完整藏文原文 · 德格版页 当前仅加载第 63 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲོ་བ་མེད་དོ། །བདག་ནི་སྤྲོ་བ་མེད་དོ་ཞེས་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་གཞོན་ནུ་བོས་ཏེ་བཀའ་སྩལ་པ། གཞོན་ནུ་ཁྱོད་ཀྱིས་བདུད་ཚོལ་ཅིག །གཞོན་ནུས་གསོལ་པ། བཅོམ་ལྡན་འདས་ས་འཛིན་གྱི་རྒྱལ་པོའི་བུ་མོ་རྒྱལ་པོའི་
D222.063.0119a01.01གཞོན་ནུ་མ་ལྔ་དཀར་ཞེས་བགྱི་བ་བསོད་ནམས་དང་ལྡན་པ་དེ་འདིར་མཆིས་ཏེ། དེའི་སླད་དུ་རྔ་བོ་ཆེ་དང་། དུང་དང་། རོལ་མོའི་སྒྲ་སྒྲོགས་ཤིང་མཆི་ལགས་སོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་བྱང་ཆུབ་སེམས་དཔའི་ཚོགས་ལ་བཀའ་སྩལ་པ།
D222.063.0119a02.01ས་འཛིན་གྱི་རྒྱལ་པོའི་བུ་མོ་གཞོན་ནུ་མ་ལྔ་དཀར་ཞེས་བྱ་བས་དྲི་བ་གཅིག་གི་ལན་མ་ཐོབ་ནས་མུ་སྟེགས་ཅན་ཐམས་ཅད་ཕམ་པར་བྱས་ཏེ། དེ་རིང་དུ་ཞག་བདུན་ལོན་ནས་འདི་སྐད་ཅེས་རྒྱལ་པོ་ཟས་གཙང་གི་བཙུན་མོ་སྒྱུ་འཕྲུལ་ཆེན་མོ་ཞེས་བྱ་བ་ཞིག་ཡོད་དེ། དེའི་སྲས་དེ་གཽ་
D222.063.0119a03.01ཏ་མའི་རྒྱུད་གཟུགས་བཟང་པོ་སངས་རྒྱས་ཞེས་བྱ་བ་ཞིག་ཡོད་དོ་ཞེས་གྲག་གིས་དེའི་སྤྱན་སྔར་འགྲོའོ་ཞེས་སྨྲ་ཞིང་འོང་ངོ་། །དེ་ནས་དེ་འོང་བ་ན་དེའི་ཚེ་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་དེའི་བར་འཁོར་གྱིས་རྒྱས་པར་གྱུར་ཅིང་། རྔ་བོ་ཆེ་དང་དུང་དང་རོལ་མོའི་སྒྲས་
D222.063.0119a04.01མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་དེའི་བར་གྲགས་པར་གྱུར་ཏོ། །དེ་ནས་གཞོན་ནུས་གསོལ་པ། བཅོམ་ལྡན་འདས་བདག་ཀྱང་བདུད་སྡིག་ཅན་ཚོལ་ལ། བསོད་ནམས་དང་ལྡན་པ་རྣམས་ཀྱང་དེ་སྐད་མཆི་ན། དེའི་དྲི་བ་སུ་ལན་ལྡོན་པར་འགྱུར་ལགས། དེ་ནས་
D222.063.0119a05.01བཅོམ་ལྡན་འདས་ཀྱིས་ཚིགས་སུ་བཅད་པ་འདི་བཀའ་སྩལ་ཏོ། །སྐྱེས་བུ་བརྟན་པོས་རྟག་ཏུ་ནི། །གནོད་སེམས་མེད་པར་བུ་བཞིན་སྦྱིན། །ཉམས་ལ་ནམ་ཡང་མིན་ཞེས་གྲགས། །དྲི་བ་འདི་ཡི་ལན་ཐོབ་ཤིག །དེ་ནས་ཉན་ཐོས་ཆེན་པོ་བརྒྱད་ཅུ་དང་། ཕུག་སྦས་ལ་སོགས་པ་བྱང་
D222.063.0119a06.01ཆུབ་སེམས་དཔའི་ཚོགས་ཀྱིས་ཚིག་འཐུན་པར་ཚིགས་སུ་བཅད་པ་འདི་སྨྲས་སོ། །གནོད་སེམས་མེད་པའི་སེམས་ཀྱིས་སུ། །གཡེལ་ལམ་ཚུལ་ཁྲིམས་ལྡན་ཡང་རུང་། །མཛའ་བོ་དགྲ་ལ་བུ་བཞིན་དུ། །ཐམས་ཅད་དུ་ནི་སྦྱིན་པ་བསྔགས། །བཅོམ་ལྡན་འཇིག་རྟེན་མགོན་པོ་ཡིས། །
D222.063.0119a07.01