完整藏文原文 · 德格版页 当前仅加载第 63 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
བམ་པོ་གསུམ་པ། དེར་ནི་སྟོང་པ་ཉིད་ཀྱི་ལེའུ་དང་ལྡན་པའི་དྲང་བའི་མདོ་སྡེ་གཞན་དག་འབྱུང་ཞིང་གལ་ཏེ་དེ་ན་སྟོན་པ་ཡོད་ན་དེ་ཉིད་དུ་གནས་པར་འགྱུར་རོ། །ཡང་འཁོར་ལོས་སྒྱུར་བའི་རྒྱལ་པོ་ཕྱོགས་གཞན་དུ་སོང་ན་དེ་ན་སེམས་ཅན་གང་དག་རྒྱལ་པོའི་ཞམ་རིང་བྱེད་པ་དེ་དག་
D222.063.0104a01.01འདི་སྙམ་དུ་བདག་ཅག་ཀྱང་རྒྱལ་པོ་གང་དུ་བཞུད་པ་དེར་འདོང་ངོ་སྙམ་དུ་སེམས་པར་འགྱུར་རོ། །དེ་བཞིན་དུ་གང་དུ་ཕན་པ་སྟོན་པ་འབྱུང་བ་དེར་མདོ་སྡེ་འདི་ལྟ་བུ་འདི་དག་འབྱུང་བར་འགྱུར་རོ། །དཔེར་ན་གང་གི་ཚེ་འཁོར་ལོས་སྒྱུར་བའི་རྒྱལ་པོ་འབྱུང་བར་འགྱུར་བ་དེའི་ཚེ་རིན་པོ་ཆེ་སྣ་བདུན་དག་འབྱུང་བར་
D222.063.0104a02.01འགྱུར་རོ། །དེ་བཞིན་དུ་ཕན་པ་སྟོན་པ་གང་དུ་འབྱུང་བར་འགྱུར་བ་དེའི་ཚེ་དེ་དག་གི་ལག་ཏུ་མདོ་སྡེ་འདི་ལྟ་བུ་འདི་དག་འོང་བར་འགྱུར་རོ། །གཞན་ཡང་གང་གི་ཚེ་འཁོར་ལོས་སྒྱུར་བའི་རྒྱལ་པོས་རིན་པོ་ཆེ་སྣ་བདུན་ལས་སྣ་གཅིག་མ་མཐོང་ནས་དེས་བཙལ་ནས་རིན་པོ་ཆེ་སྣ་བདུན་པོ་གང་ན་ཡོད་པ་
D222.063.0104a03.01དེ་ཉིད་དུ་ཕྱིན་པར་འགྱུར་རོ། །དེ་བཞིན་དུ་མདོ་སྡེ་འདི་ལྟ་བུ་འདི་མཉན་ན་གང་ན་ཕན་པ་སྟོན་པ་ཡོད་པ་དེ་དང་དེ་ཁོ་ནར་བཙལ་ན་རྙེད་པར་འགྱུར་རོ། །དཔེར་ན་གང་ན་འཁོར་ལོས་སྒྱུར་བའི་རྒྱལ་པོ་མེད་པ་དེ་ན་ཁམས་ཀྱི་རྒྱལ་པོ་དང་། སྟོབས་ཀྱི་འཁོར་ལོས་སྒྱུར་བ་དང་། རྒྱལ་ཕྲན་གྱི་ཚོགས་
D222.063.0104a04.01རྣམས་འབྱུང་ངོ་། །དེ་བཞིན་དུ་གང་ན་མདོ་སྡེ་འདི་ལྟ་བུ་འདི་དག་འཆད་པར་མི་འགྱུར་བ་དེར་ཕན་པ་སྟོན་པ་དག་འདི་ལྟ་སྟེ། སྟོང་པ་ཉིད་ཀྱི་ལེའུ་དང་ལྡན་པ་ཕལ་པ་གཞན་སྟོན་ཅིང་འཆད་པར་འགྱུར་རོ། །དེའི་ཚེ་དེ་དག་གིས་མདོ་སྡེ་དེ་ལྟ་བུ་མང་པོ་དག་མཐོང་ཐོས་ནས་སེམས་ཅན་དེ་དག་
D222.063.0104a05.01སློབ་ཅིང་དེ་དག་གིས་ལོབས་ནས་གང་གི་ཚེ་དེ་བཞིན་གཤེགས་པའི་སྙིང་པོ་དེ་བཞིན་གཤེགས་པ་རྟག་པའི་བདག་ཉིད་དང་ལྡན་པའི་མདོ་སྡེ་འདི་ལྟ་བུ་འདི་དག་ཐོས་ན་དེ་དག་ཡིད་གཉིས་དང་། ཐེ་ཙོམ་འཐོབ་ཅིང་བློ་ཕྱིན་ཅི་ལོག་ཏུ་འགྱུར་རོ། །ཐེ་ཙོམ་དང་བློ་ཕྱིན་ཅི་ལོག་ཏུ་གྱུར་ནས་ཅི་ནས་ཀྱང་
D222.063.0104a06.01ཕན་པ་སྟོན་པ་ལ་འཕྱ་ཡང་རུང་མི་འཕྱ་ཡང་རུང་། དགའ་བར་བྱེད་ཀྱང་རུང་། མགུ་བར་བྱེད་ཀྱང་རུང་། བརྙས་པར་བྱེད་ཀྱང་རུང་། རྙོག་པར་བྱེད་ཀྱང་རུང་། འདི་སྐད་ཅེས་ཅི་འདི་རང་བཟོར་བྱས་པ་ཞིག་གམ། འོན་ཏེ་འདི་བསྟན་པ་ཉམས་པར་བདུད་ཀྱིས་བསམས་ནས་བྱས་པ་ཞིག་
D222.063.0104a07.01