完整藏文原文 · 德格版页 当前仅加载第 97 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་རབ་ཏུ་འགུལ་ཏོ། །ལྡེག་རབ་ཏུ་ལྡེག །ཀུན་དུ་རབ་ཏུ་ལྡེག་གོ། །འུར་རབ་ཏུ་འུར། ཀུན་དུ་རབ་ཏུ་འུར་རོ། །ཆེམ་རབ་ཏུ་ཆེམ། ཀུན་དུ་རབ་ཏུ་ཆེམ་མོ། །མཐའ་མཐོ་ན་དབུས་དམའོ། །དབུས་མཐོ་ན་མཐའ་དམའོ། །ཤར་མཐོ་ན་ནུབ་དམའ། ནུབ་
D829.097.0164b01.01མཐོ་ན་ཤར་དམའ། བྱང་མཐོ་ན་ལྷོ་དམའ། ལྷོ་མཐོ་ན་བྱང་དམའ་བར་གྱུར་ཏོ། །འཇིག་རྟེན་པ་ཀུན་ཀྱང་ངོ་མཚར་དུ་གྱུར་ཏེ་མངོན་པར་བསྟོད་དོ། །ལྷ་དང་བཅས་པའི་འཇིག་རྟེན་པ་ཁ་ཅིག་ནི་དེ་ཁོ་ན་ཉིད་གསང་བ་དམ་པ་ལ་རྗེས་སུ་ཡི་རང་བར་གྱུར་ཏོ། །
D829.097.0164b02.01ཁ་ཅིག་ནི་མ་སྐྱེས་པའི་ཆོས་ལ་བཟོད་པ་ཐོབ་པར་གྱུར་ཏོ། །ཁ་ཅིག་ནི་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ཁ་ཅིག་ནི་ཕྱིར་མི་ལྡོག་པའི་ས་ལ་གནས་པར་གྱུར་ཏོ། །ཁ་ཅིག་ནི་ལུང་བསྟན་པ་ཐོབ་པ་ཤ་དག་ཏུ་གྱུར་ཏོ། །དེའི་
D829.097.0164b03.01ཚེ་དེའི་དུས་ན་རུ་ཏྲ་ཐར་པ་ནག་པོ་ལ་སོགས་པ་མིའི་ཐོད་པ་ཅན་མ་རུངས་པ་རྣམས་སྐྱེས་བུ་ཆེན་པོ་རྡོ་རྗེ་མ་རུངས་པ་དེ་ལ་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ་བྱས་ནས་ཐལ་མོ་སྦྱར་སྤྱི་བོས་བཏུད་ནས་འདི་སྐད་ཅེས་གསོལ་ཏོ། །ཨ་
D829.097.0164b04.01ཧོ་སུ་ཁ་ཀྵྃ་བརྱ་དེ་བ་ཤི་ཤ། །ཨེ་མའོ་སྐྱེས་བུ་ཆེན་པོ་གཡོ་བ་ཕུན་སུམ་ཚོགས་པ་བྱུང་ངོ་། །ཆོས་ཉིད་ཀྱི་བྱིན་གྱི་བརླབས་ལགས་སམ། གཟུགས་ཕུན་སུམ་ཚོགས་པ་བྱུང་ངོ་། གཟུགས་གནས་སུ་དག་གམ། སྙིང་རྗེའི་གཟུགས་ལགས་སམ། སྒྲ་
D829.097.0164b05.01ཕུན་སུམ་ཚོགས་པ་བྱུང་ངོ་། །སྒྲ་གནས་སུ་དག་གམ། ཤེས་རབ་ཀྱི་སྒྲ་ལགས་སམ། དྲི་ཕུན་སུམ་ཚོགས་པ་བྱུང་ངོ་། །དྲི་གནས་སུ་དག་གམ། བྱང་ཆུབ་སེམས་ཀྱི་དྲི་ལགས་སམ། རོ་ཕུན་སུམ་ཚོགས་པ་བྱུང་ངོ་། །རོ་གནས་སུ་དག་གམ། ཏིང་ངེ་
D829.097.0164b06.01འཛིན་གྱི་རོ་ལགས་སམ། །རེག་ཕུན་སུམ་ཚོགས་པ་བྱུང་ངོ་། །རེག་གནས་སུ་དག་གམ། །དམ་ཚིག་གི་རེག་ལགས་སམ། ཚོར་བ་ཕུན་སུམ་ཚོགས་པ་བྱུང་ངོ་། །ཚོར་བ་གནས་སུ་དག་གམ། ཚོར་བ་བཏང་སྙོམས་ལགས་སམ། བདག་ཅག་ནི་སྔོན་
D829.097.0164b07.01