完整藏文原文 · 德格版页 当前仅加载第 97 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་དད་མིན། །མ་འདས་པ་ནའང་གཅིག་མིན་ཏེ། །འདའ་དང་མི་འདའ་ལས་འདས་པས། །བྲལ་དང་མ་བྲལ་ག་ལ་ཡོད། །དེས་ན་གང་ལ་ཅི་ཕྱིར་གདུང་། །གདུང་བ་རྨོངས་པ་འཁྲུལ་པ་ཡིན། །ཨེ་མའོ་ངོ་མཚར་ཇི་ལྟ་བུ། །འདི་གོ་ཇི་ལྟར་འཁྲུལ་ཞིག་གུ། །
D829.097.0095b01.01ཞེས་གསང་བའི་བདག་པོ་དེས་སེང་གེ་རྣམ་པར་ལྟ་བའི་ཚུལ་གྱིས་གཞས་བཏབ་པས་རྨོངས་པས་གདུངས་པ་རྣམས་དགའ་མགུ་རངས་ནས་གདུང་བ་ཡོངས་སུ་སངས་ཏེ་སེམས་མ་བཅོས་པར་གནས་ཏེ་དེ་བཞིན་གྱི་དཀྱིལ་འཁོར་ཐམས་ཅད་འོད་གསལ་བར་གྱུར་
D829.097.0095b02.01ཏོ། །དེ་ནས་ལང་ཀའི་བདག་པོས་གསང་བ་བའི་བདག་པོ་ལ་གསོལ་པ། །གསང་བ་པའི་བདག་པོ་ཆེན་པོ་གདུང་བ་ཐམས་ཅད་སེལ་ཏམ། །འོན་ཏེ་མི་མཇེད་ཀྱི་འཇིག་རྟེན་གྱི་གདུང་བ་འབའ་ཞིག་སེལ། །གསང་བ་པའི་བདག་པོས་སྨྲས་པ། ལང་ཀའི་བདག་
D829.097.0095b03.01པོ་ཁོ་བོ་ནི་གདུང་བ་ཐམས་ཅད་སེལ་བ་སྟེ། །འདས་པའི་དུས་ཀྱི་གདུང་བ་ཇི་སྙེད་པ་ཡང་བསལ་ཏོ། །ད་ལྟ་མི་མཇེད་ཀྱི་འཇིག་རྟེན་གྱི་ཁམས་འདི་ཡི་གདུང་བ་ཡང་བསལ། །འཇིག་རྟེན་གྱི་ཁམས་གཞན་རྡུལ་སྙེད་ཀྱི་གདུང་བ་ཡང་བསལ། མ་འོངས་པའི་
D829.097.0095b04.01གདུང་བ་ཇི་སྙེད་པ་ཡང་སེལ་བར་འགྱུར་རོ། །དེ་བས་ན་གང་དག་ཡོངས་སུ་གདུང་བ་རྣམས་ནི་མི་ཤེས་པ། རྨོངས་པ། ཤེད་མ་བྱེ་བ་ཁོ་ན་ཡིན་གྱི་ཤེས་པ། མ་རྨོངས་པ་མཁས་པ་ཤེད་བྱེ་བ་རྣམས་ནི་གང་དུ་ཡང་གདུང་བ་མེད་པ་གདུང་བ་དང་བྲལ་བ་ཡིན་
D829.097.0095b05.01ནོ། །ཞེས་ཐོས་པས་ལང་ཀའི་བདག་པོ་ལ་སོགས་པ་འགྲོ་བ་ལུས་ཀྱི་སེམས་དཔའ་རྣམས་ཡོངས་སུ་གདུང་བ་ལས་སངས་སོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གང་རྨོངས་པ་གདུང་བ་སེལ་བ་ཞེས་བྱ་བའི་ལེའུ་སྟེ་དྲུག་པའོ།། །།
D829.097.0095b06.01ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་རྨོངས་པའི་གདུང་བ་སེལ་བའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དང་པོའོ། །དེ་ནས་ལང་ཀའི་བདག་པོས་སྔོན་དུ་གནང་བའི་ཚིག་བཅུ་གཉིས་པའི་
D829.097.0095b07.01