完整藏文原文 · 德格版页 当前仅加载第 63 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ཉུང་ཟད་ཅིག་གིས་ཐེག་པ་ཆེན་པོ་ལ་ལྷག་པའི་བསམ་པ་ཕུན་སུམ་ཚོགས་ཏེ་གཅིག་པུ་ཟླ་མེད་པར་ལྷ་དང་མི་དང་། ལྷ་མ་ཡིན་རྣམས་ཀྱི་ནང་དུ་ཐེག་པ་ཆེན་པོའི་མདོ་འདི་འཛིན་པར་འགྱུར་རོ། །དེ་ལྟ་བས་ན་ཐར་པའི་རྒྱུ་བསྟན་པ་དེ་ཉིད་དེའི་སངས་རྒྱས་ཉིད་དུ་ལུང་བསྟན་པ་དང་། ཐེག་པ་ཆེན་པོ་
D222.063.0126b01.01རྣམ་པར་གཏན་ལ་འབེབས་པའི་དགེ་སློང་དུ་ལུང་བསྟན་པ་ཡིན་ནོ། །དེ་ནི་དེ་ཉིད་ཀྱི་སློབ་མར་གྱུར་ནས་དེ་ཉིད་ཀྱི་མིང་འཛིན་པར་འགྱུར་རོ། །དེ་ནས་དེ་ལྟ་བུ་དག་བྱུང་ནས་ལོ་ལྔ་ལོན་པ་དང་། དེའི་འོག་ཏུ་ཕན་པ་སྟོན་པའི་དགེ་བའི་མིག་ཉམ་ཆུང་བར་འགྱུར་རོ། །དེ་རྣམས་དུས་བདུན་གྱི་བར་དུ་
D222.063.0126b02.01གྱུར་ནས་བར་སྐབས་དེར་བྱང་ཆུབ་སེམས་དཔའ་དམ་པ་དེ་དག་མ་གཏོགས་པར་སྐྱེས་པའམ། བུད་མེད་ཀྱང་རུང་སེམས་ཅན་ཕལ་པ་འགའ་ཡང་མེད་དོ། །དེ་ནས་འཁོར་དེ་ཐམས་ཅད་ཀྱིས་མགྲིན་གཅིག་ཏུ་ཡང་ཚིགས་སུ་བཅད་པ་འདི་དག་སྨྲས་སོ། །ཀྱེ་མ་འཇིག་རྟེན་ཀུན་མཐོང་དགའ། །བརྟན་པོ་དགེ་
D222.063.0126b03.01སློང་གཟུགས་གྱུར་ནས། །རིང་ཞིག་བསྟན་པ་འབྱིན་བྱེད་ཅིང་། །ཆོས་ཀྱི་རྔ་ཆེན་རྡུང་བར་འགྱུར། །དེ་ནི་མྱ་ངན་ཡོངས་འདས་ནས། །དེ་འོག་འཇིག་རྟེན་སྟོངས་པར་འགྱུར། །ཆོས་སྨྲ་དེ་ནི་འདས་གྱུར་ནས། །དེ་འདྲ་གཞན་ནི་འགའ་མི་འབྱུང་། །དེ་འདྲའི་དགེ་སློང་རྙེད་དཀའ་སྟེ། །རིམ་གྱིས་སྣང་བ་ཉམས་པར་འགྱུར། །
D222.063.0126b04.01འདི་ལྟར་དེ་ནི་ལྷོ་ཕྱོགས་སུ། །འབྱུང་བའི་ཐ་མ་གཅིག་ཡིན་ནོ། །དམ་པའི་ཆོས་དེ་ནུབ་པའི་དུས་སུ་ཆོས་སྨྲ་བ་དེ་འབྱུང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། འོད་སྲུང་དང་དགའ་བོ་དང་། བཟང་སྐྱོང་ལ་སོགས་པ་འཁོར་མང་པོ་དེ་དག་ཐམས་ཅད་དང་། ཕྱོགས་
D222.063.0126b05.01བཅུའི་འཇིག་རྟེན་གྱི་ཁམས་ནས་འདུས་པའི་བྱང་ཆུབ་སེམས་དཔའ་དེ་དག་ཐམས་ཅད་ཡི་རངས་ཏེ། དེ་དག་བྱང་ཆུབ་ཐོབ་པར་བྱ་བའི་ཕྱིར། དེ་བཞིན་གཤེགས་པ་རྟག་པ་ཉིད་ཀྱི་ཆོས་འདོམ་པར་གྱུར་ཏོ། །འཕགས་པ་ཐེག་པ་ཆེན་པོའི་མདོ་རྔ་བོ་ཆེ་ཆེན་པོ་ཞེས་བྱ་བའི་ལེའུ་
D222.063.0126b06.01རྫོགས་སོ།། །།རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་བ་དང་། ལོ་ཙཱ་བ་བན་དེ་དཔལ་གྱི་ལྷུན་པོས་བསྒྱུར། ཞུ་ཆེན་གྱི་ལོ་ཙ་བ་བན་དེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།། །།
D222.063.0126b07.01