完整藏文原文 · 德格版页 当前仅加载第 63 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
དམན་པའི་བསྟན་པ་སྟོན་པ་འདི་ལྟ་བུའི་ངོ་མཚར་ཡོད་ན། འཇིག་རྟེན་ཐམས་ཅད་ཀྱིས་མཐོང་ན་དགའ་བ་དགེ་སློང་ཕལ་པའི་ངོ་བོ་ལྟ་བུར་བྱིན་གྱིས་བརླབས་པ་གང་ཡིན་པ་ལྟ་ངོ་མཚར་ཅི་ཆེ། འོད་སྲུང་ཁྱོད་ཀྱིས་རིགས་གང་དུ་དེ་སྐྱེ་བ་ལེན་པ་དེ་དག་ཀྱང་བྱང་ཆུབ་སེམས་དཔའ་
D222.063.0125b01.01ཡིན་པར་དེ་ལྟར་ཤེས་པར་གྱིས་ཤིག །འོད་སྲུང་བདག་ཅག་གི་རིགས་སུ་འདི་ལྟ་བུ་སྐྱེས་སོ་ཞེས་རིགས་ལ་དགའ་བ་དང་། ཡིད་དུ་འོང་བའི་རང་བཞིན་གྱིས་དེ་ལ་རིམ་གྲོ་བྱེད་པ་གང་ཡིན་པ་དེ་དག་ཐམས་ཅད་ངས་མངགས་པ་ཡིན་པར་ཁྱོད་ཀྱིས་དེ་ལྟར་ཤེས་པར་བྱ་སྟེ། དེ་དག་ཀྱང་བྱང་ཆུབ་
D222.063.0125b02.01སེམས་དཔའ་སེམས་དཔའ་ཆེན་པོ་ཡིན་ནོ། །རྔ་བོ་ཆེ་ཆེན་པོའི་མདོ་འདི་བསྒྲགས་པ་སྒྲོགས་པ་ན་བདག་ཉིད་ཆེན་པོ་དེའི་ཕྱོགས་འཛིན་པའི་འཁོར་བཞི་པོ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་གཞན་གང་དག་ཡིན་པ་དེ་དག་ཐམས་ཅད་ཀྱང་སྔར་གོང་དུ་མདོ་འདི་
D222.063.0125b03.01ལས་འཇིག་རྟེན་ཐམས་ཅད་ཀྱིས་མཐོང་ན་དགའ་བས་ཞུས་པའི་ཚོགས་ཀྱི་ལེའུར་ལུང་བསྟན་ཏོ། །མདོ་འདི་ལ་མཆོད་པ་བྱེད་པའི་སྐྱེས་པ་དང་། བུད་མེད་གང་ཡིན་པ་དེ་དག་ཐམས་ཅད་ཀྱང་གདོན་མི་ཟ་བར་རང་རང་གི་མཆོད་པ་དང་མིང་འཐུན་པའི་སངས་རྒྱས་སུ་འགྱུར་རོ། །འོད་སྲུང་རྔ་བོ་ཆེ་
D222.063.0125b04.01ཆེན་པོའི་མདོ་འདི་ནི་ངའི་མིང་འཆང་བའི་དགེ་སློང་འདི་དང་གཉིས་ཀྱིས་ཆོས་ཆེན་པོའི་རྔ་བོ་ཆེ་རྡུང་བར་འགྱུར་གྱི་གསུམ་པ་ནི་མེད་དོ། །ཡང་བཀའ་སྩལ་པ། འོད་སྲུང་འདས་པའི་དུས་ན་ང་གྲོང་ཁྱེར་ཆེན་པོ་ཡངས་པ་ཅན་དུ་རྒྱལ་པོ་དགའ་སྡེ་ཞེས་བྱ་བར་གྱུར་པ་དེའི་ཚེ། ཡངས་པ་ཅན་གྱི་གྲོང་ཁྱེར་ཆེན་
D222.063.0125b05.01པོ་ནི་དེ་ན་གླིང་བཞི་པའི་ཚད་ཙམ་དུ་གྱུར་ཏོ། །འཛམ་བུའི་གླིང་ནི་མི་མཇེད་ཀྱི་འཇིག་རྟེན་གྱི་ཁམས་ཀྱི་ཚད་ཙམ་ལ་དེ་བཞིན་དུ་གླིང་བཞི་དང་། དེ་བཞིན་དུ་སྟོང་གསུམ་གྱི་སྟོང་ཆེན་པོ་ཡང་དེ་ལྟར་བསྒྲེ་བར་བྱའོ། །དེ་ན་ངའི་ཚེ་ནི་བསམ་གྱིས་མི་ཁྱབ་སྟེ། དེ་ལྟར་ང་འཁོར་ལོས་སྒྱུར་བ་ཉིད་བྱེད་པ་ན་དེའི་
D222.063.0125b06.01ཚེ་གྲངས་མེད་པའི་སྦྱིན་པ་བྱིན། བསོད་ནམས་བསགས། ཚུལ་ཁྲིམས་བསྲུངས། འཕགས་པ་དག་བསྟེན་ཏོ། །སྐྱེས་པའམ། བུད་མེད་གང་ཞིག་རྔ་བོ་ཆེ་ཆེན་པོའི་མདོ་བསྒྲགས་པ་ཐོས་ནས་ལན་འགའ་མཆོད་པ་བྱེད་པའམ། དཔྱས་གདགས་པའམ། བསྟིང་བའམ། ཇི་ལྟ་བུས་འགྲོ་ཡང་
D222.063.0125b07.01