完整藏文原文 · 德格版页 当前仅加载第 63 函德格 96a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་རྟག་ཏུ་རེག་པར་འགྱུར་རོ། །དེ་ལ་ཚོར་བ་བདེ་བ་ཞེས་བྱ་བ་ནི་ལྷ་དང་མི་རྣམས་ཀྱི་འདོད་པའི་ཡོན་ཏན་ལྔ་ཡིན་ནོ། །ཚོར་བ་སྡུག་བསྔལ་བ་ཞེས་བྱ་བ་ནི་སེམས་ཅན་དམྱལ་བ་པ་དང་། དུད་འགྲོའི་སྐྱེ་གནས་པ་དང་། {ཡི་དགས་,ཡི་དྭགས་}ཀྱི་འཇིག་རྟེན་གྱི་ཡིན་ནོ། །ཚོར་བ་བདེ་བ་ཡང་
D222.063.0096a01.01མ་ཡིན། སྡུག་བསྔལ་བ་ཡང་མ་ཡིན་པ་ནི་ཇི་ལྟར་འབྲུམ་བུ་ཕྲ་མོ་དང་། ཤུ་བ་ཡིན་ཏེ་དེ་ལ་འབྲུམ་བུ་ཕྲ་མོ་དང་། ཤུ་བས་ཉོན་མོངས་པའི་སེམས་ཅན་རྣམས་ནི་ལུང་དུ་མ་བསྟན་པ་ཡིན་ནམ། འོད་སྲུང་གིས་གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། ཅིའི་
D222.063.0096a02.01ཕྱིར། གསོལ་པ། བདེ་བ་ལས་སྡུག་བསྔལ་འབྱུང་ཞིང་སྡུག་བསྔལ་ལས་ཀྱང་སྡུག་བསྔལ་འབྱུང་བས་འདི་གཉིས་ཀ་ལུང་དུ་མ་བསྟན་པ་ལགས་སོ། །བཀའ་སྩལ་པ། ཅི་ཁ་ཟས་ལས་ནད་འབྱུང་ངམ། གསོལ་པ། གང་གི་ཚེ་འཚལ་བ་དེའི་ཚེ་བདེ་བ་ཞེས་བགྱི་བ་ལགས་
D222.063.0096a03.01སོ། །གང་གི་ཚེ་ནད་དུ་གྱུར་པ་དེའི་ཚེ་སྡུག་བསྔལ་ཞེས་བགྱི་བ་ལགས་ཏེ། དེ་ལ་ཤུ་བ་གང་ལགས་པ་དེ་ནི་ལུང་དུ་མ་བསྟན་པ་ཞེས་བགྱི་ལགས་སོ། །བཀའ་སྩལ་པ། གལ་ཏེ་དེ་ལྟ་བས་ན་བདེ་བ་དང་སྡུག་བསྔལ་བ་ཡང་ལུང་དུ་མ་བསྟན་པ་ཞེས་བྱ་ལ་ཕ་དང་མ་དང་བུ་ཡང་ལུང་དུ་མ་བསྟན་
D222.063.0096a04.01པར་འགྱུར་རོ། །གསོལ་པ། དེ་ནི་མ་ལགས་སོ། །བཀའ་སྩལ་པ། འོ་ན་ཇི་ལྟ་བུ་ཡིན། གསོལ་པ། ཇི་ལྟར་འདུ་ཤེས་མེད་འདུ་ཤེས་མེད་མིན་ལ་སོགས་པའི་ལྷ་ཐེར་ཟུག་གི་གཞི་ཞེས་མི་བགྱི་བ་ལྟ་བུའི་ཆོས་དགེ་བ་འདི་ཡང་དེ་དང་འདྲ་ལགས་སོ། །བཀའ་སྩལ་པ། འོད་
D222.063.0096a05.01སྲུང་ཁྱོད་ཀྱིས་ཚོར་བ་དང་། འདུ་ཤེས་ལ་སེམས་ཅན་ནོ་ཞེས་སྨྲས་པ། དེས་ན་འདུ་ཤེས་མེད་འདུ་ཤེས་མེད་མིན་ལ་སོགས་པའི་ལྷ་དག་སེམས་ཅན་མ་ཡིན་པར་འགྱུར་རོ། །གསོལ་པ། བཅོམ་ལྡན་འདས་དེ་རྣམས་ལ་ཡང་འདུ་བྱེད་ཀྱི་ངོ་བོ་མཆིས་ལགས་སོ། །བཀའ་སྩལ་
D222.063.0096a06.01པ། འོ་ན་ཚོར་བ་དང་འདུ་ཤེས་མ་གཏོགས་པའི་ཆོས་འདི་དག་ལ་སེམས་ཅན་ཞེའམ། འོན་ཏེ་ཁ་ཅིག་དེ་ལྟ་བུའི་སེམས་ཅན་དག་ཡོད་དོ་ཞེས་ཟེར་ན། དེས་ན་འདི་ལྟར་སེམས་ཅན་མ་ཡིན་པའི་ཆོས་དང་ལྡན་པ་དག་སེམས་ཅན་དུ་འགྱུར་རོ། །ཅིའི་སླད་དུ། སེམས་ཅན་གཟུགས་
D222.063.0096a07.01