完整藏文原文 · 德格版页 当前仅加载第 97 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་བཀའ་རྐུན་འགྲོ་གང་རྣམས། །བསླུ་པར་གྱུར་པའི་སྨིན་པ་ཡིས། །ངན་འགྲོར་བྱིང་གྱུར་གནས་དེ་ནས། །ཐར་ནས་ལོག་པའི་འཇིག་རྟེན་པ། །བདག་འཛིན་སྤྱོད་པའི་གནས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བདག་
D829.097.0193b01.01འདུལ་བ་བོ། །ཐ་ཚིག་ཉམས་ཤིང་དོན་ལ་རྨུགས། །གྲགས་པས་དེ་ལ་ཁས་འཆེ་ཕྱིར། །རྒྱལ་པོའི་རྒྱལ་ས་ཐོབ་འདོད་པ། །ཁྲེལ་མེད་སྤྱི་བརྟོལ་མུན་སྤྲུལ་འཆལ། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་གྲགས་པ་དེ་
D829.097.0193b02.01ཉིད་ལ། །རྣལ་འབྱོར་སྔགས་ཀྱི་ཚུལ་སྤྱོད་པ། །པེ་ན་པ་ཡ་བྱ་བ་ཞིག །བརྒྱ་ཡི་སྡེ་དང་བཅས་པ་བྱུང་། །རྩ་བ་ཉམས་ཤིང་དོན་ལ་རྨུགས། །དྲེགས་པ་ཆེན་པོའི་ང་རྒྱལ་གྱིས། །དོན་དང་ལྡན་པར་ཚུལ་འཆོས་ཕྱིར། །རྒྱལ་པོའི་རྒྱལ་ཐབས་ཆེ་བླངས་
D829.097.0193b03.01པས། །རི་བོས་སྲོག་ཆགས་མནན་པ་བཞིན། །ང་རྒྱལ་དྲེགས་པའི་རི་བོ་ཡིས། །འཁོར་བའི་ལས་སྤྱོད་ལས་ངན་པ། །གཏི་མུག་ཕག་གི་ལུས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བའི་བདག་པོ་ཉོན། །མཉམ་པའི་དོན་ཉིད་
D829.097.0193b04.01མ་ཆུབ་པར། །མཉམ་ཞེས་ཚིག་གི་ལམ་འབྱིན་ཞིང་། །ཆགས་སྡང་གཉིས་ལ་མངོན་འཆེལ་བ། །རྣལ་འབྱོར་ལས་ཀྱིས་འཁོར་བའི་ལམ། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་འབྱུང་བསྐལ་པ་དེ་ཉིད་ལ། །བདེ་སྦྱིན་ཞེས་ནི་
D829.097.0193b05.01བྱ་བ་ཞིག །རྣལ་འབྱོར་སྟོང་གི་འཁོར་དང་བཅས། །གསང་བ་དམ་པར་ངེས་སོ་ཞེས། །སྟེན་ཁྲིད་ཆགས་སྡང་གཉིས་ལ་འཆེལ། །དེ་ཉིད་ཡོངས་སུ་སྨིན་པ་ཡིས། །རཀྵ་སྲིན་པོའི་ཁམས་སུ་ལྟུང་། །དེ་འདྲའི་ཚུལ་བྱུང་དེར་མ་སྤྱོད། །གཞན་ཡང་གསང་བདག་
D829.097.0193b06.01འདི་ལྟ་སྟེ། །རྣལ་འབྱོར་གང་དག་བློ་ཆུང་རྣམས། །རྣལ་འབྱོར་གང་དག་དོན་གླེངས་ན། །དེ་ལ་འཇིགས་ཤིང་སྐྲག་འགྱུར་ཏེ། །སྤ་ཞུམ་མི་དགའ་འབྱོལ་བྱེད་བླུན། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གྲགས་འབྱུང་བསྐལ་པ་དེ་ཉིད་
D829.097.0193b07.01