完整藏文原文 · 德格版页 当前仅加载第 63 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
རུང་བའི་སེམས་གཅིག་ཙམ་སྐྱེད་པར་སེམས་པ་དེས་བསགས་པའི་བསོད་ནམས་གང་ཡིན་པའི་བསོད་ནམས་དེ་ལ་ནི་ངས་བྱས་པའི་བསོད་ནམས་གོང་མ་དེ་ཐམས་ཅད་ཀྱིས་དཔེའི་དཔེར་ཡང་མི་ཕོད་དོ། །དཔེར་ན་རིག་པའི་རྒྱལ་པོ་བྲམ་ཟེ་གཟི་ལྡན་ཞེས་བྱ་བ་ཞིག་ཡོད་
D222.063.0126a01.01དེ། རིག་པ་དེ་ལན་གཅིག་བཀླགས་ན་ཟླ་བ་བཞིར་སྡང་བ་ཐམས་ཅད་ལས་བསྲུང་བ་བྱས་པར་འགྱུར་རོ། །འོད་སྲུང་ལྟོས། རེ་ཞིག་རིག་པ་ཕལ་པ་དེའི་མཐུ་ཡང་འདི་ཡིན་ན། མདོ་འདི་ལན་ཅིག་བཀླགས་ཏེ་ཚེ་མཐར་ཐུག་གི་བར་དུ་བགེགས་མེད་པར་བསྲུང་བ་ཐམས་ཅད་བྱས་པར་
D222.063.0126a02.01ཅིའི་ཕྱིར་མི་འགྱུར། དེ་ལྟ་བས་ན་གང་སུ་ཡང་རུང་བ་དག་གིས་མདོ་འདི་ལ་མཆོད་པ་བྱས་པར་གྱུར་ན། དེ་ནི་སེམས་ཅན་དེ་དག་ཐམས་ཅད་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུར་འགྱུར་ཞིང་འདི་ནས་བཟུང་སྟེ་བྱང་ཆུབ་ལ་ཐུག་པའི་བར་དུ་མདོ་འདི་རྙེད་པར་འགྱུར་རོ། །དེ་ནས་
D222.063.0126a03.01འཁོར་ཐམས་ཅད་ཀྱིས་ལེགས་སོ་ཞེས་བྱ་བ་གསོལ་ཏེ། དབྱངས་ཀྱིས་མགྲིན་འཐུན་པར་ཚིག་གསོལ་པ། ཀྱེ་མའོ་བཅོམ་ལྡན་འདས་གཞོན་ནུ་འདི་ཁྱོད་ཀྱི་མཚན་འཆང་བའི་དགེ་སློང་དུ་གྱུར་ནས་གང་གི་ཚེ་དུས་ལས་འདས་པར་གྱུར་པ་དེའི་ཚེ། གཡང་གཞི་ཅན་གྱི་ཕུག་ན་གནས་པའི་ལྷ་
D222.063.0126a04.01མགོན་མ་མཆིས་པར་འགྱུར་རོ། །དེ་ཅིའི་སླད་དུ་ཞེ་ན། འདི་ལྟར་འདི་ནི་ཁྱོད་འདས་ནས་ལྷོ་ཕྱོགས་སུ་མཆིས་ཏེ་དུས་བགྱིད་པར་འགྱུར་ལགས་སོ། །བཀའ་སྩལ་པ། དེ་མི་འོང་ན་ང་ཉིད་དེར་སོང་སྟེ་བདག་ཉིད་བསྟན་པར་བྱ་ཞིང་ཡུལ་དེར་ཐོག་མ་ཁོ་ནར་མདོ་འདི་བསྐུལ་བར་བྱའོ། །དེ་ཅིའི་ཕྱིར་ཞེ་ན།
D222.063.0126a05.01ཇི་སྲིད་དུ་མདོ་འདི་དེའི་ལག་ཏུ་སོན་པར་མ་གྱུར་པ་དེ་སྲིད་དུ་དེ་ལྡོག་པའི་སེམས་སྐྱེད་པར་འགྱུར་རོ། །ཡང་ན་དེ་ཉིད་དུ་གདུལ་བའི་དབང་ལ་བརྟེན་ཏེ། ང་ཚོགས་ཆེན་པོས་མདུན་གྱིས་བྱས་ནས་དེའི་མདུན་ན་འདུག་པར་བྱ་སྟེ། དེས་ང་མ་མཐོང་ན་དེ་ཉིད་དུ་ལྡོག་པར་འགྱུར་ཞིང་དེར་དེའི་དུས་བྱེད་
D222.063.0126a06.01པར་ཡང་སྟོན་པར་འགྱུར་རོ། །ཡང་ན་ཅི་འདོད་པ་བཞིན་དུ་བྱེད་ཅིང་དེ་གདུལ་བ་གང་ན་ཡོད་པ་དེར་དུས་བྱེད་པར་འགྱུར་རོ། །དེ་བཞིན་གཤེགས་པ་ངའི་སློབ་མ་ས་བཅུ་ཐོབ་པ་ཀུན་དགའ་བོ་ཡང་རྣམ་པར་འཕྲུལ་པ་ཆེན་པོས་དེར་འགྲོ་བར་འགྱུར་རོ། །བརྒྱ་བྱིན་གྱི་བུ་མངོན་མཆོད་ཅེས་བྱ་བ་ལོ་
D222.063.0126a07.01