完整藏文原文 · 德格版页 当前仅加载第 97 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་མཛེས་པར་བརྒྱན། །དགུ་ཡི་ཆར་ནི་བགོས་པ་ལ། །སྒོ་དང་སྒོ་ཁྱུད་སུམ་ཆ་བྱ། །ཀ་བ་བརྒྱད་ཀྱིས་མཛེས་བྱས་ལ། །རིན་ཆེན་ཀ་བའི་ནང་ལོགས་སུ། །སངས་རྒྱས་ཕོ་བྲང་དབུ་རྩེར་བྱ། །བསྡུ་བ་ཚད་མེད་རྣམ་ཐར་སྒོ། །རིམ་པ་གསུམ་གྱིས་མཛེས་པ་ལ། །རྟ་
D829.097.0271b01.01བབས་ཐེམ་སྐས་ཀྱིས་ཀྱང་བརྒྱན། །དབུས་ཀྱི་ཕོ་བྲང་ལེའུ་ཚེ་འམ། །འཁོར་ལོ་དཔལ་བེའུ་པདྨ་དང་། །རིན་ཆེན་ཟུར་བརྒྱད་ལ་སོགས་པ། །ཇི་ལྟར་རིགས་པ་དེ་བཞིན་བྲི། །རྒྱན་ནི་རིན་ཆེན་སྣ་ཚོགས་དང་། །པཉྩ་ར་ཀ་ཏྭ་ར་ན། །ཕྲེང་བ་དང་ནི་དྲ་བས་བརྒྱན། །ཟ་ར་ཚགས་
D829.097.0271b02.01དང་ཆུན་འཕྱང་དང་། །དྲིལ་བུ་གཡེར་ཀ་ཐེའུ་ཆུང་འཕྱང་། །རོལ་མོ་སྒྲ་སྒྲོགས་ལྷ་ཡི་བུ། །མང་པོས་ཕྱི་ནང་ནམ་མཁའ་ལས། །མཆོད་པ་སྣ་ཚོགས་འབུལ་བ་བྲི། །ཐེག་ཆེན་གདུང་བཞེས་རབ་བརྒྱན་ཏེ། །རིན་ཆེན་ཁ་བད་མཆོད་རྟེན་དང་། །རྒྱལ་མཚན་རིན་ཆེན་འོད་
D829.097.0271b03.01འབར་བས། །གཞལ་ཡས་མཛེས་པར་བརྒྱན་པ་ནི། །ཆོས་ཀྱི་ཕོ་བྲང་ཅི་འདྲ་བར། །དེ་འདྲ་དེ་ཉིད་མཚོན་པར་བྲི། །གཞལ་ཡས་ཁང་དུ་གང་རྒྱུར་བ། །ཀུན་གྱིས་མཛེས་དང་ལེགས་པར་བརྒྱན། །མཆོད་པ་བླ་ན་ཡོད་མེད་ཀུན། །ཇི་ལྟར་འབྱོར་ལྟར་ནན་ཏན་དབུལ། །
D829.097.0271b04.01རྒྱལ་སྲིད་ལོངས་སྤྱོད་བཅས་པ་དང་། །གླུ་བྲོ་གར་དང་རོལ་མོར་བཅས། །དུག་འཇོམས་སྨན་དང་བདུད་རྩི་རྣམས། །རྒྱལ་བ་རྒྱ་མཚོ་སྙེད་ལ་དབུལ། །མཉམ་པ་ཉིད་ཀྱི་མཆོད་སྦྱར་བས། །རྒྱུད་བྱང་ཐམས་ཅད་མཉམ་པར་འགྱུར། །དེ་སྐད་སྨྲས་པས་འདུས་པ་ཀུན། །
D829.097.0271b05.01ཐམས་ཅད་རྒྱུད་བྱང་རྣམ་གྲོལ་རིག །གྲོགས་པོ་དག་དེ་དག་ནི་བཀོད་པའི་བྱ་བས་ཡོངས་སུ་སྦྱང་བར་ཤེས་པར་བྱའོ། །གྲོགས་པོ་དག་འདི་ལ་མེའི་བྱ་བས་ཡོངས་སུ་སྦྱང་བ་གང་ཞེ་ན། འདི་ལྟ་སྟེ། ཆོས་ཐམས་ཅད་ཆོས་ཉིད་དུ་སྦྱང་བའི་ཕྱིར་དངོས་པོ་ཐམས་ཅད་
D829.097.0271b06.01མེའི་རང་བཞིན་དུ་བྱིན་གྱིས་བརླབས་པས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མེའི་རང་བཞིན་དུ་སྣང་བར་མཐོང་སྟེ། ཤིན་ཏུ་ངམ་ནས་ངོ་མཚར་དུ་བསྟོད་པ། །ཨེ་མའོ་སེམས་དཔའ་སེམས་དཔའ་ཆེ། །ཆེ་བའི་ཆེ་བ་བྱིན་བརླབས་ཆེ། །ཏིང་འཛིན་ཆེན་པོ་
D829.097.0271b07.01