完整藏文原文 · 德格版页 当前仅加载第 63 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཟུག་རྔུ་རྣམས་འབྲལ་བར་འགྱུར་རོ། །དེའི་ཕྱིར་འོད་སྲུང་ཁྱོད་ཀྱང་མདོ་འདི་ཞུས་ནས་ཡུན་རིང་པོར་འཇིག་རྟེན་དུ་འབྱིན་པར་འགྱུར་རོ། །གསོལ་པ། བཅོམ་ལྡན་འདས་གལ་ཏེ་དེ་ལྟ་ལགས་ན་རྔ་བོ་ཆེ་ཆེན་པོའི་མདོ་ཆེན་པོ་དེ་ལས་ཕྱོགས་འགའ་ཙམ་ཞིག་བདག་ལ་ལེགས་པར་བཤད་
D222.063.0093b01.01དུ་གསོལ། །འོད་སྲུང་དུས་ལ་བབ་ཀྱིས་ཁྱོད་ང་ལ་ཕྱོགས་འགའ་ཞིག་ཞུས་ཤིག །འོད་སྲུང་གིས་ལེགས་སོ་ཞེས་གསོལ་ནས་ཞུ་བ་འདི་ཞུས་སོ། །བཅོམ་ལྡན་འདས། གང་ན་སྲིད་ཡོད་སྲིད་པ་དེར་སྡུག་བསྔལ། །གང་ན་སྲིད་མེད་སྡུག་བསྔལ་མེད་པ་ཡི། །མྱ་ངན་
D222.063.0093b02.01འདས་པ་དེ་ནི་མཆོག་ཏུ་བདེ། །བདེ་སྡུག་སྤང་ཕྱིར་མྱ་ངན་འདས་མཆོག་འགྱུར། །སྲིད་པ་ཡོད་ན་བདེ་དང་སྡུག་བསྔལ་ཏེ། །སྲིད་པ་མེད་ན་བདེ་དང་སྡུག་བསྔལ་མེད། །དེའི་ཕྱིར་མྱ་ངན་འདས་ཐོབ་འདོད་པ་ཡིས། །རིགས་ཀྱི་བུ་ཡིས་སྲིད་འདོད་ཡོངས་སུ་གཅད། །ཅེས་བཀའ་
D222.063.0093b03.01སྩལ་པ་འདིའི་དོན་ཅི་ལགས། འདིར་ཚིགས་སུ་བཅད་པས་ལེགས་པར་བཀའ་སྩལ་པ། སྲེད་པ་ཐམས་ཅད་མི་རྟག་མི་བརྟན་ལ། །ཐམས་ཅད་དུ་ཡང་སྙིང་པོ་མེད་པས་ན། །སྲིད་པ་གང་ཡིན་དེ་ནི་སྡུག་བསྔལ་ཏེ། །གང་ལ་སྲིད་མེད་དེ་ན་སྡུག་བསྔལ་མེད། །སྲིད་པ་
D222.063.0093b04.01ཡོད་པ་མིན་ན་སྡུག་བསྔལ་མེད། །འདི་ན་སྲིད་ཡོད་སྡུག་བསྔལ་འགྱུར་བས་ན། །སྲིད་ལ་མངོན་པར་དགའ་བར་མི་བྱ་ཞིང་། །སྲིད་པ་རྣམས་ལ་ཡིད་བརྟན་འགྲོ་མི་བྱ། །བཅོམ་ལྡན་སྲིད་དང་སྲིད་པ་མེད་པ་དང་། །བདེ་དང་སྡུག་བསྔལ་འགྱུར་བ་ཡོད་པར་སྟོན། །དེ་སྐད་ཅེས་གསུངས་
D222.063.0093b05.01ནས། བཅོམ་ལྡན་འདས་ཀྱིས་གནས་བརྟན་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་དེ་ལྟར་ཚིག་གི་དོན་འདི་ནི་བརྟན་པའི་ཚིག་གི་དོན་ཡིན་པས་རེ་ཞིག་འོད་སྲུང་ཁྱོད་ཀྱིས་མི་ཤེས་སོ། །སེམས་ཅན་ནི་ཕལ་ཆེར་སྲིད་པ་གཅོད་པར་མི་བྱེད་དེ། སེམས་ཅན་
D222.063.0093b06.01རྣམས་ནི་འདུ་བྱེད་སྐུད་པས་བརྒྱུས། །སྲིད་མེད་མྱ་ངན་འདས་པ་མཆོག་ཏུ་བདེ། །འོད་སྲུང་གིས་གསོལ་པ། གང་གིས་མྱ་ངན་འདས་ཐོབ་པ། །མྱ་ངན་འདས་པ་དེ་མི་གནས། །དེ་ལ་བདེ་བ་མིང་ཙམ་སྟེ། །མིས་ནི་མྱོང་བར་འགྱུར་མ་མཆིས། །བཅོམ་ལྡན་འདས་ཀྱིས་བཀའ་
D222.063.0093b07.01