完整藏文原文 · 德格版页 当前仅加载第 97 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་བོ་ཉིད་དུ་བཅོམ། །ཞེས་གསུངས་སོ། །ཡང་བཅོམ་ལྡན་འདས་སྨན་གྱི་རྒྱལ་པོ་ངོ་བོ་ཉིད་དག་པས་འདི་སྐད་དུ། དཔག་མེད་འཇིག་རྟེན་རྡུལ་སྙེད་ན། །འགྲོ་བ་རྡུལ་ཕྲན་བསམ་ཡས་ལ། །ཁྱད་པར་དེ་བཞིན་ཉིད་སྣང་བས། །ཏིལ་འབྲུ་མར་གྱིས་ཁྱབ་
D829.097.0285a01.01ལྟར་གནས། །ཞེས་གསུངས་སོ། །ཡང་བཅོམ་ལྡན་འདས་གསེར་གྱི་འོད་འཕྲོ་ངོ་བོ་ཉིད་དག་པས་འདི་སྐད་དུ། རྡུལ་ཕྲན་གཅིག་ཙམ་གང་ཟག་ལ། །དགོངས་ཏེ་མདུན་དུ་གསུང་བརྗོད་པ། །དཔག་མེད་མཐའ་ཡས་རྡུལ་སྙེད་ཙམ། །དེ་སྙེད་ཀུན་དུ་ཐོས་པར་གྲོལ། །ཞེས་
D829.097.0285a02.01གསུངས་སོ། །ཡང་བཅོམ་ལྡན་འདས་བཀོད་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། གསུང་གཅིག་མི་ཟད་མཐའ་ཡས་གསུང་། །མཐའ་དང་དབུས་མེད་ཀུན་དུ་ཁྱབ། །ཁྱབ་དང་ཁྱབ་མེད་རྡོ་རྗེ་གསུང་། །སྣ་ཚོགས་དངོས་མེད་དེ་བཞིན་ཉིད། །ཅེས་གསུངས་སོ། །ཡང་བཅོམ་ལྡན་འདས་
D829.097.0285a03.01གསེར་གྱི་གསུང་ངོ་བོ་ཉིད་དག་པས་འདི་སྐད་དུ། གང་ཡང་མ་བཅོས་དེ་ཉིད་ལ། །ཕྱོགས་དང་སྔ་ཕྱི་དུས་མེད་དེ། །ཐམས་ཅད་དེ་བཞིན་ཉིད་ཀྱི་དབྱིངས། །དེ་ཉིད་རང་རིག་རང་ཉིད་དོ། །ཞེས་གསུངས་སོ། །ཡང་བཅོམ་ལྡན་འདས་དཔལ་གྱི་རྒྱལ་པོ་ངོ་བོ་ཉིད་དག་པས་འདི་
D829.097.0285a04.01སྐད་དུ། དེ་ཉིད་དེ་སྙེད་རང་བཞིན་ཏེ། །དེ་སྙེད་དེ་ཉིད་ཡིན་པ་ལ། །བྱིས་པ་རྣམས་ཀྱིས་གཉིས་སུ་བཟུང་། །དེ་ལ་གཉིས་སུ་དབྱེ་བྱར་མེད། །ཅེས་གསུངས་སོ། །ཡང་བཅོམ་ལྡན་འདས་སྣང་བ་བརྩེགས་པའི་དཔལ་ངོ་བོ་ཉིད་དག་པས་འདི་སྐད་དུ། སྟོང་ཉིད་ནམ་མཁའི་
D829.097.0285a05.01རང་བཞིན་དུ། །མི་མཐུན་པ་དང་གཉེན་པོ་གཉིས། །ཡེ་ནས་དབྱེར་མེད་གཅིག་པས་ན། །གནོད་པས་འཇིགས་པ་ག་ལ་ཡོད། །ཅེས་གསུངས་སོ། །ཡང་བཅོམ་ལྡན་འདས་ངོ་བོ་ཉིད་དག་པའི་དཔལ་ངོ་བོ་ཉིད་དག་པས་འདི་སྐད་དུ། མི་འགྱུར་ནམ་མཁའི་རང་བཞིན་ཏེ། །
D829.097.0285a06.01དག་པ་དག་ལ་དག་པ་ཉིད། །རྟོག་པ་དག་ལ་རྟོག་པར་སྣང་། །ཅིས་འདུལ་དེར་སྣང་ཅི་ཡང་མེད། །ཅེས་གསུངས་སོ། །ཡང་བཅོམ་ལྡན་འདས་དགའ་མཆོག་དཔལ་ངོ་བོ་ཉིད་དག་པས་འདི་སྐད་དུ། རང་བཞིན་རང་གིས་མ་བཅོས་པ། ཡང་གིས་འོད་གསལ་དེ་བཞིན་ཉིད། །
D829.097.0285a07.01