སྨྲས་པ། བཙུན་པ་འོད་སྲུང་བདག་ཅག་དམ་པའི་ཆོས་མཉན་པའི་ཆེད་དུ་མཆིས་ལགས་པས་ཉན་པར་འཚལ་གྱིས། བཙུན་པ་འོད་སྲུང་དེ་བཞིན་གཤེགས་པས་བདག་ཅག་ལ་ཐུགས་བརྩེ་བས་ཉེ་
D222.063.0090b02.01བར་བཟུང་སྟེ། མདོ་ཆེན་པོ་དེ་ལེགས་པར་བསྒྲགས་པ་མཛད་དུ་གསོལ། འོད་སྲུང་ཆེན་པོས་སྨྲས་པ། ཇི་ལྟར་ཡིད་ཆེས་པར་འགྱུར། དེ་དག་གིས་སྨྲས་པ། བཙུན་པ་འོད་སྲུང་དཔེར་ན་སྐྱེས་བུ་བཙས་ནས་ལོ་ཉི་ཤུ་ལོན་པ་ཞིག་ལ་བུ་ལོ་བརྒྱ་ལོན་པ་དག་ཡོད་དོ་ཞེས་
D222.063.0090b03.01སྨྲས་པ་ལ་གལ་ཏེ་དེ་བཞིན་གཤེགས་པ་དེ་ཁོ་ན་བཞིན་དུ་གསུང་ན། བདག་ཅག་གིས་ཀྱང་དེ་བཞིན་དུ་ཡིད་ཆེས་པར་བགྱི་ལགས་ན་བཙུན་པ་འོད་སྲུང་དམ་པའི་ཆོས་མཉན་པ་ལྟ་སྨོས་ཀྱང་ཅི་འཚལ། དེ་ཅིའི་སླད་དུ་ཞེ་ན། དེ་བཞིན་གཤེགས་པ་ནི་ཅི་གསུང་བ་དེ་བཞིན་དུ་མཛད་
D222.063.0090b04.01པ། དེ་བཞིན་གཤེགས་པ་ནི་ཀུན་ནས་སྤྱན་མངའ་བ། དེ་བཞིན་གཤེགས་པ་ནི་སངས་རྒྱས་ཀྱི་སྤྱན་གྱིས་གཟིགས་པ་ཡིན་ནོ། །བཙུན་པ་འོད་སྲུང་གཞན་ཡང་བདག་ཅག་ནི་དེ་བཞིན་གཤེགས་པས་མཁྱེན་ཏོ། །སྨྲས་པ། ཤེས་ལྡན་དག་ཁྱེད་ཅག་ནི་རྔ་བོ་ཆེ་ཆེན་པོའི་མདོ་ཆེན་
D222.063.0090b05.01པོ་མཉན་པ་དང་། བཀླག་པ་དང་། གཟུང་བ་དང་། བསྟན་པའི་འོས་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་འདི་ནི་ཇི་ལྟར་སྐྱེས་བུ་བཙས་ནས་ལོ་ཉི་ཤུ་ལོན་པའི་བུ་ལོ་བརྒྱ་ལོན་པ་དག་ལྟར་རྔ་བོ་ཆེ་ཆེན་པོའི་མདོ་འདི་ཡང་དེ་དང་འདྲའོ། །དེ་ཅིའི་ཕྱིར་ཞེ་ན། དེ་
D222.063.0090b06.01བཞིན་གཤེགས་པ་ཡོངས་སུ་མྱ་ངན་ལས་འདས་བཞིན་དུ་ད་དུང་དུ་གནས་སོ་ཞེས་བྱ་བ་དང་། བདག་ཡོད་པ་མ་ཡིན་ཞིང་བདག་གི་ཡོད་པ་མ་ཡིན་པ་དག་ལ་ཡང་བདག་ཅེས་བྱ་བས་སོ། །དེ་དག་གིས་གསོལ་པ། དེ་ནི་བཅོམ་ལྡན་འདས་ཁོ་ནས་མཁྱེན་པས་བཅོམ་ལྡན་འདས་ཀྱིས་ཇི་སྐད་
D222.063.0090b07.01