完整藏文原文 · 德格版页 当前仅加载第 97 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་གང་གི་རང་བཞིན་ལགས། དེ་སྐད་ཅེས་གསོལ་པ་དང་། གསང་བ་པའི་བདག་པོས་སྨྲས་པ། ཀྱེ་དམན་པའི་གྲོགས་པོ་དག་གང་རང་བཞིན་ནི་མི་འགྱུར་བའོ། །མ་བཅོས་པ་ནི་རྣལ་མའོ། །འདི་དག་ནི་གསང་སྔགས་ཀྱི་རང་བཞིན་དང་། དེ་ལ་ལྟ་བའི་རང་
D829.097.0236b01.01བཞིན་དང་། དེ་ལས་མི་འདའ་བའི་རང་བཞིན་དང་། དེ་ལྟར་སྤྱོད་པའི་རང་བཞིན་ནོ། །གྲོགས་པོ་དག་འདི་ལ་གསང་སྔགས་ཀྱི་རང་བཞིན་ནི་འདི་ལྟ་སྟེ། ནམ་མཁའ་ལྟ་བུའི་རང་བཞིན་པས། །རྣམ་པར་རྟོག་བྲལ་གང་མི་རྟོག །དེ་བཞིན་ས་ཡི་རང་བཞིན་
D829.097.0236b02.01པས། །ཐམས་ཅད་འབྱུང་བའི་རང་བཞིན་ནོ། །མེ་ཡི་རང་བཞིན་ལྟ་བུ་བས། །དངོས་པོ་ཐམས་ཅད་མེད་པར་བྱེད། །རླུང་གི་རང་བཞིན་ལྟ་བུ་བས། །གཡོ་རྡུལ་མི་གཡོའི་རྡུལ་ཀུན་སེལ། །ཆུ་ཡི་རང་བཞིན་ཁོ་ན་བས། །གཞན་མེད་དེ་བཞིན་ཉིད་དུ་འདུས། །སྨན་
D829.097.0236b03.01གྱི་རང་བཞིན་ཡིན་པས་ན། །འཁོར་བའི་གཅོང་རྙིང་རྣམ་པར་འབྱིན། །འདི་ལྟར་འཚོ་བའི་རང་བཞིན་པས། །འཚོ་བ་དག་པ་ཀུན་གྱི་གསོས། །གཅོད་པའི་རང་བཞིན་ལྟ་བུ་བས། །སྡུག་བསྔལ་རྒྱ་མཚོ་རྣམ་པར་གཅོད། །ཉི་མ་ལྟ་བུའི་རང་བཞིན་པས། །མུན་ཁང་
D829.097.0236b04.01སྣང་སྟོན་གསལ་བ་ཉིད། །རི་རབ་ལྟ་བུའི་རང་བཞིན་པས། །ཅིས་ཀྱང་བསྐྱོད་ཅིང་གཡོ་བ་མེད། །རྒྱ་མཚོ་ལྟ་བུའི་རང་བཞིན་པས། །མི་གཡོ་བ་ལས་བྱིན་བརླབས་འབྱུང་། །དེ་བཞིན་རྩི་ཡི་རང་བཞིན་པས། །དུག་ལ་སྨན་འགྱུར་ཇི་བཞིན་ནོ། །དེ་ལ་སོགས་པ་
D829.097.0236b05.01མཐའ་ཡས་མཆོག །རྣམ་པར་རྟོག་བྲལ་ཐམས་ཅད་འབྱུང་། །མ་བཅོས་མ་བསླད་དེ་བཞིན་པའོ། །གྲོགས་པོ་དག་དེ་དག་ནི་གསང་སྔགས་ཀྱི་རང་བཞིན་དུ་ཤེས་པར་བྱའོ་ཞེས་ཐོས་པ་རྣམ་པར་བགྲོས་པའོ། །གྲོགས་པོ་དག་དེ་ལ་ལྟ་བའི་རང་བཞིན་ནི་གང་ཞེ་ན།
D829.097.0236b06.01འདི་ལྟ་སྟེ། མ་ནོར་མི་འགྱུར་ངེས་བཅད་དེ། །མ་ཆགས་མི་རྟོག་ཉམ་མི་ང་། །དཔེར་ན་ནམ་མཁའི་རང་བཞིན་ལས། །སྤྲིན་དང་ན་བུན་ཁུག་རླངས་དང་། །ཟླ་བ་ཉི་མ་སྐར་ཚོགས་དག །སྣང་ཡང་ནམ་མཁའ་བཞིན་དུ་གནས། །དེ་བཞིན་ཉིད་ཀྱི་ནམ་
D829.097.0236b07.01