完整藏文原文 · 德格版页 当前仅加载第 97 函德格 192b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་བསྟོད་གཞན་ལ་སྨོད་པ་ལོག །དེ་ཡང་ཇི་ལྟ་བུ་ཞེ་ན། །བསྐལ་པ་དེ་ཡི་དུས་ཉིད་ལ། །རྣལ་འབྱོར་དཔལ་བྱིན་བྱ་བ་ཞིག །དོན་ལ་བློ་ཤེད་མ་བྱེ་ཞིང་། །གྲོས་ཀྱི་ཐབས་ལ་མི་མཁས་པས། །བློ་གྲོས་ངེས་པའི་གཞུང་བོར་ནས། །ཆོས་མ་ཡིན་པའི་ཆོས་
D829.097.0192b01.01སྤྱོད་ཅིང་། །ངེས་པའི་གྲོས་ལྡན་གཞན་དག་ལ། །དེ་ལྟར་མ་ངེས་བློ་གྲོས་ནི། །བདག་གི་བློ་གྲོས་འདི་ཡིན་ཞེས། །མངོན་པའི་ང་རྒྱལ་ཆེར་སྤྱོད་པ། །འདི་ནི་སྲིད་པ་ལོག་པའི་ལམ། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གནོད་འདུལ་འདི་ལྟ་སྟེ། །སྔར་
D829.097.0192b02.01བྱུང་རྒྱུད་ཀྱི་རྗེས་གནས་པས། །གདེང་མེད་བཞིན་དུ་དཔོན་བསྟབས་ནས། །ཚིག་གཉེར་དྲེགས་པའི་དབང་དེས་ནི། །མི་ཤེས་བཞིན་དུ་རས་སྤྱོད་པ། །ཚུལ་འཆོས་སེམས་ཀྱི་གྱ་གྱུ་ཅན། །སྨྱོན་ཐབས་བླུན་པོའི་སྡིག་ཅན་ཡིན། །དེ་ཡང་ཇི་ལྟ་བུ་ཞེ་ན། །འདས་པའི་
D829.097.0192b03.01དུས་ན་སྔོན་བྱུང་བ། །ཀུན་བཀོད་གྲགས་པ་དེ་ཉིད་ལ། །ཚུལ་བརྟགས་འཛིན་པའི་རྣལ་འབྱོར་པ། །དྲི་མེད་སྤྱོད་ཅེས་བྱ་བ་ཞིག །སྔར་བྱུང་མཁས་པ་རྗེས་སུ་གནང་། །ཁྲི་ཕྲག་བཅུ་ཡི་འཁོར་རྣམས་ཀྱིས། །རྒྱུད་ཀྱི་རྗེས་སུ་བྱུང་བ་ཡི། །དོན་མེད་རྣལ་འབྱོར་དེ་ཉིད་
D829.097.0192b04.01ལ། །ཚིག་གི་ཁུར་ཆེན་ལྗིད་ཕབ་ནས། །རིགས་རྒྱུད་འཛིན་པར་དཔོན་བསྟབས་ཏེ། །ཆེ་བས་ཆེ་བའི་དྲེགས་པ་སྐྱེད། །མི་ཤེས་བཞིན་དུ་ཚུལ་འཆོས་ཏེ། །འདྲ་ཚུལ་ལོག་པའི་ཆོས་སྤྱད་པས། །འཁོར་བཅས་དྲེགས་པའི་རུ་ཏྲར་ལྷུང་། །དེ་འདྲའི་ཚུལ་
D829.097.0192b05.01བྱུང་དེར་མ་སྤྱོད། །གཞན་ཡང་གནོད་འདུལ་གསང་བའི་བདག །མཛའ་འདྲིན་བསྡང་སྟེར་ཞིང་རྣམས་དང་། །རྙེད་དང་བཀུར་སྟིས་འཚོ་བའི་འཁོར། །གཞན་དབང་ཉིད་དུ་འགྱུར་དོགས་ནས། །རིས་དང་ཚོམ་སྡེ་སོ་སོར་གཅོད། །འདི་དག་བདག་གིས་གདུལ་
D829.097.0192b06.01བྱ་ཡི། །འབྱོར་པས་འཚོ་བའི་ཞིང་ཡིན་གྱིས། །གང་དག་གང་འདིར་མ་འདུ་ཞེས། །ཉོན་མོངས་ཚིག་གིས་སྒོ་བྱེད་ནོར། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་གྲགས་པ་དེ་ཉིད་ལ། །ན་ཞི་ན་ཞེས་བྱ་བ་ཞིག །རྣལ་འབྱོར་
D829.097.0192b07.01