完整藏文原文 · 德格版页 当前仅加载第 97 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་པའི་ཆོ་འཕྲུལ་ལོ། །ལང་ཀའི་བདག་པོ་དེ་ལ་གང་ལ་མཚོན་པས་འདུལ་བ་ལ་དགོངས་པའི་ཆོ་འཕྲུལ་ནི་འདི་ལྟ་སྟེ། མ་བཅོས་པས་འདུལ་བ་ལ་དགོངས་པ་དང་། བསྒྱུར་བས་འདུལ་བ་ལ་དགོངས་པའོ། །ལང་ཀའི་བདག་
D829.097.0125a01.01པོ་དེ་ལ་མ་བཅོས་པས་འདུལ་བ་ལ་དགོངས་པ་ནི་དུང་ལྟ་བུ་དང་། ཀུ་མུད་ལྟ་བུ་དང་། ཟླ་བ་ལྟ་བུ་དང་། ཉི་མ་ལྟ་བུའོ། །ལང་ཀའི་བདག་པོ་བསྒྱུར་བས་འདུལ་བ་ལ་དགོངས་པ་ནི་འདི་ལྟ་སྟེ། བཻཌཱུརྱ་ལྟ་བུ་དང་། ཀང་ཀ་རི་ལྟ་བུ་དང་། ལེ་བརྒན་
D829.097.0125a02.01ལྟ་བུ་དང་། གསེར་སྦྱངས་ལྟ་བུ་དང་། སྣ་ཚོགས་ལྟ་བུའོ། །ལང་ཀའི་བདག་པོ་གང་གི་མཚོན་པས་འདུལ་བ་ལ་དགོངས་པའི་ཆོ་འཕྲུལ་ནི་འདི་ལྟ་སྟེ། གང་བྱུང་བ་དང་། གང་སྣང་བ་དང་། གང་ལྟར་འགྱུར་བའོ། །ལང་ཀའི་བདག་པོ་དེ་ལ་
D829.097.0125a03.01གང་བྱུང་བ་ནི་གཉིས་སམ་དྲུག་ལ་དགོངས་པའོ། །དེ་བཞིན་དུ་གང་སྣང་བ་ཡང་དེ་ལ་དགོངས་པའོ། །ལང་ཀའི་བདག་པོ་གང་ལྟར་འགྱུར་བ་ནི་འདི་ལྟ་སྟེ། མ་བཅོས་པ་དང་། མི་འདའ་བ་དང་། མ་ངེས་པ་དང་། འབྲེལ་པ་དག་གོ། །ལང་ཀའི་
D829.097.0125a04.01བདག་པོ་མ་བཅོས་པ་ནི་འདི་ལྟ་སྟེ། མ་སྐྱེས་པ་དང་། མ་འགགས་པའོ། །དེ་ལ་མ་འགགས་པ་ནི་གང་ཞེ་ན་འདི་ལྟ་སྟེ། ཡུལ་དང་། མཚོན་པ་དང་། མཚན་མ་དང་། ཉེ་བར་བརྟགས་པའོ། །ལང་ཀའི་བདག་པོ་མི་འདའ་བ་ནི་འདི་ལྟ་སྟེ། ཟིན་
D829.097.0125a05.01པ་དང་། མཛད་པ་དང་། མི་སྐྱོར་བའོ། །ལང་ཀའི་བདག་པོ་མ་ངེས་པ་གང་ཞེ་ན་འདི་ལྟ་སྟེ། འདུལ་བའི་དབང་གི་ཕྱིར་མཐའ་ཡས་ཐ་དད་པར་སྣང་བའོ། །ལང་ཀའི་བདག་པོ་འབྲེལ་པ་གང་ཞེ་ན་འདི་ལྟ་སྟེ། དམ་པར་འབྲེལ་བར་དགོངས་པ་དང་། ལས་
D829.097.0125a06.01སུ་འབྲེལ་པར་དགོངས་པའོ། །ལང་ཀའི་བདག་པོ་གང་གི་གྱུར་པས་འདུལ་བར་དགོངས་པའི་ཆོ་འཕྲུལ་གང་ཞེ་ན་འདི་ལྟ་སྟེ། ཐབས་དང་། གནས་དང་། ཚུལ་ཉིད་དོ། །ལང་ཀའི་བདག་པོ་ཐབས་གང་ཞེ་ན་འདི་ལྟ་སྟེ། རང་བཞིན་ལ་དགོངས་པ་དང་།
D829.097.0125a07.01