完整藏文原文 · 德格版页 当前仅加载第 97 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ། །བྱང་ཆུབ་སྙིང་པོ་ཉིད་ཡོད་པས། །མེ་ཡི་ལས་ཀྱི་བྱ་བ་ཡིས། །ལྔ་ཕུང་སྦྱངས་ན་མེད་མི་སྲིད། །འདི་དག་བསྒྲུབ་པར་བྱ་བ་ཡང་། །ཤེལ་གྱི་ཟ་མ་ཏོག་ནང་དུ། །བསྡུས་ཏེ་ཕྱག་རྒྱའི་རྒྱས་བཏབ་ནས། །ཤེལ་གྱི་གའུའི་ནང་དུ་བཅའ། །བསྒྲུབ་
D829.097.0275a01.01པས་དེ་ལ་སྨོན་ལམ་དང་། །སྒྲིབ་སྦྱང་གསོ་ལ་འཕྲོ་འདུ་བྱ། །འཕྲོ་འདུ་བྱ་བའི་ཆོ་ག་ཡང་། །ནམ་མཁའ་གང་བའི་ཤ་རི་རམ། །ཞིང་ཁམས་གང་བའི་རྒྱལ་བ་ལས། །ཆར་གྱི་རྒྱུན་བཞིན་དེ་ལ་འབབ། །རྩེ་གཅིག་བཟླས་པ་གསུང་གི་རྒྱུན། །མ་ཧཱ་ཤ་རི་རམ་གྱི་ལི་
D829.097.0275a02.01ཧཱུྃ། །གྲངས་མེད་བར་ཆད་མེད་པར་བཟླས། །མཆོག་ཏུ་གསལ་ཞིང་འཚེར་བ་དང་། །འོད་ཀྱི་ཟེར་ཕྲེང་ཉི་ཟེར་བཞིན། །ཟང་ཟིང་བྲང་བྲེང་སྣང་བར་འགྱུར། །ཟ་མ་ཏོག་གི་ཕྱི་རོལ་ན། །གསལ་བ་དེ་ལ་འབྱུང་བར་འགྱུར། །འགུལ་ཞིང་མང་པོར་འཕེལ་བ་དང་། །རྒྱལ་བ་
D829.097.0275a03.01སེམས་དཔའ་རིག་འཛིན་གྱིས། །གཟུགས་བརྙན་ཤེལ་དང་དེ་ལས་ནི། །གསལ་བར་བདག་ལ་སྟོན་པར་འགྱུར། །དང་པོ་སྣོད་དེ་ཁེངས་པ་ཡིན། །གཉིས་པ་ཕྱེད་དམ་བརྒྱ་རྩ་བརྒྱད། །ཐ་མའང་གྲངས་འགས་འཕེལ་བར་འགྱུར། །དེ་དག་གྲུབ་པ་རྟགས་ཆེན་ཏེ། །དེ་ཚེ་
D829.097.0275a04.01དངོས་གྲུབ་བླང་བར་བྱ། །ཐོབ་པའི་ཡོན་ཏན་བསམ་མི་ཁྱབ། །ཚེ་འདིར་རིག་འཛིན་ས་ལ་གནས། །རྒྱལ་བ་དག་དང་མཉམ་པར་འགྱུར། །ཞར་ལས་བྱུང་བའི་ཡོན་ཏན་ཡང་། །འགྲོ་བ་ཀུན་གྱི་དོན་སྤྱོད་པ། །སེམས་དཔའ་ཆེ་ལྟར་འགྲུབ་པར་འགྱུར། །རྒྱུན་དུ་དེ་ལ་མཆོད་
D829.097.0275a05.01དགོས་ཏེ། །མཆོད་ན་ཡོན་ཏན་དམ་པ་འབྱུང་། །མཆོད་པ་བྱ་བའི་ཆོ་ག་ཡང་། །སྒྲིབ་སྦྱངས་བསོད་ནམས་དཔུང་བསྐྱེད་དེ། །རང་རྒྱུད་དག་པར་བྱས་ནས་ནི། །ཟླ་བ་དུས་ནི་ཐམས་ཅད་ཀྱི། །བཅུ་དྲུག་ཆ་ལ་རྫོགས་པའི་ཚེ། །བདག་ཉིད་གཅིག་པུ་སེམས་ཡུལ་དུ། །གྱུར་པར་
D829.097.0275a06.01བྱས་ནས་མཆོད་པ་ནི། །ཟ་མ་ཏོག་དང་བཅས་པ་དག །རྒྱལ་མཚན་རྩེ་མོར་བཏགས་བྱས་ཏེ། །ཇི་ལྟར་འདོད་པར་སྨོན་ལམ་བཏབ། །དེས་ནི་འདོད་པ་ཐམས་ཅད་སྐོངས། །དེ་ནི་རྣལ་འབྱོར་སྐལ་ལྡན་གྱིས། །ཡིད་བཞིན་ནོར་བུ་རིན་པོ་ཆེ། །རྣལ་འབྱོར་སྒྲུབ་པའི་རྫས་
D829.097.0275a07.01