完整藏文原文 · 德格版页 当前仅加载第 97 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་བདག་པོ་གང་གདུལ་བྱ་སྐབས་ལ་བབ་པར་གདུལ་བྱ་ཡོངས་སུ་རྫོགས་པའི་སྐྱེས་བུ་དམ་པ་དེ་དག་གང་དུ་ཇི་ལྟར་སྣང་བར་འགྱུར། དེ་སྐད་ཅེས་དྲིས་པ་ལས། གསང་བ་པའི་བདག་པོས་འདི་སྐད་ཅེས་སྨྲས་སོ། །ཀྱེ་ལང་ཀའི་བདག་པོ་གདུལ་བྱ་ཡོངས་སུ་རྫོགས་
D829.097.0166b01.01པའི་སྐྱེས་བུ་དམ་པ་དེ་དག་ནི་ཐམས་ཅད་ཡོངས་སུ་སྣང་བར་འགྱུར་རོ། །དྲིས་པ། དེ་ཇི་ལྟར་ཡོངས་སུ་སྣང་བར་འགྱུར། སྨྲས་པ། ལང་ཀའི་བདག་པོ་སྐྱེས་བུ་དམ་པ་དེ་དག་ནི་ཆོས་རྣམས་ཀྱི་ཆོས་ཉིད་དེ་ཁོ་ན་ཉིད་ལས་མི་གཞན་ལ། དེ་ལས་ནི་རྣམ་ཤེས་དང་།
D829.097.0166b02.01ཡེ་ཤེས་དང་། སྐུ་དང་། སྤྲུལ་པ་དང་། ཡི་གེ་དང་། ཚིག་དང་། ཆོས་དང་། སྐུ་གདུང་དང་རིང་བསྲེལ་ལ་སོགས་པ་ཆོས་ཐམས་ཅད་དུ་སྣང་ངོ་། །ལང་ཀའི་བདག་པོ་དེ་ཁོ་ན་ཉིད་ཀྱི་བྱིན་གྱི་བརླབས་འབའ་ཞིག་ལས་སྣང་བར་འགྱུར་ཏེ། ལང་ཀའི་བདག་
D829.097.0166b03.01པོ་ཇི་ལྟ་ཇི་ལྟར་ནམ་མཁའི་དབྱིངས་ན་ཉི་ཟླ་སྐར་ཚོགས་ལས་མ་གཡོས་པའི་གཟུགས་བརྙན་ཆུ་དང་བ་ཐ་དད་པར་སྣང་བ་བཞིན། ཆོས་རྣམས་ཀྱི་ཆོས་ཉིད་གསང་བའི་དབྱིངས་རྣམ་པར་དག་པ་ལས་ཆོས་ཐམས་ཅད་སྣང་བ་ཡིན་ལ། ཆོས་ཐམས་ཅད་ནི་སྐུ་
D829.097.0166b04.01གསུང་ཐུགས་ཡོན་ཏན་ཕྲིན་ལས་ལྔ་ཁོ་ནར་ཟད་དེ། དེ་ནི་གང་ཐེག་པ་ཆེན་པོའི་གསང་སྔགས་མཚོན་པར་བྱེད་པའི་སྒོར་སྣང་བ་ཡིན་ནོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ཀྱི་རང་བཞིན་གསང་བའི་དབྱིངས་གང་ཡིན་པ་དེ་ནི་ཐེག་པ་ཆེན་པོའི་གསང་
D829.097.0166b05.01སྔགས་དེ་ཁོ་ན་ཉིད་ཡིན་པར་ཕྱིན་ཅི་མ་ལོག་པར་ངེས་པའི་ཕྱིར་རོ། །དེ་ལ་ནི་ངོ་བོ་ཉིད་ཀྱི་སྐུ་ཞེས་བྱ་བར་གྲགས་ཤིང་གྲགས་པར་གྱུར་ཏོ། །ལང་ཀའི་བདག་པོ་གང་སེམས་ཀྱི་ཆོས་ཉིད་ལས་ནི་རྣམ་པར་ཤེས་པ་བཞིར་སྣང་ལ། རྣམ་པར་ཤེས་
D829.097.0166b06.01པ་བཞི་ནི་རྩ་བའི་རྣམ་པར་ཤེས་པ་དང་། དམིགས་པའི་རྣམ་པར་ཤེས་པ་དང་། ཀུན་དུ་སྣང་བའི་རྣམ་པར་ཤེས་པ་དང་། འཇུག་པའི་རྣམ་པར་ཤེས་པའོ། །རྣམ་པར་ཤེས་པ་བཞི་ལས་ཡེ་ཤེས་ཆེན་པོ་ལྔར་སྣང་སྟེ། སེམས་ཀྱི་ཆོས་ཉིད་
D829.097.0166b07.01