完整藏文原文 · 德格版页 当前仅加载第 97 函德格 226a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེས་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་བྱང་ཆུབ་ཀྱི་སྙིང་པོ་ཞེས་བྱ་བ་ཆོས་ཐམས་ཅད་ཀྱི་རྩ་བ་དེ་ནི་སྒྲིབ་པས་མ་མཐོང་། མེད་པས་མ་དམིགས། ཟབ་པས་མ་རྙེད། དཀའ་བས་མ་ཤེས། མྱུར་བས་མ་
D829.097.0226a01.01སླེབས། ཡངས་པས་མ་ཁྱབ་པ་ཡིན་ཏེ། འདི་མུན་པའི་ཁམས་ན་ཡོད། གྲོང་ཁྱེར་གསུམ་དུ་བཙལ། འདི་ཡན་ལག་དང་མདོ་དང་རྩ་བ་ཡིན། ངོ་བོ་དེ་ཁོ་ན་ཉིད་ལ་བྱ། མུན་པའི་ཁམས་སུ་སྟོར། སེམས་དཔའ་ཆེན་པོ་དེ་ལྟ་བས་ན་མུན་པ་འདི་བསལ་བའི་
D829.097.0226a02.01ཕྱིར་འདིའི་རང་བཞིན་ལ་མཁས་པར་བྱའོ། །དེ་བཞིན་དུ་ངོ་བོ་དང་། མཚན་ཉིད་དང་། ཡན་ལག་དང་། ཇི་སྲིད་པའི་ཡུན་དང་། ལས་དང་། མུན་པའི་རྣམ་གྲངས་དང་། དཔེ་ལ་སོགས་པ་དང་། བསལ་བའི་ཐབས་རྣམས་ལ་མཁས་པར་བྱའོ། །འདི་ལ་ནན་ཏན་
D829.097.0226a03.01དུ་བྱའོ། །གང་མུན་པའི་ཁམས་པ་དག་དང་། ཆ་གཅིག་ཏུ་ཤེས་བྱའོ། །དེ་སྐད་ཅེས་བཀའ་སྩལ་པ་དང་། ཁོ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་མུན་པ་འདི་ཅི་ལས་བྱུང་། མུན་པ་འདིའི་རང་བཞིན་ཅི། མུན་པ་འདིའི་ངོ་བོ་གང་། མུན་པ་འདིའི་
D829.097.0226a04.01མཚན་ཉིད་ཅི། མུན་པ་འདིའི་ཡན་ལག་ཏུ། མུན་པ་འདིའི་རྩ་བ་གང་། མུན་པ་འདི་ཇི་སྲིད་ཅིག་གནས། མུན་པ་འདིས་ཅི་ལ་སྒྲིབ། མུན་པ་འདིའི་བྱེ་བྲག་དུ། མུན་པ་འདི་གང་དང་མཐུན། མུན་པ་འདི་གང་དུ་འཐིབས། མུན་པ་འདི་གང་གིས་སེལ། མུན་
D829.097.0226a05.01པ་ཞེས་ཅིའི་ཕྱིར་བགྱི། འདི་ཅི་ཕྱིར་འཐིབས། དྲ་བ་གང་དུ་འདུས། འདི་བཤད་དུ་གསོལ། བདེ་བར་གཤེགས་པ་འདི་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་དེས་བཀའ་སྩལ་པ། སེམས་དཔའ་ཆེན་པོ་མུན་པ་དང་སྣང་བས་
D829.097.0226a06.01བསྡུས་པའི་ཆོས་ཐམས་ཅད་ཀྱི་རྩ་བ་ནི་གཞི་དང་རྩ་བ་མེད་པར་འདུས་པར་ཤེས་པར་བྱའོ། །དེ་ལྟར་སྟོན་པའི་མདོ་ནི་འདི་ལྟ་སྟེ། སངས་རྒྱས་བྱང་ཆུབ་འབྱུང་བ་ཡི། །བསྐྱེད་ཅིང་སྙིང་པོ་དེ་ཉིད་དེ། །པདྨོ་ཁ་འབུས་སྙིང་པོ་ལྟར། །རྩ་བ་འཁོར་བའི་འདམ་ན་ཡོད། །
D829.097.0226a07.01