完整藏文原文 · 德格版页 当前仅加载第 97 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ནི་སྡུག་བསྔལ་བས་སོ། །ལ་ལ་ནི་བདེ་བས་སོ། །ལ་ལ་ནི་བདག་མེད་པས་སོ། །ལ་ལ་ནི་བདག་ཡོད་པས་སོ། །ལ་ལ་ནི་མངོན་སྤྱོད་ཀྱིས་སོ། །ལ་ལ་ནི་ཞི་བས་སོ། །ལ་ལ་ནི་རྒྱས་པས་སོ། །ལ་ལ་ནི་དབང་གིས་སོ། །ལ་ལ་ནི་མཐར་ཕྱིན་པས་སོ། །ལ་
D829.097.0200b01.01ལ་ནི་དུག་གསུམ་སྡུག་བསྔལ་མྱོང་བར་འགྱུར་བའི་སྒྲས་སྨིན་པར་མཛད་དོ། །ལ་ལ་ནི་བདེ་བ་མྱོང་བར་འགྱུར་བའི་སྒྲས་སོ། །ལ་ལ་ནི་བདེ་བ་མི་མྱོང་བར་འགྱུར་བའི་སྒྲས་སོ། །ལ་ལ་ནི་སྲིད་པའི་ལོངས་སྤྱོད་སྤངས་ཏེ། དཀའ་ཐུབ་དྲག་པོས་སོ། །ལ་ལ་ནི་སྲིད་
D829.097.0200b02.01པའི་ལོངས་སྤྱོད་བླངས་ཏེ་འཇོལ་ཉོག་ཏུ་སྤྱོད་པས་སོ། །ལ་ལ་ནི་བཀག་པའི་ཐབས་ཀྱིས་སོ། །ལ་ལ་ནི་གང་ལ་ཡང་མ་རེག་པའི་ཐབས་ཀྱིས་སོ། །ལ་ལ་ནི་བྱ་བ་རྫོགས་པའི་ཐབས་ཀྱིས་སོ། །ལ་ལ་ནི་སྦྱིན་པས་སོ། །ལ་ལ་ནི་སྙན་པས་སོ། །ལ་ལ་ནི་མཐུན་པས་
D829.097.0200b03.01སོ། །ལ་ལ་ནི་སྤྱོད་པས་སོ། །ལ་ལ་ནི་ནང་ཡོངས་སུ་གཏོང་བས་སོ། །ལ་ལ་ནི་ཕྱི་ཡོངས་སུ་གཏོང་བས་སོ། །ལ་ལ་ནི་ཐམས་ཅད་གཏོང་བས་སོ། །ལ་ལ་ནི་ཐམས་ཅད་ཆགས་པས་ཡོངས་སུ་སྨིན་པར་མཛད་དོ། །ལ་ལ་ནི་རྣམ་པར་གཡེང་བས་སོ། །ལ་ལ་
D829.097.0200b04.01ནི་ནང་དུ་ཡང་དག་འཇོག་གིས་སོ། །ལ་ལ་ནི་འདོད་པ་བཀག་པས་སོ། །ལ་ལ་ནི་འདོད་པ་སྤྱོད་པས་སོ། །གང་དེ་ལྟར་མོས་པ་ཐ་དད་ལ་སྤྱོད་པ་དང་། གཟུགས་དང་། སྒྲ་དང་། ལྟ་བ་དང་། ཐབས་དང་། འདོད་པ་དང་། དོན་ཐ་དད་པར་བསྟན་པས་ཡོངས་སུ་སྨིན་
D829.097.0200b05.01པར་མཛད་དོ། །ལང་ཀའི་བདག་པོ་དེ་དག་ནི་ཐབས་ཀྱིས་མཛད་པར་རིག་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐབས་ཀྱི་མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཅིག་པའོ།། །།དེ་ནས་ཡང་གསང་བ་པའི་
D829.097.0200b06.01བདག་པོ་དེས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་ཆེད་དུ་སྐུའི་མཛད་པ་ནི་འདི་ལྟ་སྟེ། ཇི་ལྟར་རྡོ་རྗེ་སེམས་དཔའི་སྤྲུལ་པ་འཇིག་རྟེན་དུ་བཀོད་པས་ཐམས་ཅད་ཀྱི་གཟུགས་སུ་སྣང་བ་དེས་ཐམས་ཅད་སྨིན་པར་མཛད་པ་དེ་ཁོ་ནའོ། །
D829.097.0200b07.01