完整藏文原文 · 德格版页 当前仅加载第 63 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པ་དེ་བཞིན་དུ་གཟུང་བར་བགྱི་ལགས་སོ། །འོད་སྲུང་གིས་གསོལ་པ། བཅོམ་ལྡན་འདས་དེ་བཞིན་གཤེགས་པས་ད་ནི་རྔ་བོ་ཆེ་ཆེན་པོའི་མདོ་ཆེན་པོ་བཤད་དུ་གསོལ། བཅོམ་ལྡན་འདས་ཀྱིས་ཆོས་ཀྱི་རྔ་བོ་ཆེ་བརྡུང་དུ་གསོལ། བཅོམ་ལྡན་འདས་ཀྱིས་
D222.063.0091a01.01ཆོས་ཀྱི་དུང་བུད་དུ་གསོལ། བཀའ་སྩལ་པ། འོད་སྲུང་ལེགས་སོ་ལེགས་སོ། །འོད་སྲུང་ད་ནི་ཁྱོད་རྔ་བོ་ཆེ་ཆེན་པོའི་མདོ་ཆེན་པོ་འདི་ཉོན་ཅིག །གསོལ་པ། བཅོམ་ལྡན་འདས་བདག་ཅག་གིས་མཉན་པར་བགྱི་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་གལ་ཏེ་བདག་གི་སྤྱོད་
D222.063.0091a02.01ཡུལ་དུ་མ་གྱུར་ཀྱང་དེ་བཞིན་གཤེགས་པས་བདག་རྔ་བོ་ཆེ་ཆེན་པོའི་སླད་དུ་བདག་ལ་གུས་པར་མཛད་ལགས་པས་སོ། །ཡང་གསོལ་པ། ཇི་ལྟར་ལགས་ཞེ་ན་བཅོམ་ལྡན་འདས་ཀྱིས་བདག་ལ་འདི་སྐད་ཅེས་འོད་སྲུང་ཁྱོད་ང་དང་ལྷན་ཅིག་འདུག་གིས་ཚུར་ཤོག་ཅེས་གསུངས་ཏེ།
D222.063.0091a03.01བཅོམ་ལྡན་འདས་བདག་ནི་དོན་དེའི་སླད་དུ་བགྱིས་པ་གཟོ་བར་བགྱིས་པ་ཚོར་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་ལེགས་སོ་ལེགས་སོ། །ངས་ཀྱང་དོན་འདིའི་ཕྱིར་གསུངས་སོ། །འོད་སྲུང་དཔེར་ན་རྒྱལ་པོ་གསལ་རྒྱལ་གྱིས་གླང་པོ་ཆེ་དང་།
D222.063.0091a04.01རྟ་དང་། དམག་མི་རྣམས་ཁ་ཟས་དང་། བཟའ་བ་དང་། བཏུང་བ་དང་། བལྡག་པ་ལ་སོགས་པས་གསོར་འཇུག་གོ། །དེ་ཅིའི་ཕྱིར་ཞེ་ན། གང་གི་ཚེ་བདག་རྔ་བོ་ཆེ་དང་། རྫ་རྔ་དང་། དུང་གི་སྒྲ་ཤིན་ཏུ་ཆེན་པོ་འབྱིན་པ་དང་། གདུགས་དང་། རྒྱལ་མཚན་དང་། བ་
D222.063.0091a05.01དན་དག་བསྒྲེང་བ་དང་། གང་གི་ཚེ་ཕ་རོལ་གྱི་དཔུང་གི་ཚོགས་ཆེན་པོ་ཉེ་བར་གནས་པར་གྱུར་པ་དེའི་ཚེ། བདག་གིས་གསོར་བཅུག་པའི་ཕན་ཡོན་རྗེས་སུ་དྲན་ནས་ཕ་རོལ་གྱི་དམག་ཚོགས་དང་ལྷན་ཅིག་གཡུལ་འགྱེད་པར་འགྱུར་ཞིང་དེའི་ཚེ་སེམས་ཅན་རྣམས་ལ་ཡང་ཕན་པ་
D222.063.0091a06.01བྱེད་པར་འགྱུར། བདག་གི་བཀའ་ལ་ཡང་ཕན་པ་བྱེད་པར་འགྱུར་རོ་སྙམ་སྟེ། དེ་དག་ཀྱང་དེ་བཞིན་དུ་འགྱུར་རོ། །འོད་སྲུང་དེ་བཞིན་དུ་ང་ཡོངས་སུ་མྱ་ངན་ལས་འདས་ན་ཡང་ཁྱོད་ཀྱིས་རྔ་བོ་ཆེ་ཆེན་པོའི་མདོ་འདི་འབྱིན་པར་འགྱུར་རོ་ཞེས་ངས་ཁྱོད་ལ་སྟན་གྱི་ཕྱེད་
D222.063.0091a07.01