完整藏文原文 · 德格版页 当前仅加载第 63 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟབས་པ་ཡིན་གྱིས་ངེས་པ་ཁོ་ནར་དེ་བཞིན་དུ་གྱིས་ཤིག །གསོལ་པ། བཅོམ་ལྡན་འདས་བདག་ནི་ཁྱོད་ཀྱི་ཐུགས་ལས་སྐྱེས་པའི་སྲས་ཀྱི་ཐུ་བོར་གཞག་པའི་རིགས་ལགས་སོ། །བཀའ་སྩལ་པ། འོད་སྲུང་དཔེར་ན་ཀོ་ས་ལའི་རྒྱལ་པོ་གསལ་རྒྱལ་རང་གི་བུ་རྣམས་ལ་
D222.063.0091b01.01འདི་དག་ནི་མ་འོངས་པའི་དུས་ན་བདག་གི་རིགས་འཚོབ་པར་འགྱུར་རོ་ཞེས་བསྟན་བཅོས་སྣ་ཚོགས་དང་། བཟོའི་གནས་རྣམས་ལ་སྦྱོང་བར་བྱེད་པ་དེ་བཞིན་དུ་འོད་སྲུང་ཁྱོད་ཀྱང་ང་འདས་ནས་མདོ་འདི་འབྱིན་པར་འགྱུར་རོ། །འོད་སྲུང་དཔེར་ན་ཀོ་ས་ལའི་རྒྱལ་པོ་གསལ་རྒྱལ་རྒྱལ་པོ་མང་
D222.063.0091b02.01པོས་བསྔོས་ནས་དེ་རྣམས་དང་ལྷན་ཅིག་གཡུལ་འགྱེད་པ་དེ་དང་དེའི་དུས་ཀྱི་དམག་མི་གླང་པོ་ཆེ་བ་དང་། རྟ་པ་དང་། དཔུང་བུ་ཆུང་གང་དག་ཡིན་པ་ལས་གོ་ཆ་བཟང་པོ་བགོས་ཤིང་རྔ་བོ་ཆེ་ཆེན་པོ་དང་། དུང་གི་སྒྲ་ཐོས་ན་མི་དངང་མི་སྐྲག་ཅིང་བྲེད་པར་མི་འགྱུར་བ་གང་ཡིན་པ་དེ་དག་ལ་ནི་
D222.063.0091b03.01རྒྱལ་པོས་བཟའ་བ་དང་། བཅའ་བ་དང་། ཟས་དང་། སྐོམ་དང་། གོས་དང་། རྒྱན་དང་། ལྷབ་ལྷུབ་དང་། ཆས་དག་སྦྱིན་པར་བྱེད་དོ། །དེ་ལས་གཞན་པ་གཡུལ་ངོར་ཞུགས་ནས་གཡུལ་འགྱེད་པའི་དམག་མི་གང་ཡིན་པ་དེ་དག་ལ་ནི་གསེར་དང་། ནོར་བུ་དང་། མུ་ཏིག་
D222.063.0091b04.01ལ་སོགས་པ་དང་། གྲོང་རྡལ་དང་། ཡུལ་རྣམས་སྦྱིན་པར་བྱེད་དོ། །དེ་ན་སྐྱེས་བུ་དཔའ་བོ་སྡེ་དང་བཅས་པར་ཕྱིར་མི་ལྡོག་པ། གླང་པོ་ཆེ་བ་དང་། རྟ་པ་དང་། ཤིང་རྟ་པ་དང་ལྡན་པས་དགྲའི་དཔུང་ཕམ་པར་བྱེད་པ་གང་ཡིན་པ་དེ་དག་ནི་རྒྱལ་པོ་རང་གིས་རིག་པར་བྱས་ནས་རྒྱལ་ཚབ་ཏུ་
D222.063.0091b05.01དབང་བསྐུར་བའི་ཅོད་པན་བཅིང་བར་བྱེད་དོ། །འོད་སྲུང་དེ་བཞིན་དུ་ངའི་ཉན་ཐོས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་བསླབ་པ་ལེགས་པར་ཇི་ལྟར་བཅས་པ་ལ་ལེགས་པར་བསླབས་པ་གང་ཡིན་པ་དེ་དག་དང་། སོ་སོར་ཐར་པའི་སྡོམ་པས་བསྡམས་པ་
D222.063.0091b06.01དང་། འདུལ་བའི་ཆོ་ག་དང་། སྤྱོད་ཡུལ་ལ་གནས་པ་དེ་དག་ལ་ནི་དེ་བཞིན་གཤེགས་པས་ལྷ་དང་མིའི་བདེ་བ་སྦྱིན་པར་མཛད་དོ། །དེ་ལས་གཞན་པས་ཕུང་པོའི་བདུད་དང་། ཉོན་མོངས་པའི་བདུད་དང་། འཆི་བདག་གི་བདུད་དང་། ལྷའི་བུའི་བདུད་ཕམ་པར་བྱེད་པ་གང་ཡིན་པ་དེ་
D222.063.0091b07.01